NAMPO 2019

62 / 140

P
2019
60
Graan|Grain
Om die NAMPO Oesdag by te woon, is ’n moet-doen
op die produsent se jaarprogram. Dit vra egter
goeie beplanning om die rit aangenaam en veilig
te maak.
Hier in die hartland van die Vrystaat is dit nie
moeilik om soos die spreekwoordelike naald in ’n
hooimied te voel nie, maar dit is onnodig. Beplan net vooraf vir wie
jy waar wil sien en hoe jy daar kan kom.
Pendeldiens
Loer gerus by of skakel me Hetienne von
Abo-Moolman by 084 083 4000 vir kort- en langafstandritte na en
vanaf NAMPO Park. Die Mieliehop Pendeldiens, in oorleg met Botha­
ville Sakekamer, sluit ook ritte van en na Pretoria, Johannesburg,
Potchefstroom, Klerksdorp, Welkom, Bloemfontein en op versoek vanaf
OR Tambo/Lanseria na NAMPO Park in.
Kies jou pad na NAMPO
Verseker die belangrikste om te weet is die koördinate vir
NAMPO Park: 27°14'0.52"S en 26°39'53.24"E. Sleutel dit nou reeds
op jou GPS in.
Of jy NAMPO Park nou vanuit Gauteng, die Vrystaat, Noord-
Kaap, Noordwes Provinsie of deur enige van die bekende of minder
bekende grondpaaie nader, sal alle paaie – soos in die
verlede – na die R30 toe lei – die pad tussen Botha­
ville en Orkney. Met die tong in die kies wonder ’n
mens eintlik hoekom hulle nie lankal die R30 na
die “NN” of NAMPO Nasionale-pad herdoop het
nie...
Alle toegang na parkeerterreine is net
vanaf die R30. Dit sluit besoekersparkering,
uitstallersparkering, gasteparkering, ledepar­
kering en parkering vir busse, vliegtuie asook
op- en aflaaivoertuie in. Staan egter vroeg
op, luister na NAMPO Radio se helikopter­
verkeersverslae en parkeer so gou moontlik vir
jou NAMPO-ervaring.
Parkering
Onthou, daar is geen spesiale busparkering nie. Alle
busse gebruik dieselfde paaie en parkeerterreine as
motors, bakkies, motorfietse en aflaaivoertuie.
Daar is, soos in die verlede, twee reuseparkeerter-
reine. Die Noordelike (Orkney-kant) en die Suidelike (Botha­
ville-kant) parkeerterreine is vir almal wat nie lede van Graan SA
of genooide gaste van Graan SA is nie.
SA Graan/Grain redaksiespan
Weet waar, wie
en wat by NAMPO is
Bulperd Trailers
082 414 2569