29 / 116
Produk-inligting
Maak kennis met die koning
van beitelploeë
D
ie 2410-beitelploeg van John Deere hou verskeie voordele
vir graanprodusente in. Boonop kan dit ‘n produsent
heelwat aan diesel, tyd en arbeid bespaar.
“Met die meerdoelige beitelploeg kan ‘n produsent 40 ha binne
twee uur bewerk met ‘n groot besparing in dieselverbruik,” sê mnr
Pierre Bosman (derdegeslagprodusent van die plaas Middelwater
in die Bloemfontein-distrik). Die beitelploeg is ‘n meerdoelige
werktuig wat uitstekend werk wanneer dit nodig is om grond vlak
te bewerk om sodoende ‘n droë “oppervlakkombersie” te skep vir
vogbewaring onder die grond.
Die verskillende toepassings sluit in akkurate grondbewerking
met die gebruik van John Deere AccuDepth™-dieptebeheer.
Die 2410 is die koning van die beitelploeë met uitstekende
grondbestuurfunksionaliteit wat lei tot hoër produktiwiteit, minder
tyd in die lande en laer bedryfskoste.
Vogbewaring
Beitelploeë word sedert die 1930’s gebruik as ‘n alternatiewe metode
tot grondbewerking om erosie te bekamp. Omdat die beitelploeg
die oppervlakkors breek, beperk dit die vloei van water, wat erosie
verhoed.
Skottelwerktuie werk die stoppels in die grond in. Die beitelploeg,
daarteenoor, is die ideale werktuig om grond los te maak, stoppels
op die oppervlakte te laat en ‘n perfekte saadbedding voor te berei
– ‘n voorvereiste vir die ontwikkeling van ‘n gesonde wortelstelsel.
In die Bosmans se geval gebruik hulle die 2410-beitelploeg om die
land met ‘n vlerkskaaraksie skoon te skoffel nadat geoes is. Die
besparing aan diesel, tyd en arbeid met die ploeg is aansienlik meer
as met ander werktuie omdat dit 19,2 m wyd kan werk. Gevolglik is
daar minder verkeer op landerye en die verdigting van grond word
tot ‘n minimum beperk.
Nog ‘n voordeel van die beitelploeg is sy vermoë om soos ‘n
slang oor die oppervlak van lande te seil. Die eienskap, saam met
John Deere se AccuDepth™, beteken konsekwente dieptebeheer
oor ongelyke grondoppervlakke, wat lei tot ‘n goeie saadbedding en
onkruidbekamping.
Met AccuDepth™ kan diepteverstellings in die ry gemaak word. Dit
verminder staantyd vergeleke met handverstellings op soortgelyke
werktuie en dra by tot hoër produktiwiteit.
Presisiedieptebeheer is uiters belangrik om kunsmis in die grond in
te werk en goeie grondbestuur toe te pas. Grondtipes verskil van
plaas tot plaas en selfs in dieselfde lande. Daarom is dit belangrik om
jou werktuig dienooreenkomstig aan te pas.
AccuDepth™ word elektronies beheer vanaf die 2630 GreenStar™-
beheerskerm wat die diepte van die bewerking aanpas. ‘n Opsie
is beskikbaar vir ouer trekkers om die werktuig met ‘n meganiese
enkelpuntdieptebeheer te laat werk.
Die 2410 se gewig word versprei met Walk-Over™-loopwiele wat
verseker dat die werktuig teen die optimale diepte werk.
Die kilowatt-vereiste hang van die grondtipe af. Die dieper bewerking
van kleigrond vereis ‘n hoër kW-trekker, terwyl die vlakker bewerking
van sandgrond ‘n laer kW-trekker benodig.
Voordele
Die beitelploeg is ‘n bate wat in waarde toeneem. Onderhoud is
beperk tot skaarslytasie, terwyl die produsent die langtermynvoor-
dele van ‘n laer dieselverbruik benut.
Groot besparings soos dié maak die werktuig die moeite werd vir
kommersiële produsente. Die 2410-beitelploeg kan die oplossing vir
talle kommersiële graanprodusente wees.
Bosman, wie se hart ooglopend groen klop, sluit af: “John Deere is
nie ‘n werktuig of ‘n trekker nie, dit is ‘n manier van boer. En om te
boer is nie werk nie, dit is ‘n manier van leef.”
Die 2410-beitelploeg is beskikbaar in groottes van ‘n enkel-seksie
van 3,3 m tot vyf seksies van 19,2 m. Dit kan tot 305 mm diep werk.
27
FOKUS
Werktuie en toerusting
Spesiale
MARIEKE SNYMAN,
namens John Deere Financial
Die John Deere 2410 is ‘n meerdoelige werktuig wat grond akkuraat kan bewerk.
Augustus 2016