46 / 92
Mei 2015
44
d
it is veral wintergraanprodusente wat hierdie tyd van
die jaar kunsmisaankope doen. Kunsmis as produksie-
inset maak ongeveer 25% van ‘n koringprodusent se
lopende produksiekosterekening uit. Dit is daarom
belangrik dat produsente kompeterende pryse vir
kunsmis moet betaal. Omdat Suid-Afrika so afhanklik
is van kunsmisinvoere, is die verwagting dat plaaslike pryse,
internasionale pryse sal navolg. Die vergelyking tussen plaaslike
en internasionale pryse kan dus help om die kompeterendheid van
die plaaslike kunsmismark te bepaal.
Tabel 1
en
Tabel 2
dui aan wat met internasionale kunsmispryse in
dollar- en in randterme oor ‘n jaartydperk gebeur het. Die waarde
van die rand het met 15% vanaf ‘n jaar gelede teenoor die dollar
verswak. Tabel 2 toon aan die groot impak wat ‘n verswakking in
die wisselkoers op plaaslike kunsmispryse kan hê. Waar ureum
byvoorbeeld op internasionale markte skerp gedaal het, bring
die verswakking in die wisselkoers mee dat in randterme dié prys
in wese gestyg het.
Tabel 3
toon aan wat oor ‘n jaartydperk met
plaaslike kunsmispryse (gemiddelde pryslyspryse) gebeur het. In
dié tabel kan gesien word hoe plaaslike pryse op internasionale
prystendense (Tabel 2) en die wisselkoers gereageer het. Oor ‘n
jaartydperk het plaaslike stikstofpryse (KAN en ureum) marginaal
gedaal, terwyl internasionale stikstofpryse (ammoniak en ureum)
in randterme gestyg het. Wanneer die tendens van plaaslike MAP-
pryse met internasionale DAP-pryse vergelyk word, kan gesien
word dat plaaslike pryse groter stygings as internasionale pryse
getoon het, terwyl kaliumchloriedpryse in die plaaslike mark
weer minder as internasionale pryse gestyg het.
Grafiek 1
tot
Grafiek 4
toon ook grafies aan hoe plaaslike prystendense inter-
nasionale prystendense navolg.
Produsentepryse
Soos genoem, is die bostaande plaaslike tendense gebaseer op
gemiddelde pryslyspryse. Daar is by ‘n paar koringprodusente in
die Kaap gaan aanklop om uit te vind of die bostaande tendense
strook met dit wat hulle fisies vir kunsmis op die plaas betaal
het in vergelyking met verlede jaar. Stikstofbronne (N) het op ‘n
gemiddelde basis met 6,9% gedaal sedert verlede jaar – wat redelik
goed vergelyk met die afname wat in pryslyspryse waargeneem is.
Fosfaatbronne (P) het op ‘n gemiddelde basis met 10,3% gestyg
teenoor verlede jaar op plaasvlak – dit vergelyk ook goed met
die tendens op pryslyspryse waargeneem. Kaliumchloriedpryse (K)
het op ‘n gemiddelde basis met 8% teenoor verlede jaar gestyg,
wat baie goed vergelyk met die 8,1%-styging wat in gemiddelde
pryslyspryse waargeneem is.
Hoe vergelyk plaaslike en internasionale
kunsmisprystendense?
CORNÉ LOUW,
senior ekonoom: Bedryfsdienste, Graan SA
INSET
-oorsig
OP PLAASVLAK
KUNSMIS
MAART 2014
DOLLAR/TON
MAART 2015
DOLLAR/TON
% VERANDERING
Ammoniak (Midde-Ooste)
471
455
-3,40%
Ureum (46) (Oos-Europa)
342
302
-11,70%
DAP (VSA Golf)
489
439
-10,20%
Kaliumchloried (CIS)
297
306
3,00%
R/$-wisselkoers
10,532
12,109
15,00%
KUNSMIS
MAART 2014
RAND/TON
MAART 2015
RAND/TON
% VERANDERING
Ammoniak (Midde-Ooste)
4 957
5 510
+11,2%
Ureum (46) (Oos-Europa)
3 601
3 653
+1,4%
DAP (VSA Golf)
5 147
5 318
+3,3%
Kaliumchloried (CIS)
3 124
3 703
+18,5%
KUNSMIS
APRIL 2014
RAND/TON
APRIL 2015
RAND/TON
% VERANDERING
KAN (28)
5 590
5 500
-1,6%
Ureum (46)
6 632
6 326
-4,6%
MAP
8 014
9 168
+14,4%
Kaliumchloried
6 728
7 273
+8,1%
TABEL 1: GEMIDDELDE INTERNASIONALE KUNSMISPRYSE (DOLLARWAARDE).
TABEL 2: GEMIDDELDE INTERNASIONALE KUNSMISPRYSE (RANDWAARDE).
TABEL 3: GEMIDDELDE PLAASLIKE KUNSMISPRYSE.