41 / 124
39
September 2017
detoksifiseer. Wanneer té hoë dosisse aangewend word, oorskry dit
die vermoë van die gewas om die onkruiddoder te metaboliseer of
te detoksifiseer en kan skade voorkom.
Daarteenoor word heelwat beheerprobleme aan die toediening
van té lae dosisse toegeskryf. Weer eens moet die etikette deeglik
bestudeer word – veral rakende die grondbeperkings en grond-
aanbevelings. Só bepaal die kleipersentasie van die grond
byvoorbeeld die dosis wat met voor-opkomsdoders toegedien
moet word.
Die belang van water
Om effektief te werk, moet enige onkruiddoder sy teiken-area
bereik. Met voor-opkomsdoders is dit die ontkiemende onkruid in
die grond, terwyl na-opkomsonkruiddoders die aktief-groeiende
onkruidplantjie se blare moet bereik.
‘n Onkruiddoder wat water vereis om geaktiveer te word, sal nie
werk as daar nie genoegsame reënval of besproeiing plaasgevind het
nie. Die beplanning rondom die toediening van voor-opkomsdoders
moet só geskied dat genoegsame vog binne vier dae die grondpro-
fiel sal binnedring.
Gewoonlik is ongeveer 10 mm tot 20 mm reën of besproeiing net
voor of net na toediening voldoende om effektiewe beheer te ver-
seker. Indien voor-opkomsdoders op droë grond gespuit word of
geen reënval of besproeiing plaasvind na toediening nie, sal die
effektiwiteit van die onkruiddoder beduidend laag wees en swak
onkruidbeheer sal verkry word.
Met na-opkomsonkruiddoders is dit weer noodsaaklik om te let
op hoe lank dit die middel neem om “reënvas” te wees. In meeste
gevalle sal reën of besproeiing wat binne ses tot agt ure na
toediening voorkom, die doder van die blare afwas. Daar is egter
doders wat binne ‘n korter tydperk reeds reënvas is. Verder moet
met na-opkomsonkruiddoders gelet word op stremming – indien
enige – waaronder die onkruide verkeer wat moontlik ‘n effek kan hê
op die effektiwiteit van die doder.
Onkruide wat onder stremming verkeer, skakel sekere fisiologiese
prosesse gedeeltelik af wanneer vog beperkend raak.
1a
1b
2
1a en 1b: Die onkruidspektrum aangedui in 1a is op die korrekte
groeistadium vir na-opkomstoediening van onkruiddoders. In 1b word
onkruide aangedui wat reeds te groot is vir onkruiddodertoediening.
2: Onkruiddoderskade kan op verskeie maniere manifesteer en kan die
gewas op die lang duur moontlik nadelig beïnvloed.