49 / 108
Fokus
Werktuie & toerusting
C
hallenger rusperbandtrekkers is al vir 15 jaar die mark-
leier in hul segment in Suid-Afrika. Om dit te vier en ook
dankie te sê aan trekkereienaars vir hul ondersteuning, reik
BHBW Suid-Afrika (voorheen Barloworld Agriculture) nou
vyf “Limited Edition”-trekkers uit.
“Vyf MT 765E-modelle van 280 kW word in samewerking met die
vervaardiger van Challenger, AGCO, beskikbaar gestel, met ‘n
moderne kamoefleerbaadjie wat die koppe gaan laat draai,” sê
mnr Robbie Hall, nasionale verkoopsbestuurder vir Challenger
by BHBW.
“Saam met produsente regoor die land het ons Challenger geves
tig as die nommer een in rusperbande – van die Wes-Vrystaat,
waar dit diep ripwerk met reuse-skeurploeë in sandgrond moontlik
maak, tot die Noord-Kaap, waar dit klaarspeel met bewerkings in
besproeiingsirkels,” sê Hall. “Produsente kom – soms met ompaaie
– altyd weer terug na ons rusperbandtegnologie.
“Dit is dus gepas dat ons ná 15 jaar hierdie vennootskap op ’n
spesiale manier vier.”
Daar is vandag twee rusperbandreekse in BHBW se Challenger-
stal – die MT 700E-reeks met twee modelle van 280 kW en 317 kW,
en die nuwe MT 800E-reeks van 365 kW tot 440 kW.
Sedert die rusperbandtrekkers in 2004 in Suid-Afrika begin loop
het, het dit grense versit in plaaslike meganisasie deur bewerkings
en doeltreffendheidsvlakke moontlik te maak waarvan voorheen
net gedroom is.
Challenger is die enigste landboutrekker wat spesiaal vir rusper
bande ontwerp is en die gepatenteerde Mobil-trac onderstel is
die sleutel tot sy werkverrigting. Dié onderstel word sedert 1987
gebruik, toe Caterpillar die Challenger Model 65, die eerste trekker
met rubber-rusperbande, in Amerika bekend gestel het.
Sedert die eerste bekendstelling is die tegnologie verder verfyn,
ook nadat AGCO Challenger in 2002 by Caterpillar oorgeneem het.
Die Mobil-trac rusperbande het elk vier paar
ossillerende wiele by die MT 800E-reeks en
drie paar by die MT 700E-reeks, sodat die
trekkers nooit “hop” nie. “Dié wiele
vergroot die bande se kontak
met die grond,
wat vir beter vastrapkrag sorg. Dit verminder ook grondverdigting,
sodat ‘n mens grond se potensiaal beter kan ontgin vir maksimale
opbrengs,” sê Hall.
Danksy die trekker se langer voetspoor en beter traksie as dié
van ’n vergelykbare wieltrekker word meer krag na die grond ver
plaas. “Toetse toon ‘n toename in trekkrag van 10% tot 20%. As jy
1 000 ure werk, wen jy dus 100 tot 200 ure. Jy kan wyer imple
mente sleep, met minder grondverdigting en ’n hoër werkspoed,
of dieselfde implement trek met minder moeite en ’n besparing
op brandstof.”
’n Hoër werkspoed beteken dat lande in optimale toestande bewerk
kan word, wat uiteindelik ook ‘n mens se oesopbrengs verhoog.
Ander voordele sluit in die rygerief wanneer op ongelyke lande
of oor rye gewerk word, en groter stabiliteit teen skuinstes. Die
kraglewering bly dieselfde, ondanks veranderings in wielglip en die
banddruk hoef nie gewysig te word nie.
Die Challenger MT 765E
Die Challenger MT 765E word aangedryf deur ‘n brandstofdoel
treffende AGCO Power-enjin, wat ontwerp is vir groter wringkrag
sodat ‘n mens die enjin se volle krag kan benut en meer met minder
brandstof gedoen kry, ook onder ‘n swaar vrag.
“Met hidrouliese vloei van 324 liter/min kan dit gebruik word
om wydwerkplanters van tot 36 rye, groot saaiers en ander
presisieboerderytoerusting met groter hidrouliese vereistes te
sleep,” sê Hall. “Dit het ‘n hysvermoë van tot 12 ton op die driepunt.”
Boonop maak die kompaktheid van die MT 765E dit ontsettend
veelsydig. “Dit is ’n trekker wat vier of vyf keer per jaar winsgewend
gebruik kan word, vir enigiets van swaar ripwerk en skoffel tot plant
en die sleep van tapkarre.”
Die driepunt het ook ’n stuurmeganisme wat werktuie “korrigeer”
sodat daar altyd presies op die spoor gewerk word en ‘n mens kan
draai sonder dat die implement se tande in die grond buig. Dit is
veral ’n voordeel wanneer in sirkels of teen kontoere gewerk word.
Om vir plaaslike toestande voorsiening te maak, word die
MT 765E, soos alle Challengers, standaard verskaf met
extreme application
-rusperbande. Die spoorwydte
kan van 2 032 mm tot 3 048 mm verstel word.
47
August 2018
Vennootskap op
spesiale WYSE
gevier
Produkinligting
Anita van Zyl,
namens BHBW Suid-Afrika
Challenger: ’n Veelsydige trekker wat
regdeur die jaar benut kan word.