68 / 108
Julie 2018
66
Fokus
Kalk
Mini-
D
ie wêreldrekordhouer in soja- en mielie-opbrengste uit
die VSA, mnr Randy Dowdy, het Suid-Afrika onlangs
besoek. Volgens hom het sy sukses begin sneeubal toe hy
geleer het om die regte vrae te begin vra. Hy het nooit bloot
die
status quo
-antwoorde op vrae oor gewasproduksie aanvaar nie.
Dit laat my wonder of ons die regte vrae oor kalk vra? Kalk is só
‘n eenvoudige produk. Dit word uit ‘n neerslag gemyn, gemaal,
gesif, aanbeveel, vervoer en gestrooi. Het ons dalk hierdie aksies as
vanselfsprekend begin aanvaar?
Die afgelope twee maande het 80 produsente (proefneming van
1 094, in die Noordwes Provinsie en Vrystaat; klein, medium en
groot produsente) aan ‘n intensiewe onafhanklike opname
deelgeneem. Verskeie datastelle het vir ons baie interessante
inligting verskaf, maar veral een het uitgestaan.
Produsente het in die proefneming aangedui dat hulle gemiddeld
0,49 ton kalk/hektaar per jaar toedien (in ‘n driejaarsiklus is dit
1,47 t/ha). Die vraag: Dien ons vandag werklik genoeg kalk vir
volhoubare voedselproduksie toe?
Selfs die gehalte van kalk kry nie aldag die nodige aandag wat dit
verdien nie. Só kry ons baie verskonings soos: “Die naaste bron
is mos goedkoper om aan te ry,” oftewel só dink baie van ons
produsente. Wanneer ons die regte vrae begin vra, begin ons egter
anders dink.
Dit is al meer nodig dat ons die regte vrae moet begin vra, soos:
Wat is die doeltreffendste kalkbron gelewer op my plaas?
Is ‘n fyner kalk met ‘n laer KKE (suur) nie dalk beter as grow
wer kalk met ‘n hoër KKE (suur) nie? (KKE dui bloot die kapasi-
teit aan.)
Hoekom word die KKE-harswaarde (reaktiwiteit) al minder
gebruik?
Is my metode van kalktoediening (plasing) die doeltreffendste
manier om probleemareas – horisontaal en vertikaal (onder
gronds) – te behandel?
Sewe verskillende kalkaanbevelingsmodelle word tans landwyd
gebruik. Is die huidige model wat op my plaas gebruik word nog
relevant vir die langtermyn-doelwitte wat ek wil bereik?
Skep my huidige bewerkings- en kunsmispraktyke nie dalk vir
my probleme oor die lang termyn (ondergrondse suurheid) nie?
Het ek al ‘n ander, dalk beter, kalkbron op my plaas beproef
teenoor my tradisionele naaste bron?
Só baie is al geskryf oor die waarde van kalk in die grond. Is dit nie
dalk tyd dat ons weer mooi moet gaan dink oor hoekom ons kalk
toedien nie? Suig kalk nie te veel aan die agterspeen wanneer ons
besluite neem in moeilike jare nie? Ons as Grasland ondersteun die
gesegde “kalk bly die goedkoopste kunsmis”.
Die belangrikste waarde van kalk bly van krag:
Kalk ontsluit die ware potensiaal van jou grond.
Kalk skep ‘n buffer in die grond vir plante.
Kalk verhoog die doeltreffendheid van toegediende kunsmis.
Kalk help skep ‘n gesonde omgewing in die grond waar
voordelige organismes kan floreer.
Kalk is ‘n bron van sleutelvoedingselemente, naamlik kalsium en
magnesium.
Kalk bevorder die fisiese eienskappe van grond vir optimale
wortelontwikkeling.
Indien jy die waarde van kalk onderskat, wil ek die stelling maak
dat die verkeerde vrae gevra word. Grasland en sy vennote in die
veld sal jou help om die regte antwoorde te kry rakende die regte
vrae oor kalk.
Ek wil ‘n uitdaging stel: Merk ‘n klein homogene deel in ‘n land.
Wanneer jy kalk uitstrooi, strooi een gedeelte glad nie (0x), een
strook volgens die normale aanbeveling (1x) en die ander strook
dubbel (2x). Dan die belangrikste, vra jou landboukundige of agent
om saam met jou die gedeelte (grond en gewas) oor die volgende
drie jaar te monitor.
Dit bring my by ‘n tweede opmerking van Dowdy. Wanneer ons die
regte vrae begin vra, moet ons die wetenskap deeglik verstaan in
wat ons doen, want soos hy dit stel, gaan dit alles oor die opbrengs
op belegging.
Grasland het die afgelope twee jaar geweldig baie belê in
mensekapitaal en reuse-beleggings in ons eie myne se aanlegte
gemaak. Ons neem verantwoordelikheid vir die volledige kalk
produksieproses. Ons het ‘n passie vir natuurlike kalk – kalk wat direk
uit die kalkafsetting gemyn word.
Die meulens en sifkaste is opgegradeer tot die beste wat tans in
Suid-Afrika beskikbaar is. Hoekom? Want ons wil, gegewe die
geologie, die bes moontlike gehalte kalk by ons myne produseer.
Hoe kry ons die kalk op die plaas? Ons het die afgelope jaar strate
giese vennootskappe met verskeie vervoerkontrakteurs gesluit om
die mees kompeterende vervoertariewe aan produsente te bied.
Ons bied ook aan produsente verskillende betaalopsies met die
aankoop van kalk.
Grasland het ten doel om antwoorde te verskaf vir produsente se
regte vrae. Die kalk wat ons produseer, is een van die belangrikste
skakels in die produksiesiklus wat voedselsekerheid verseker. Ons
vind waarde daarin om verby wins alleen te kyk.
Ons is terdeë bewus van ons verantwoordelikheid teenoor vol
houbare voedselproduksie vir ons medelandsburgers. Dit verskaf
vir ons vreugde om ‘n rol hierin te kan speel. Jou sukses is ook ons
sukses. Kontak ons gerus vir meer inligting.
Vra ons die
regte vrae
oor kalk?
Produkinligting
Ben Krog,
groep-bemarkingsbestuurder, Grasland