86 / 112
84
Seisoenale voorspelling vir September 2015 tot Januarie 2016
G
egewe dat groot dele van die somerreënvalstreek van
die land die afgelope jaar baie droog was, is produsente
baie bekommerd oor wat die volgende seisoen kan bring.
Ongelukkig is die huidige indikasies nie positief nie.
Daar is op die oomblik ‘n El Niño-fase in plek oor die Stille Oseaan
en hierdie verskynsel word gewoonlik geassosieer met onder-
normale reënval en bo-normale temperature vir Suid-Afrika se
somerreënvalstreke.
Die aanduiding is dat die El Niño-fase tot en met die einde van die
somer in plek sal bly en hoewel dit nie die enigste faktor is wat
Suid-Afrika se reën bepaal nie, wys dit op ‘n groter kans dat dit die
opkomende somerreënneerslae negatief kan beïnvloed.
Die huidige langtermynvoorspelling strek net tot in die middel van
die somer. Voorspellings is dat sekere dele van die noord-ooste
van die land, bo-normale lentereënval kan verwag, terwyl die ander
streke gemiddelde en onder-gemiddelde reënval te wagte kan wees.
Vir die begin van die somer is daar sterk indikasies dat daar onder-
normale reënval regoor die land verwag kan word. In terme van
reënvalverwagtinge vir die res van die somer, is dit op hierdie
oomblik nog onseker. Voorspellings so ver vooruit se akkuraatheid
is gewoonlik laag, maar met ‘n sterk El Niño in plek, is die algemene
indikasie daar dat onder-normale reënval verwag word.
Vir temperature regoor die land, word verwag dat dit bo-normaal sal
wees vir die lente en somer. Onder-normale temperature is wel vir
hierdie lente en somer vir die suidelike kusgebiede in die vooruitsig.
Die figure toon die waarskynlikhede vir reënval in
Figuur 1
, die
waarskynlikhede van minimum temperature in
Figuur 2
en die
waarskynlikhede vir maksimum temperature in
Figuur 3
.
Vir meer inligting oor die weervoorspellings kan die webtuiste
www.weathersa.co.zabesoek word waar ‘n nuwe maandelikse
vooruitskatting beskikbaar gestel word. Cobus Olivier kan ook by
012 367 6008 gekontak word.
AKTUEEL
COBUS OLIVIER,
Suid-Afrikaanse Weerdienste
Figuur 1: Reënval.
SA Graan/
Sasol Chemicals (Kunsmis) fotokompetisie