94 / 116
Maart 2016
92
Insekte – ‘n ekosisteemdiens
vir bewaringslandbou
G
ronderosie is ‘n groot omgewingsprobleem in Suid-
Afrika wat grond- en waterbronne direk beïnvloed. Boer-
derypraktyke is aan die verander om water- en winderosie
te verminder en dit gaan gepaard met verandering in
insekspesies en -populasies.
In terme van gewasbeskerming bied
bewaringslandbou ‘n totale ander habitat
wat insekte moontlik kan lok en ondersteun
in vergelyking met konvensionele bewer-
king. In ‘n bewaringslandbousisteem is
die grond koeler en natter in die somer,
terwyl dit in die winter warmer asook
natter is as gevolg van plantreste op die
grondoppervlak.
Weens ‘n gebrek aan kennis is daar tans
onsekerheid oor hoe insekpopulasies op
bewaringslandbou gaan reageer en hoe
om dit te beheer. Drie aspekte beïnvloed
die insekpopulasie, naamlik of die habitat
van insekte aan meganiese versteuring on-
derwerp word of nie, die teenwoordigheid
of gebrek aan plantreste en die eventuele
onkruidgemeenskappe wat ontstaan weens
die tipe bewerking (konvensioneel of
geenbewerking).
Die doel van ‘n onlangse studie was om
morfo-spesies wat voorgekom het in
konvensioneel bewerkte lande en bewa-
ringslandboulande met mekaar te vergelyk
deur te kyk na insekdiversiteit. Die insekte
was dus nie tot op spesievlak geïdentifiseer
nie, maar was in morfo-spesies verdeel op
basis van morfologiese eienskappe.
Insekte is versamel deur gebruik te maak
van droë putvalletjies (
Foto 1
) wat in
die grond begrawe word om sodoende
insekte wat op die grond teenwoordig is,
te vang. Insekte is versamel op vyf loka-
liteite naamlik, Ottosdal, Vredefort, Hart-
beesfontein, Sannieshof en Kroonstad. Die
totale aantal morfo-spesies en die totale
aantal insekindividue is getel en met mekaar
vergelyk (
Foto 2
).
‘n Totaal van 9 843 insekindividue, in
120 morfo-spesies van 13 verskillende
insekordes is versamel. By al vyf lokaliteite
was die aantal insekindividue hoër vir
bewaringslandbou in vergelyking met die
konvensioneel bewerkte lande en in vier
van die vyf lokaliteite was die aantal morfo-
spesies ook hoër (
Grafiek 1
en
Grafiek 2
).
Hieruit kan dus afgelei word dat bewa-
ringslandbou die potensiaal het om insek-
biodiversiteit te bevoordeel.
Die ideaal is om die beste praktyke te implementeer wat insek-
biodiversiteit bevoordeel of regenereer. Deur die insekbiodiversiteit
te verhoog, word die risiko vir insekplaaguitbreke verlaag en word
daar sodoende ‘n meer stabiele insekomgewing geskep.
OP PLAASVLAK
Insekte / Bewaringslandbou / Boerderypraktyke
Bewaringslandbou
ANNEMIE ERASMUS
en
HEIDI MEYER,
LNR-Instituut vir Graangewasse, Potchefstroom
Grafiek 1: Die totale aantal individuele insekte in bewaringslandbou in vergelyking met
konvensionele boerdery.
Grafiek 2: Die totale aantal morfo-spesies in bewaringslandbou in vergelyking met
konvensionele boerdery.