46 / 112
Produk-inligting
Augustus 2017
44
En dan is daar dié rusperbandtrekkers
D
aar is rusperbandtrekkers...en dan is daar Challenger – die
enigste trekkers wat spesiaal vir rusperbande ontwerp
is. Challenger stel al twaalf jaar lank die standaard in
die plaaslike rusperbandmark en met sy kompakte
MT 700E-reeks voeg hy nuwe waarde toe vir produsente wat die
voordele van dié unieke tegnologie wil benut.
Die Challenger MT 700E-reeks bestaan uit twee modelle van
280 kW en 298 kW onderskeidelik en is die “kleinboet” van die
MT 800C-reeks (328 kW - 383 kW). Die grootste model, die MT 775E,
is in 2015 by die Sima-skou in Frankryk as Trekker van die Jaar in
die XXL-kategorie aangewys. Die reeks word versprei deur BHBW
(voorheen Barloworld Agriculture).
Die MT 700E is die opvolger van die MT 700C-reeks. Opgraderings
sluit in verhoogde kraglewering en ekstra wringkrag, verhoogde
hidrouliese vloei, ‘n groter brandstoftenk, ‘n groter kontak-area vir
die rusperbande en ‘n nuwe panoramiese kajuit – alles faktore wat
bydra tot meer produktiewe dae op die land.
Met die MT 700E-reeks kry jy nie net die voordele van rus-
perbandtegnologie nie; sy kompaktheid maak hom ook ongelooflik
veelsydig. Dit is trekkers wat vier of vyf keer per jaar winsgewend
benut kan word, vir enigiets van swaar ripwerk en skoffel tot plant
en die sleep van tapkarre.
Hidrouliese vloei van 324 liter per minuut beteken die trekkers kan
gebruik word om wydwerkplanters van tot 36 rye, groot saaiers en
ander presisieboerderytoerusting met groter hidrouliese vereistes
te sleep. Albei modelle het ‘n hysvermoë van 11,7 ton op die driepunt.
Die reeks word aangedryf deur brandstofdoeltreffende AGCO
Power-enjins en die MT 775E deur ‘n 9,8 liter AGCO Power-sewe-
silinderenjin met ‘n dubbele turbo. Dié enjins is ontwerp vir wring-
krag: Die MT 775E bied byvoorbeeld tot 1 921 Nm teen 1 500 opm
en ‘n wringkragreserwe van tot 42%. Jy kan dus die enjin se volle
krag benut en meer met minder brandstof gedoen kry – ook onder
swaar vrag.
Om vir plaaslike toestande voorsiening te maak is e
xtreme
application
-rusperbande standaard beskikbaar. Die spoorwydte
kan verstel word tussen 2 032 mm tot 3 048 mm.
Challenger-voorsprong
Challenger-trekkers is ontwerp rondom die gepatenteerde Mobil
Trac-onderstel. Die MT 700E-reeks se bande het elk drie paar
ossillerende binnewiele, sodat die trekker nooit “hop” nie. Dié
wiele verhoog die bande se kontak met die grond, wat beter traksie
meebring en grondverdigting verminder (en dus uiteindelik jou
oesopbrengs verhoog).
Danksy die langer voetspoor en beter traksie as ‘n vergelykbare
wieltrekker, word meer krag na die grond verplaas. Jy kan daarom
wyer implemente teen ‘n hoër werkspoed sleep, of dieselfde
implement trek met minder moeite en ‘n besparing op brandstof.
Wieltrekkers onder vrag werk teen ‘n gemiddelde wielglip van tot
15% teenoor Challenger se 4% tot 5% in dieselfde omstandighede.
Vir elke duisend uur gewerk sal ‘n wieltrekker derhalwe honderd
uur méér op een plek staan en diesel verbrand sonder om regtig
te werk.
Ander Challenger-voordele sluit in die rygerief wanneer op ongelyke
lande of oor rye gewerk word en groter stabiliteit teen skuinstes.
Kraglewering bly dieselfde ondanks veranderings in wielglip en
banddruk hoef nie gewysig te word nie.
Challengers is gebou vir ‘n lang lewe – daar is rusperbandtrekkers
in Suid-Afrika waarvan die uurmeter ná 25 000 uur weer van voor
af begin het. Boonop is die herverkoopwaarde uitstekend
– produsente het al hul ou trekkers verkoop teen dieselfde prys
waarvoor dit destyds aangeskaf is.
Boonop is alle Challenger-trekkers beskikbaar met ‘n BHBW-diens-
plan van 2 000 uur of drie jaar (watter een ook al eerste verstryk), wat
meganisasiebestuur vergemaklik en sorg vir groter gemoedsrus.
FOKUS
Werktuie en toerusting
Spesiale
ANITA VAN ZYL,
namens BHBW Suid-Afrika