48 / 132
September 2018
46
Effektiewe beheer van
glifosaatbestande opslagmielies krities
H
ierdie artikel is nie geskryf om die moets en moenies van
monokultuurmielies te behandel nie, maar om slegs een
van die uitdagings wat as gevolg daarvan ontstaan, aan
te spreek. Opslagmielies behoort as ‘n onkruid in ‘n nuwe
seisoen gesien te word.
Data bewys dat opslagmielies tot 8% oesverlies kan bewerkstellig.
Dit gee ons ongeveer R640 se verlies in ‘n land met 4 ton opbrengs
en R1 280 in ‘n land met 8 ton opbrengs. Dit is meer as die totale
chemiese bespuitingskoste per hektaar.
Hoe gemaak met opslagmielies in ‘n glifosaatbestande mieliepro
gram, oftewel Roundup Ready-mielieprogram? Die uitdaging is dat
die vensterperiode waarin opslagmielies bestry kan word, geweldig
klein is en as ons ‘n fout maak, dit nie sonder meganiese bewerking
beheer kan word nie. Indien wel, dan ook net tussen die rye.
Omdat ‘n mielie heterosigoties is, sal sy nageslag terugslaan na
sy ouerlyne – waarvan die glifosaat-geen van die wyfie se lyne
afkomstig is. Dit beteken dat tussen 25% en 75% van die nageslag
(opslag) die glifosaatgeen sal bevat, afhangende van die bestuiwing,
en derhalwe weerstand teen glifosaat sal bied. Dit is waarom ons
ander produkte, soos fops en dims, moet gebruik om die glifosaat-
bestande opslag te beheer.
Daar is verskeie aktiewe bestanddele wat gebruik kan word, waar-
van Clethodim en Kwisalofop-P-tefuriel die meeste gebruik word
omdat hulle tans die goedkoopste en doeltreffendste is. Hierdie
twee aktiewe bestanddele word op die blare van aktief-groeiende
opslagmielies aangewend en word translaminêr deur plantsappe na
die groeipunt vervoer om dit te dood.
Uit proewe wil dit voorkom asof Kwisalofop-P-tefuriel tog vinniger
en effektiewer werk. (Vra jou gewasoplossingspesialis of gebruik
om jouself te vergewis van die handelsname van die twee
soorte fops en dims.)
Die afgelope seisoen het bogenoemde twee aktiewe bestanddele
gemengde suksesse behaal. In ‘n uitgebreide studie kon ons
vasstel dat geen van die produkte en lotnommers wat getoets is,
op standaard was nie. Dit het ons genoop om proewe te spuit en ‘n
diepgaande studie te maak van wat tydens die bespuiting verkeerd
gegaan het.
Vervolgens kommunikeer ons graag ‘n paar punte wat in ag geneem
moet word om opslagmielies die hoof te bied:
Klimaat:
Die opslag moet gesond wees en aktief groei sodat
die middel na die groeipunt kan beweeg. Daarom sal enige
stremming, hetsy koue of erge hitte, die plante se groei vertraag
en translokasie van die aktiewe bestanddele na die groeipunt
stadiger laat plaasvind. Dié vertraging in sapvloei gee die plant
‘n kans om die aktiewe bestanddeel te metaboliseer, wat sal
veroorsaak dat hergroei kan plaasvind.
Kultivar:
Kies die regte kultivar met ‘n goeie staanvermoë, ‘n
sterk stam en ‘n vinnige afdrogingsvermoë.
Stroopwerk:
Stroop betyds; moenie te lank wag nadat die oes
genoeg afgedroog het nie.
Gebruik die regte
stroperverstellings
. Tot 15% pitverlies is
tydens hierdie seisoen gesien.
Bewerkingsmetodes:
Doen die regte saadbedvoorbereiding
en waak daarteen om ‘n implement te gebruik wat die opslag
en blare in ‘n ry inskuif. Dit veroorsaak ‘n “worsopslag” wat oor
‘n tydperk ontkiem en nie raakgespuit kan word nie – veral in
nouer rye.
Bespuiting:
Gebruik die minimum aanbeveling van 150 liter
water per hektaar om voldoende benatting te bewerkstellig.
Hierdie is ‘n kritiese faktor by beide aktiewe bestanddele.
Gebruik 2% ammoniumsulfaat om die water te
kondisioneer
en
die soute te bind.
Voeg ten minste 200 ml van ‘n
penetreermiddel
soos lemoen-
olie by.
Spuittoerusting:
Gebruik die regte spuitstuk vir ‘n watervolume
van 150 liter en meer. Gaan spuitstukke noukeurig na vir slytasie
en effektiwiteit. Hierdie faktor is een van die grootste hindernisse
vir effektiwiteit, wat veral by hoogloopspuite gesien word.
Produsente gebruik een stel spuitstukke vir ‘n te lang tyd.
Opsomming
Pas hierdie reëls toe voor planttyd en uit eie ervaring en proewe
waarborg ek jou gemoedsrus in die bekamping van opslagmielies.
Verwysings
National Science Foundation. (s.a.).
Understanding inheritance
. Beskikbaar by:
http://maize.teacherfriendlyguide.org/index.php/biology-and-genetics-of-maize/
understanding-inheritance.
Anon. (s.a.).
The effect of Roudup Ready corn on corn yield
. Beskikbaar by:
http://
www.aganytime.com/Documents/ArticlePDFs/LC-Monmouth-The-Effectof-
Volunteer-Roundup-Ready-Corn-on-Corn-Yield.pdf.
Fokus
Geïntegreerde plaagbeheer
Produkinligting
Gerrie Ludick,
InteliGro TMS
Hierdie foto toon die uitwerking van fops en dims op opslagmielies.
Let op die afsterwing van die groeipunt, terwyl die res van die plant
lewendig is.