33 / 116
Werktuie en toerusting
Spesiale
Produk-inligting
31
August 2015
Massey maak die verskil
ANITA VAN ZYL,
namens Barloworld Agriculture
M
assey Ferguson se MF 8690 van 250 kW is in 2009 deur
Nebraska OECD, een van die wêreld se voorste trekker-
toetssentrums, geloof vir sy brandstofdoeltreffendheid.
Vandag, ses jaar later, getuig produsente steeds hoe
hulle voordeel trek met Massey Ferguson se dieselsuinige hoëteg-
nologietrekkers.
“Nebraska OECD se meting van brandstof in gm/kW/h is gebaseer op
’n kragaftakkertoets in laboratoriumtoestande en verwys na die enjin
se vermoë om brandstof in energie te omskep,” sê mnr Piet Vorster,
produkbestuurder vir Massey Ferguson se hoëtegnologietrekkers by
Barloworld Agriculture.
‘n Nebraska-verslag wys kurwes wat kW-uitsetting op verskillende
enjinomwentelings uitstippel asook wringkrag en brandstofdoeltref-
fendheid onder verskillende dinamometerladings.
“‘n Trekker se doeltreffendheid hang nie alleen af van die enjin se ver-
moë nie. Die enjin, transmissie en hyser moet as ‘n kragtige eenheid
kan saamwerk om optimale benutting te bewerkstellig. Dat Massey
Ferguson skitterend hierin slaag, is plaaslik deur en deur bewys, ook
met vergelykende toetse in die veld,” sê Vorster.
Spanwerk
“Die rede hiervoor is die ongeëwenaarde spanwerk tussen die
MF 8690 se 8,4 liter AGCO Power-enjin; die wêreld se mees gevor-
derde transmissie, Dyna VT; en die puik hyser met sy hope reserwe-
kapasiteit.”
Die AGCO Power-enjin beskik oor ‘n Dynamic Tractor Management-
stelsel wat enjinomwentelinge outomaties aanpas om die mees
ekonomiese brandstofverbruik te verseker by veranderende grond-
en werktoestande. Die enjin bied ook ’n hoë wringkragreserwe – ’n
kenmerk van Massey Ferguson-trekkers – wat onder meer moontlik
gemaak word deur ’n lang enjinslag.
Dyna VT, Massey Ferguson se deurlopend-wisselende transmissie,
sorg outomaties vir die presiese beheer van grondsnelheid, terwyl
enjinomwentelinge so laag as moontlik gehou word. Dit bring mee
dat die trekker altyd op sy mees ekonomiese en doeltreffendste werk.
Daarby bied die elektronies beheerde driepunthyser met sy enorme
optelvermoë van tot 12 ton, ‘n groter reserwekapasiteit vir die
gemaklike hantering van implemente. Massey Ferguson se hoë-
tegnologietrekkers is beskikbaar met GPS-gebaseerde Autosteer, is
ten volle Isobus-gereed en ook reeds voorsien van antennas en sen-
sors vir Agcommand-telemetrie wat die afstandmonitering van die
trekkers moontlik maak.
“Die voordele van hierdie tegnologiekombinasie geld vir al die
maatskappy se hoëtegnologietrekkers – sowel as die res van die
MF 8600-reeks en die MF 7600-reeks,” sê Vorster.
Afgesien van die MF 8690, bestaan die MF 8600-reeks uit die
MF 8670 van 213 kW en die nuwe MF 8660 van 196 kW, wat onlangs
tot die reeks toegevoeg is om die kilowatt-gaping tussen dié reeks
en die MF 7600-reeks te vul.
Die MF 7600-reeks van 96 kW tot 177 kW bestaan uit sewe modelle
wat almal aangedryf word deur AGCO Power-enjins. Trekkers in die
reeks is beskikbaar met ’n Dyna VT- of Dyna 4- of Dyna 6-transmis-
sie afhangend van die model en beskikbare opsies. Die Dyna 4- en
Dyna 6-modelle beskik oor 16 of 24 vorentoe- en truratte onderskei-
delik, wat jy sonder ’n koppelaar wissel. Modelle in die reeks se hys-
vermoë wissel van 7 ton tot 9,1 ton – weer eens ver bo die gemiddeld.
Die maatskappy het die afgelope tyd enorme groei behaal in die
hoëtegnologiesegment van die mark. “Dit is omdat al meer eind-
gebruikers aan hulle sak die verskil ervaar wat Massey Ferguson-
tegnologie maak ten opsigte van brandstofverbruik, produktiwiteit
en werkverrigting,” voeg Vorster ter afsluiting by.
Die vlagskip onder Massey Ferguson se hoëtegnologietrekkers, die MF 8690, gaan voort om plaaslik louere in te oes vir brandstofdoeltreffendheid en
werkverrigting.
FOKUS