41 / 72
39
May 2016
Hou ook die volgende in gedagte:
Vir plante tot so hoog soos 1 m: Gebruik ten minste 200 liter
spuitmengsel vir grondbespuiting en 30 liter vir lugbespuiting
per hektaar.
Vir plante tussen 1 m tot 1,5 m minimum hoogte: Gebruik ten
minste 200 liter spuitmengsel vir grondbespuiting en 40 liter vir
lugbespuiting per hektaar.
Vir plante hoër as 1,5 m: Gebruik ten minste 200 liter spuitmeng-
sel vir grondbespuiting en 40 liter vir lugbespuiting per hektaar.
Effektiewe toediening is krities: As die plante knie- tot heuphoogte
is, kan jy nog met ‘n trekker en spuitapparaat ingaan, wat ‘n goeie
voldekbespuiting maklik maak (met gebruik van die regte spuitpun-
te). Die mikpunt is om die boonste vyf tot ses blare skoon van myte
te hou tot en met die sagtedeegstadium van die mieliepitte. Van die
geregistreerde produkte kan ook met ‘n spilpuntbesproeiingstelsel
toegedien word.
Die spuitmengsel moet met ‘n positiewe verplasingsmeterpomp in
die besproeiingstelsel ingespuit word. As die chemiese spuitstof
nie met die spilpuntbesproeiingstelsel verbind is nie en die spuit-
mengsel word direk in die spilpuntmasjien ingespuit, moet die
spilpunt op maksimum spoed gestel word om die minimum
watervolume per hektaar neer te sit anders beland die chemiese
aktiewe bestanddele op die grond en nie op die mielieblare nie.
Die spuitmengsel moet egalig oor die teikenarea aangebring word
in ‘n voortdrywende aksie – en goeie bedekking van die teikenarea
is die sleutelwoord om hierdie plaag effektief te beheer.
Wat gemaak as jy ‘n hoë aanplanting het en die mielies is in die
pluimstadium? Al wat dan oorbly, is lugbespuiting, wat beteken
dat effektiewe bedekking van die onderste derde van die plante
moeiliker verkry word. Voor jy jou oë uitvee, is die mytpopulasie
terug en jy moet ‘n tweede keer spuit. Die syferspel raak krities en
oesverlies klop aan die deur.
Hierdie vraag gaan onmiddellik volg: Wat van toediening deur die
besproeiingstelsel? Ja, dit kan gebruik word, maar soos reeds ge-
noem, is effektiewe bedekking van die teikenarea (veral die onder-
kante van die blare) krities.
Die afloopfaktor asook die verdunningseffek van die spilpunt se
watervolume, benadeel hierdie vereiste tot ‘n baie groot mate en
sodoende word effektiewe beheer nie deur sodanige stelsels ver-
kry nie.
Opsommend
Wat moet jy weet en doen om hierdie plaag effektief in jou mielies
te beheer?
Ken die lewensiklus van die myt.
As jy die plaag in die mielieland opmerk, moet nie wag nie.
Reageer dadelik en bereken die populasie-indeks.
Effektiewe toediening is krities.
1: Volwasse tweekolspinmyte en eiers.
2: Volwasse tweekolspinmyte, nimfe en eiers.
3 tot 5: Aanvanklik vreet die myte net aan die
onderkant van die blaar, maar later word alle op-
pervlaktes van die plant aangeval. Die aanvank-
like simptome is chlorotiese spikkels of strepe
op die blare, wat dan later verkleur na geel,
bruin of brons en kan lei tot die afsterwe van die
plante as die infestasiedruk baie hoog is.
1
5
4
2
3