55 / 108
Tuis op die knakkerterrein
A
s jy ‘n paar jaar gelede ‘n wieltrekker van 380 kW wou hê,
was ‘n knakker jou enigste opsie. Nou bied Fendt ‘n
opwindende alternatief – ‘n vasteraamtrekker wat veel
doelig gebruik kan word en boonop vir optimale gerief,
werkverrigting en brandstofverbruik sorg.
Die Duitse trekkervervaardiger Fendt het met die 1000 Vario-reeks
‘n nuwe trekkersegment geskep – konvensionele wieltrekkers tot
380 kW. Die reeks bestaan uit vier modelle met kraglewering van
onderskeidelik 291 kW, 320 kW, 350 kW en 380 kW, wat beteken
dat Fendt hom stewig op die knakkerterrein bevind.
Mnr Willie Stander, hoofbestuurder vir Fendt by BHBW Suid-Afrika
(voorheen Barloworld Agriculture), sê die 1000 Vario bied egter
veel meer as brute trekkrag vir die sleep van groot implemente
met primêre grondvoorbereiding.
“Dit kan die werk van ‘n geartikuleerde trekker doen, maar kan ewe
doeltreffend gebruik word vir ander bewerkings en plantwerk, om
groot blokbalers te sleep en vir vervoer. Rygewas-konfigurasies
is ook beskikbaar, sodat die trekkers regdeur die seisoen gebruik
kan word.”
Die 1050 Vario is reeds plaaslik met sowel breë bande vir grond
voorbereiding as rygewas-bande beskikbaar. Die wiele word maklik
omgeruil, aangesien die trekker se eie hidrouliese stelsel gebruik
word om dit op te tel.
In die geval van die 1000 Vario is dit toegerus met VarioDrive, die
eerste trekkertransmissie ter wêreld wat onafhanklike vier
wielaandrywing moontlik maak. Dit sorg vir die ideale wringkrag
verspreiding na die voor- en agterasse, sodat die trekker sy volle
kilowatt op die grond neersit. Ses massiewe wiele (die 1050 Vario
se agterbande is amper 2,35 m in deursnee) dra hiertoe by.
Laasgenoemde is ook die eerste trekker waarvan alle komponente
wat krag verbruik (van die 12,4 liter MAN-sessilinderenjin en
transmissie tot die waaier en hidrouliese stelsel) volgens ‘n
omvattende lae-enjinomwentelinge-hoë-wringkrag-beginsel ge
naamd Fendt iD ontwerp is. Die gevolg is uitsonderlike lae brand
stofverbruik.
‘n Maksimum wringkrag van 2 400 Nm word van 1 100 omwente
linge tot 1 500 omwentelinge per minuut gehandhaaf. Die maksi
mum kraglewering en wringkrag, sowel as die laagste spesifieke
brandstofverbruik, word teen net meer as 1 400 opm bereik en
gehandhaaf danksy die VarioDrive-transmissie, wat die werkspoed
outomaties by verskillende toestande aanpas. Die enjin werk dus
konstant teen optimale omwentelinge van 200 m/h tot 40 km/h,
wat die brandstofverbruik verlaag en die dienslewe van die enjin
en ander komponente verleng.
Die hidrouliese vloei kan tot 430 liter/min verhoog word, met
twee onafhanklike hidrouliese kringe wat 220 liter en 210 liter
onderskeidelik lewer.
Gewigte van tot 1 250 kg kan op elke agterwiel bygevoeg word
(daar is ook ‘n neusgewig-opsie van ‘n ekstra 3,3 ton). Daarby dui ‘n
stelsel genaamd Grip Assist aan hoeveel gewig waar benodig word
en wat die banddruk moet wees, gebaseer op die werk wat gedoen
word, bandgrootte en werkspoed. Grip Assist werk in kombinasie
met die Vario Grip-opsie, wat jou toelaat om die banddruk in die ry
vanuit die kajuit te verstel.
Die 1000 Vario is sowat 1,5 m korter as die gemiddelde knakker en
sy veel skerper draaisirkel beteken dat hy ewe doeltreffend op klei
ner lande gebruik kan word.
“Daarby het ‘n vasteraamtrekker minder slytasie as ‘n geartikuleer
de trekker, wat die koste van eienaarskap verlaag. Depresiasie is
ook minder aangesien ‘n konvensionele wieltrekker beter inruil
moontlikhede bied,” sê Stander.
Beste brandstofverbruik ooit
Die uitsonderlik lae brandstofverbruik van Fendt op plaaslike
bodem is onlangs amptelik bevestig deur die gesaghebbende
onafhanklike toetssentrum van die Duitse landbouvereniging (DLG).
DLG, wat alle fabrikate toets, het drie Fendt 1000 Vario-modelle
aan sewe werksiklusse in sy PowerMix-toets onderwerp. Die uit-
slag: Al drie bied die laagste spesifieke brandstofverbruik wat
nog ooit aangeteken is. Die vlagskip, die Fendt 1050 Vario van
380 kW, stel ‘n nuwe standaard teen slegs 233 g/kWh.
Fendt word direk bemark deur BHBW, die gesamentlike onderne
ming tussen Barloworld en BayWa van Duitsland, wat ook die wê
reld se grootste Fendt handelaar is. Fendt trekkers is beskikbaar
met kraglewering van 51 kW tot 380 kW. In Suid-Afrika fokus
BHBW, afgesien van die Fendt 1000 Vario, op die volgende reekse:
Die Fendt 900 Vario (199 kW tot 243 kW), Fendt 800 Vario (162 kW
tot 206 kW) en Fendt 700 Vario (94 kW tot 162 kW).
53
August 2018
Fokus
Werktuie & toerusting
Produkinligting
Anita van Zyl,
namens BHBW Suid-Afrika
Die Fendt 1000 Vario-reeks bied veeldoelige wieltrekkers met krag
lewering tot 380 kW.