49 / 112
Produk-inligting
Gehalte en bekostigbare produkte
in Suid-Afrika vervaardig
V
ZS Potatoes is ‘n uitbreiding van die Van Zyl Staalwerke
groep. Ontwerp van die groente-aanleg en -toerusting
word behartig deur ‘n taakspan van ingenieurs en die
tekeninge word deur Solid Works ontwerp en aangepas.
Paklyne word egter op aanvraag en volgens spesifikasie van die
kliënt vervaardig. Paklyne sluit alle eenhede in: Van die was-
drom deur die verspreidinglyn, die gradeermasjinerie, tot by die
verpakkingslyne.
Oor die afgelope tyd is daar ook baie aandag geskenk aan ‘n
verskeidenheid tip- en sleepwaens. Uit hierdie ondersoeke en
ontwikkeling het verskeie nuwe produkte die mark betree en
boverwagte resultate gelewer.
Bykans alle modelle is deur die National Regulator for Compulsory
Specifications (NRCS) goedgekeur en is op die e-natis-stelsel.
Sytipwaens (
side tippers
)
Met ‘n opsie tussen ‘n 20 000 liter en 26 000 liter sleepwa,
word verskuiwing van graan vergemaklik en lewering ook meer
effektief. Alle materiaal word voorsien deur ‘n netwerk van ons
sleutelverskaffers wie se produkte van hoë gehalte is.
Die sleepwaens kom standaard met ‘n seil, haak agter om meer as
een sleepwa te trek en ook ‘n koppelstuk vir die ligte.
Dubbel-as-tipwa
Tans is die dubbel-as-tipwa een van die eenhede wat uitstekende
resultate lewer. Dit is ontwerp met die doel om die tipwa vir meer as
een taak aan te wend.
Dit is opsioneel beskikbaar met kuilvoerkante of vaste kante, wat
dit dan ook moontlik maak om graan te skuif. Die boonste raam
kan afbout en is dan geskik om as normale tipwa te gebruik vir
algemene werk.
Die dubbel-as-stelsel gee meer stabiliteit en die tipwa kan met
‘n kleiner trekker hanteer word. Verder word die reeks ondersteun
deur verskillende opsies met betrekking tot tipwaens – wat strek
vanaf 3 ton tot 15 ton tipwaens.
Voorbereiding
Voorbereiding en instandhouding van lande word vergemaklik
deur ons reeks van damskroppe, die sleepskraper en ‘n kontoer-dis.
Lande word voorberei vir die volgende seisoen en daar waar
verspoelings plaasgevind het, moet verbeterings aangebring word.
Sonder ‘n oormatige uitleg aan kapitaal is ‘n damskrop en pad-
skraper voldoende om die werk te verrig en soos genoem, is dit
werktuie wat veel meer as een taak kan verrig.
‘n Keuse van twee damskroppe – een van 3 m en een van 6 m – is
beskikbaar. ‘n Damskrop is ‘n werktuig waarvan die benaming eintlik
nie die volle potensiaal beskryf nie, aangesien meer werk met ‘n
skrop gedoen kan word as wat die naam alleen suggereer.
Grond wat verskuif moet word, kan met gemak verskuif word
sonder dat die vrag gedurende die rit verlore gaan. Waterbane en
algemene opvulling kan met gemak deur ‘n skrop gedoen word.
Kontoere skraap of paaie herstel word gemaklik met die padskraper
afgehandel. Dit is groot en stewig genoeg om nie terug te staan
vir die selfaangedrewe modelle nie. ‘n Lem van 3,6 m in breedte
en onafhanklike silinders op die agterwiele maak dit gemaklik om
die helling te verander. Een operateur is nodig op die werktuig om
beheer van die skraapaksie te behou en die trekkeroperateur wat
op die rigting fokus, maak spanwerk die sleutel tot sukses. Teen ‘n
gewig van meer as 4 ton en ‘n trekker van ongeveer 100 kW word
elke oppervlak egalig en doeltreffend geskraap.
By Van Zyl Staalwerke word produkte nie net vervaardig nie, maar
lewer ons ook ‘n diens deur herstelwerk en verkope van onderdele
deur drie takke. Met ‘n reputasie wat meer as 35 jaar jonk is, verstaan
ons die taal van produsente en word ‘n diens wat wyer as die Oos-
Vrystaat strek, gelewer.
Van Zyl Staalwerke se produkte is 100% Suid-Afrikaans: Vervaardig
in ons land sodat gehalte en bekostigbaarheid volhoubaar is. Ons
slagspreuk “Vir die boer” is presies dit. Bemarking word in enige
besigheid hoog aangeslaan met nuwe metodes en idees, maar die
belangrikste is die mond. Wat word deur die kliënt oorgedra na die
potensiële volgende kliënt?
47
August 2017
FOKUS
Werktuie en toerusting
Spesiale
NIEL MARAIS,
Van Zyl Staalwerke
Paklyne word op aanvraag en volgens die spesifikasies van die
kliënt vervaardig.
Figuur 1: ‘n Voorbeeld van ‘n paklynkonsep.