SA Graan April 2015

50 / 92

April 2015
48
55%van die groothandelsprys van
diesel in Maart het uit die basiese
brandstofprys (invoerpariteitsprys
van diesel) bestaan en 45% daar-
van uit heffings en belasting. Die
grootste gedeelte (70%) van hierdie belasting en heffings bestaan
uit die algemene brandstofbelasting en die Padongelukkefonds-
heffing.
Die dieselkorting waarvoor produsente kwalifiseer, bestaan
uit 40% van die algemene brandstofbelasting en 100% van die
Padongelukkefondsheffing. Dit wil sê, op grond van berekeninge
in Maart, kwalifiseer produsente om 42% van hierdie heffings
en belastings via die dieselkorting terug te kry op 80% van hul
kwalifiserende liters.
Die dieselkorting vanaf April 2015
Die Minister van Finansies het op 25 Februarie aangekondig dat die
algemene brandstofheffing op 1 April met 30,5 sent per liter en die
Padongelukkefondsheffing met 50 sent per liter gaan toeneem.
Dit bring mee dat die dieselkorting vanaf 188 sent per liter na 250 sent
per liter op 1 April gaan toeneem – vir 80% van regmatige gebruik.
Tesourie het ook in die vooruitsig gestel dat die dieselkorting in die
nabye toekoms (April 2016) los van die BTW-stelsel hanteer gaan
word. Daar is ook voorstelle deur die Minister van Finansies dat
die korting op die algemene brandstofheffing vir sekere bedrywe
verminder moet word.
Verhoging in dieselkorting gaan met meer
verantwoordelikheid gepaard
Uit die artikel is dit duidelik dat ondanks die feit dat heffings en
belastings skerp toeneem, die dieselkorting ‘n noemenswaardige
deel daarvan uitmaak. Dit alles spel uit dat ons in die landboubedryf
die dieselkorting met die nodige omsigtigheid moet hanteer en ten
alle tye moet beskerm – dit is van die min ondersteuningsmaatreëls
wat ons wel ontvang.
Vir meer inligting oor die hantering van die
dieselkorting, besoek (Skedule 6 deel 3):
SCEA1964/LAPD-LPrim-Tariff-2012-19%20
-%20Schedule%20No%206.pdf
Die dieselprys bestaan uit 45%
heffings en belastings, maar...
CORNÉ LOUW, senior ekonoom: Bedryfsdienste, Graan SA
INSET
-oorsig
OP PLAASVLAK
Grafiek 1: Samestelling van die groothandelsprys van diesel in
Maart 2015.
Grafiek 2: Dieselkorting.
Wenke vir dieselkorting
Eis die dieselkorting op grond van verbruik en nie
aankope nie.
Hou volledig boek van dieselgebruik op die plaas (vanaf
die hoofverspreidingspunte):
Datum van diesel ingegooi
Hoeveelheid diesel ingegooi
Beskrywing van voertuig
Waarvoor diesel aangewend is Kry hier meer inligting oor die hantering van die
dieselkorting.