34 / 116
Produk-inligting
Augustus 2016
32
Bobaas met brandstof
‘n
Jong
graanprodusent
van
Amersfoort sê sy MF 8690 van
250 kW bespaar hom tot 17,6%
liter brandstof per uur in verge-
lyking met ‘n ander trekker met soortgelyke
tegnologie en werk boonop vinniger. Dit, én
puik diens, is waarom hy nou op Massey
Ferguson-trekkers standaardiseer.
Mnr Johan van Niekerk boer saam met sy
pa, Jan, en broer, Koos. Hy lê hom sedert
2010 daarop toe om hul saaiboerdery uit
te brei en plant vandag 1 500 ha mielies,
sojabone en tef.
Sy hoofvereistes met die koop van ‘n
groot trekker twee jaar gelede was werk-
verrigting en ekonomie en goeie diens deur
sy handelaar. Nadat hy fabrikate vergelyk
het, was die antwoord ‘n MF 8690 van JWL
Landbou Voorsieners op Ermelo.
Die trekker sleep ‘n 19-tand-beitelploeg en ‘n
kontrasnyeg met ‘n werkswydte van 7 m. “Ek
en my pa ry self en die hoë spesifikasievlak
is presies wat ons soek. Die kombinasie van
enjin-, transmissie- en hysertegnologie is
onverbeterlik,” sê hy.
Die MF 8690 is toegerus met ‘n AGCO
Power-enjin en ‘n deurlopend-wisselende
transmissie (Dyna-VT) wat outomaties met
‘n Dynamic Tractor Management-stelsel
(DTM) beheer word. Die hysvermoë van
12 ton bied oorgenoeg reserwekapasiteit
dat implemente altyd effektief reageer.
“Met DTM stel jy die optimale werkspoed
vir die implement en die enjinomwentelinge
word so laag moontlik gehou en outomaties
aangepas om die spoed te handhaaf,” sê
Van Niekerk. “Jy druk net een knoppie en die
trekker sorg vir die res.”
Nog ‘n pluspunt is die suspensie op die
vooras, wat hidroulies met sensors beheer
word. Dit skakel
power hop
uit en sorg
vir uitstekende kragoordrag – wat help
om brandstofverbruik en werkspoed te
verbeter.
Brandstofbesparing
In Mei 2015 het Van Niekerk en ‘n mede-
produsent van Amersfoort ‘n toets met die
MF 8690 en ‘n mededingende trekker van
257 kW, met ‘n soortgelyke transmissie,
gedoen om brandstofverbruik en werks-
tempo te vergelyk.
Die twee trekkers is gelyktydig in dieselfde
grond getoets en verteenwoordigers van die
twee verskaffers was deurentyd betrokke.
Die trekkers is deur produsente bestuur en
daar was ‘n kontrolebeampte in elke kajuit.
Albei trekkers het ‘n 13-tand-CLG-beitel-
ploeg gesleep wat sover moontlik identies
ingestel is. Steektoetse is gedoen om
konstante werkdiepte te bevestig.
Die trekkers is tot die maksimum vlak met
diesel volgemaak, langs mekaar opgestel
en deur middel van radioverbinding afgesit.
Die werktyd was presies 60 minute. Hierna
is brandstof-aanvulling gemeet asook die
oppervlakte wat bewerk is.
Die MF 8690 het 13 liter, ofte wel 17,6%,
minder brandstof per uur gebruik. Teen ‘n
dieselprys van gemiddeld R11,70/liter is die
geprojekteerde brandstofbesparing oor die
leeftyd van die trekker (10 000 werksure) ‘n
hele R1,5 miljoen.
Boonop het die Massey die werk 8% vin-
niger voltooi, wat beteken jou bewerkings-
venster word beter benut én die trekker kan
gouer vir ander take aangewend word.
Mnr Piet Vorster (produkbestuurder:
Massey Ferguson by Barloworld Agricul-
ture) sê alhoewel die toets nie deur ‘n
erkende onafhanklike instansie gedoen
is nie en ook nie volgens die gebruiklike
toetsinstansie-norm van gm/kW/h nie,
bevestig dit die resultaat van toetse
wêreldwyd. “Die syfer sal verskil van
grondsoort tot grondsoort en afhang van
faktore soos werkdiepte en vog, maar
die Massey-pakket behoort altyd ‘n voor-
sprong te gee.”
Die Van Niekerks het intussen hul Massey-
vloot aangevul met twee MF 4708-trekkers
en meer onlangs, twee MF 6700-modelle
en twee hoëtegnologietrekkers uit die
MF 7600-reeks. Ook hier verwag Van
Niekerk brandstofbesparings: Die MF 4708
van 61 kW bespaar tot 20% op diesel met
die sleep van ‘n sestolsnyer teenoor ‘n ander
trekker van 68 kW wat voorheen gebruik is.
“Met vandag se marges en risiko’s, waar
jy jou hele plaas se waarde in die grond sit
net aan insetkoste, maak Massey Ferguson
dit vir ons moontlik om te bespaar op die
een ding waaroor ons wel beheer het
– brandstofkoste,” sê hy. “En met Werner
Nel en JWL Landbou Voorsieners weet ek
dat ek deur dik en dun kan staatmaak op
uithalerdiens.”
FOKUS
Werktuie en toerusting
Spesiale
ANITA VAN ZYL,
namens Barloworld Agriculture
Christiaan Gouws (Barloworld Agriculture),
Johan van Niekerk en Werner Nel by
Van Niekerk se MF 8690.