SA Graan Oktober 2015

81 / 112

AKTUEEL
Goeie arbeidspraktyke en
-verhoudinge in die kollig
Belangrike wysigings aan arbeidswetgewing wat tussen 1990 en 1994 in werking getree
het, het ‘n behoefte na dienste wat tipies deur ‘n werkgewersorganisasie aangebied
word, sterk na vore gebring. Die LWO Werkgewersorganisasie is in 1990 gestig met
die aanvanklike doel om uitsluitlik aan produsente binne die Suid-Afrikaanse landbou-
gemeenskap bystand te verleen met die hantering van arbeidsreg-aangeleenthede.
Die LWO Werkgewersorganisasie is ‘n lede-organisasie sonder winsbejag met ‘n nasionale
voetspoor. Die organisasie is geregistreer as werkgewersorganisasie by die Departement
van Arbeid – een van die grootste voordele hieraan gekoppel, is dat ons gemagtig is om ons
lede te verteenwoordig by die Kommissie vir Versoening, Bemiddeling en Arbitrasie (KVBA),
op Bedingingsrade en in die Arbeidshof.
Omdat die LWO bestuur word deur ‘n raad wat uit lede van die organisasie bestaan, het die
organisasie ‘n unieke voordeel in die mark. Die raad is verteenwoordigend van produsente uit
elke provinsie asook sakelui en toonaangewende akademici. Dit verseker dat die LWO in pas
bly met behoeftes op grondvlak.
Die organisasie se eerste en belangrikste funksie is om te verseker dat die werkgewer aan al die
vereistes van arbeidswetgewing voldoen. Die LWO se visie is om ‘n dinamiese rol te speel in die
bestuur van arbeidsverhoudinge wat sal bydra tot ‘n produktiewe en volhoubare werksomge-
wing vir lede.
Globale Mededingendheidsverslag
Suid-Afrika se arbeidsmark word met reg as hoogs gereguleer beskou. Hierdie siening word
beaam in die Wêreld Ekonomiese Forum se Globale Mededingendheidsverslag van 2014/2015
en Suid-Afrika word 143ste uit 144 lande in terme van aanstel- en afdankpraktyke gerangeer.
Die verslag rangeer Suid-Afrika verder 136ste vir betaling in lyn met produktiwiteit en 133ste in
terme van die koste wat geweld en misdaad vir besighede inhou.
Oor die algemeen word Suid-Afrika 144ste gegradeer in terme van samewerking in werkgewer/
werknemer-verhoudinge. Arbeidsverhoudinge in die landbousektor word gereguleer deur Sek-
torale Vasstelling 13, wat ‘n raamwerk daarstel van spesifieke wetgewing van toepassing op die
landbousektor, insluitend ‘n minimum loon soos jaarliks bepaal deur die Minister van Arbeid.
Die mate waartoe die Suid-Afrikaanse besigheidsomgewing gereguleer word, word ook uit-
gewys in die Fraser-instituut se Economic Freedom of the World 2015 Annual Report waarin
arbeidswetgewing onder meer uitgesonder word as ‘n bydraende faktor tot die beperking van
ekonomiese vryheid. In die verslag word ekonomiese vryheid direk gekoppel aan ‘n land se wel-
vaart en is Suid-Afrika besig om agteruit te boer.
In die volgende artikel (in die November-uitgawe van SA Graan/Grain) sal daar gekyk word
na waarin die organisasie spesialiseer, wat die LWO se dienste insluit asook wat lidmaatskap
aan die organisasie behels.
Vir verdere navrae, kontak die outeur by 0861 101 828 x204 of Jy kan ook
hul webtuiste besoek by
ANSOFIE TIEDT, bestuurder: Bemarking, LWO Werkgewersorganisasie
– LWO Werkgewersorganisasie (Deel 1)
Reeks
Deel jou praktyke met medeprodusente
Graan SA-lede is welkom om wenke vir goeie arbeidspraktyke en -verhoudinge op die plaas of
praktyke wat hulle op die plaas toepas en wat vir hulle werk, met medeprodusente te deel.
Stuur ‘n e-pos na en ons sal jou kontak.
79