90 / 108
Julie 2017
88
O
m ‘n lisensie vir ‘n nuwe geweer te kry, is vir meeste van
ons dieselfde as Kersfees vir ‘n klein seuntjie. Die natuur-
like volgende stap is om daardie nuwe geweer so gou
moontlik op ‘n skietbaan te kry en rondtes deur die loop
te sit. Maar om jouself tyd en geld te spaar en om die beste uit
jou nuwe geweer te kry, volg gerus die stappe wat in die artikel
beskryf word.
Die volgende faktore is belangrik om te verseker dat jy jou geweer
se volle potensiaal kan benut en ook dat jy die geweer so maklik
as moontlik kan skiet. Die meeste wapenhandelaars het ‘n persoon
wat vir jou na hierdie punte omsien, maar indien hulle nie het nie,
neem die geweer na ‘n bekwame wapensmid.
Eerstens moet jy verseker dat die loop van die geweer vry in
die kolf lê en dat daar geen drukpunte tussen die loop en kolf
is nie. Drukpunte kan veroorsaak dat jy nie in die kol skiet nie
– veral as die loop warm word. Indien dit ‘n houtkolf is, is dit
selfs meer belangrik, aangesien hout meer sensitief is vir
weersveranderinge en daarom kan krimp, swel en trek.
Jou handelaar of wapensmid sal kan adviseer of dit nodig is
om die aksie te pak. Omdat die meeste gewere van die rak af
toegerus is met massaproduksiekolwe is dit soms nodig om die
aksie te pak. Dit sal verseker dat die aksie stewig en noupassend
in die kolf sit, daar sal daar nie onnodige stres op die aksie wees
nie en dit sal ook verseker dat die loop reguit in die kolf lê.
Terwyl die geweer uitmekaar is, kan jy ook die sneller laat verstel
sodat dit geskik is vir jou. Rakgewere kom gewoonlik uit met ‘n
sneller wat om veiligheidsredes uitermate hard gestel is. Jou
hoofdoel vir die wapen sal ook bepaal watter snellerdruk jy gaan
verkies. Kompetisieskuts verkies fyner snellers en jagters ‘n
bietjie van ‘n harder sneller. Ongeag van hoe jy die snellerdruk
verkies, moet jy verseker dat die sneller veilig is en ook dat die
veiligheidsknip steeds werk.
As al die verstellings en werk afgehandel is, moet jy verseker
dat die aksieskroewe met die korrekte wringkrag (
torque
)
vasgedraai word. Dit sal verseker dat daar nie onnodige stres op
die aksie is nie en dit sal ook help dat jou geweer se impakpunt
nie te veel verander as jy ooit die geweer uit die kolf haal en
weer met dieselfde wringkrag terugsit nie.
Indien jy onseker is, kan jy ook die groefdraai en looplengte laat
meet; dit sal later belangrik wees in die herlaai van ammunisie
of die keuse van ammunisie.
Noudat jou geweer gereed is, kan jy ‘n teleskoop laat monteer
– weer eens sal ek aanbeveel dat dit deur ‘n bekwame persoon
gedoen word.
OP PLAASVLAK
Nuwe geweer / Inskietproses / Verstellings
Wapens en jag
FJ LESSING,
Central Arms and Outdoor
Graan SA/Sasol fotokompetisie
– Petro Sutherland 2013
Voordat jy die jagveld
met jou nuwe geweer
kan betree, is daar ‘n
paar punte waaraan
jy eers moet aandag
gee om jouself tyd en
geld te spaar en om
die beste uit jou nuwe
geweer te kry.