49 / 108
Innovasie en toepassing van
tegnologie is belangrik
A
lmal is op soek na tegnologie om hulle boerderye meer
kompeterend, meer volhoubaar, doeltreffender en wins
gewender te maak. Baie tegnologieë en data is beskikbaar,
maar hoe moet ‘n mens dit hanteer?
Presisieboerdery is een van hierdie tegnologieë. Dit is al vir ‘n
geruime tyd in Suid-Afrikaanse landbou beskikbaar, maar nie almal
heg dieselfde betekenis aan die term “presisieboerdery” nie. Vir
sommige mense beteken dit om grondontledings op ‘n ruitbasis
te doen, terwyl dit vir ander beteken om kunsmis differensieel toe
te dien of om stroperkaarte op te stel.
Desnieteenstaande het talle mense in die landbousektor baie hard
gewerk om verskeie van dié komponente in die landbou te vestig.
Dit het beslis tot sukses bygedra: Elke komponent het sy sukses
stories en het uiteindelik tot vooruitgang in die landbou gelei.
Saam kan die komponente egter nog meer voordeel inhou. Daar is
voortdurend nuwe ontwikkelings in tegnologie wat ook by die pakket
gevoeg kan word. Baie inligting word deesdae gegenereer, maar
dit word nie altyd aangeteken nie en indien dit aangeteken word,
is dit nie altyd gebruikersvriendelik nie. In sommige gevalle is dit
ook moeilik om uit hierdie inligting ‘n praktiese/bruikbare oplossing
te kry.
‘n Behoefte het dus ontstaan om al die komponente en inligting
bymekaar te voeg, om sodoende ‘n geheelbeeld van die boerdery
te kry. Hierdie data moet verwerk en maklik bruikbaar wees, sodat
die produsent ingeligte besluite daarvolgens kan neem.
As ‘n mens die behoefte noukeuriger in oënskou neem, is maniere
nodig om die data in te samel, aan te teken, bymekaar te voeg, te
verwerk en te analiseer om uiteindelik oplossings te vind. Daar is
dus nie net ‘n behoefte aan data nie, maar ook aan landboukundige
kennis en die interpretasie van data.
Kynoch het die produk/diens KynoPrecise™ ontwikkel om in hier
die behoefte te voorsien. Die nuutste programmatuur en teg
nologieë is hiervoor gebruik. Hierbenewens is landboukundige
en dienskomponente bygevoeg om ‘n volledige pakket beskikbaar
te stel.
Die KynoPrecise-programmatuur help met die insameling, verwer
king en weergee van die data. Al die data word in die agtergrond
bymekaargesit en gestoor. Omdat die inligting plekspesifiek is,
kan die geskiedenis van ‘n spesifieke ligging oor ‘n tydperk opge-
bou word. Die tendense en interaksies kan ook ontleed word. Al die
data kan dan besigtig word.
Die programmatuur sluit die volgende in:
KynoRover™ – ‘n Toep op die iPad of iPhone, waarop al die
ingesamelde inligting is. Die toep kan gebruik word om na
spesifieke punte toe te navigeer. Addisionele inligting, soos
byvoorbeeld verkenningsverslae en monsternemingspunte, kan
ook aangeteken word.
KynoAnalytics™ – Die heel nuutste programmatuur vir die in
tegrasie en opstapeling van data. Die verband tussen verskil
lende faktore wat op ‘n mens se plaas voorkom, kan vergelyk
word en die betekenisvolheid daarvan kan ondersoek word.
KynoEye™ – ‘n Webblaaier waar ‘n mens al die inligting op een
plek kan kry en besigtig, byvoorbeeld grondkaarte, satelliet
beelde en opbrengskaarte.
KynoPrecise maak ook van nuwe tegnologieë gebruik, soos by
voorbeeld satellietbeelde en die verwerking van die inligting na
normalised difference vegetation index
(NDVI)-beelde. Meer gereel
de en beter gehalte beelde is ook deesdae beskikbaar. Dit gee ‘n
indeks van die digtheid van groen op ‘n spesifieke plek in die
land. Die indeks kan dan geïnterpreteer word en sekere afleidings
kan gemaak word. Die beelde kan ‘n moniterings- en identi
fiseringsfunksie hê.
Gereelde beelde help om die vordering van die gewas deur die
seisoen te monitor. Lande en sones in die land en wat aandag nodig
het, kan geïdentifiseer word. Die beelde op hulle eie kan heelwat
inligting verskaf, maar in ‘n pakket saam met die ander data en
dienste word dit ‘n kragtige stuk gereedskap/toerusting.
Die landboukundiges speel ‘n groot rol in KynoPrecise. Die sones
moenie net geïdentifiseer word nie, maar moet ook verder onder
soek word. Die redes vir die sones moet gesoek word. Data moet
ook nie net ingesamel word nie, maar moet ook vergelyk, geanaliseer
en geïnterpreteer word. Op dié manier kan meer insig oor die
boerdery bekom word. Beplanning en strategieë kan dan volgens
die beskikbare inligting opgestel word.
KynoPrecise is ‘n allesomvattende diens, vanaf die insameling tot
die toepassing van die oplossing. Dit sluit nuwe en ou tegnologie
in wat alles bymekaarbring en die data verwerk, sodat die produ
sent uiteindelik bruikbare inligting het om mee te werk. Dit is dié
oplossing vir inligting- en databestuur.
47
July 2018
Fokus
Bemesting
Produkinligting
Hentie Cilliers,
landboukundige, Kynoch
‘n NDVI-beeld (links) word vergelyk met grond se kalium
vlakke (regs). ‘n Skermgreep uit die KynoPrecise-toep.