67 / 72
65
May 2016
Elke jaar iets nuuts,
meer en beter
P
annar is daarop gefokus om die welvaart van die
landbouprodusent te verhoog. Dit was die tema van
die 2016 Pannar Extravaganza. Nuwe tegnologie en hoër
opbrengste wat nuwe kultivars lewer, is bespreek, maar ook
hoe nuwe tegnologie aangewend moet word om die waarde daarvan
te ontsluit.
Om welvaart vir produsente te skep, is dit belangrik dat die regte
kultivars aangeplant word en dat die boerderypraktyke wat toe-
gepas word, hierdie kultivars se genetika kan ontsluit. As daar in
enige aspek van die produksieproses ‘n fout inglip, kan dit opbrengs
benadeel. Dit is waarom Pannar se landboukundige-span fokus om
tegnologie oor te dra wat tot beter produksiepraktyke kan lei.
Die huidige droogtejaar het ‘n paar nuwe produksieprobleme uit-
gewys. Om saad in ‘n droogtejaar te laat opkom, is ‘n kuns, maar
om hierdie saailinge te laat oorleef tot die volgende reënbui en tot
oes, is ‘n nog groter kuns.
Hierdie saailing moet omgeskakel word in verkoopbare graan binne
die silo voordat produsente vergoed word. Wanneer ‘n plant gevestig
word, het dit die hoogste produksiepotensiaal. Soos die plant
ontwikkel, pas die plant se produksiepotensiaal by die omgewing en
beskikbare vog aan.
Min gewasse het die vermoë om dit opwaarts aan te pas. Die
produsent moet dus alles moontlik doen om hierdie produksie-
potensiaal van die plant te beskerm. Die toepassing van die regte
produksiepraktyke wat bewerking, bemesting, plaagdoder- en on-
kruiddoderprogramme insluit, is dus van kardinale belang. Volgens
Pannar wil hulle produsente help om hul produksie-effektiwiteit en
-doeltreffendheid te verhoog en sodoende kultivars se potensiaal
te ontsluit. Die Panacea-sambreel wat voorligting, saadbehandeling
asook swam- en insekdoderspuitprogramme insluit, is ‘n voor-
beeld van hul langtermyn, toegewyde verbintenis tot die Suid-Afri-
kaanse landbougemeenskap.
Elke jaar iets nuuts, meer en beter – dit is wat Pannar se jaarlikse
gewasextravaganza uniek maak. Nie net is ‘n wye reeks doelmatige
kultivars se prestasie ten toon gestel nie, maar ook nuwe idees
om jou boerdery doeltreffender en winsgewender te maak. Die
tegnologietent met sy praktiese boerdery-oplossings was iets nuuts.
In die tent was ‘n samevatting van Pannar se handelsmerke wat
duidelik demonstreer dat hul die landboubedryf meer as net saad
bied. Die maatskappy se etiese kernwaardes wat verantwoordelik-
heid teenoor die produsent, omgewing, wêreldgehalte tegnologie
en gespesialiseerde kennis van verskillende gewasse insluit, is weer
eens bevestig.
Die aanwending van ultra-moderne navorsingstegnologie asook
die inspanning van die nuwe MON89034-stronkboorderweer-
standsgene – die nuwe basters met tweedegenerasie stronkboor-
derbeskermingsgene – bied welvaartvoordele vir produsente.
Die Panagri aanlyn-ondersteuningsdiens vir produsente bied
praktiese boerdery-oplossings met produksiebestuursriglyne vir
elke gebied, presisieplasing van kultivars en voorligting oor die
interaksie tussen opbrengspotensiaal, groeiklas, meerkoppigheid,
plantbevolking en kultivartipe. Dit ondersteun produsente se doel-
treffendheid en effektiwiteit.
PIETMAN BOTHA,
SA Graan/Grain
medewerker
1: Nico Barnard (Pannar) staan hier by ‘n nuwe sojaboonkultivar.
2: Louis Schoonraad (Pannar-sonneblomteler) spog met die maatskappy
se sonneblomkultivars.
3: Corné van der Westhuizen en Joe Payne (albei Pannar-landboukundi-
ges) lig produsente in oor mielieverbouing.
4: Agter: Danie Crous, John Odendaal, Hendrik Linde, Carel du Plessis,
AK Geldenhuys, Pieter Rademeyer en Tiaan Fourie (almal verantwoorde-
lik vir die demonstrasie-eenheid op Kroonstad). Hulle kyk toe terwyl
Ashley Cotterrell (voor regs) vir Tattie Crouse bedank vir hul jarelange
verbintenis om die demonstrasieproewe op die Crouse’s se grond te
plant.
1
2
3
4
AKTUEEL