89 / 92
87
FAW se nuwe reeks medium
vragmotors is uiters kompeterend
– Chinese FAW 8.140 FL is trots Suid-Afrikaans gebou
f
AW SA het ‘n nuwe FAW medium vragmotorreeks bekend
gestel, die FAW 8.140 FL, wat spesifiek vir die plaaslike mark
aangepas is en plaaslik gebou word.
Die nuwe reeks FAW 8.140 FL medium vragmotors spog
met die laagste koste per ton in die segment vir medium
vragmotors asook die FAW 8.140 FL met die Amerikaansvervaar-
digde Cummins ISF 3.8 liter-enjin wat aan Euro 3-standaarde
voldoen. Dit het boonop ‘n betroubare ZF-sesgang handratkas en
vol dubbelkring lugremme met ‘n sluitweer-remstelsel.
FAW, ‘n Chinese vragmotorvervaardiger, is sedert 1994 in Suid-
Afrika verkrygbaar. FAW SA het die Chinese weergawe van FAW
se mediumgrootte vragmotor herontwerp om spesifiek plaaslike
medium vragmotor vereistes aan te spreek.
Koste-effektiwiteit tesame met die beste moontlike dra-kapasiteit
en omkeertyd is van die vele vereistes wat deur hierdie voertuig
aangespreek word. Die vragmotors word as gedeeltelik gemonteer-
de boustelle ingevoer, waarna die onderstel, aste en ander onder-
dele, sowel as die ingevoerde Cummins ISF-enjin en die ZF-ratkas
by ‘n splinternuwe aanleg op Coega gemonteer word.
Die FAW 8.140 FL is in verskeie bak-konfigurasies beskikbaar. Dit
sluit ‘n valkantbak, ‘n skuifseil-tipe, ‘n paneelvoertuig, ‘n wipbak,
platbakherwinningsvoertuig en ‘n geïnsuleerde vragdraer in. Kopers
het ook die keuse om ‘n kaal onderstel met kajuit na hulle eie be-
hoeftes om te bou tot by ‘n drakapasiteit van 14 ton.
‘n Lae gewig word deur die konstruksie van die onderstel ver-
seker, veral in kombinasie met die staal subraambakwerk. Die on-
derstel word in ‘n spesiale verfstasie behandel om stofweerstand
te verbeter. Laasgenoemde word slegs vir die Suid-Afrikaanse
mark gedoen.
Die leer-raam onderstel het semi-eliptiese bladvere sowel as dub-
belaksie skokbrekers voor en addisionele vere agter. Die aste is ge-
gradeer vir 3 ton voor en 6 ton agter, wat beteken dat die vragmotor
se drakapasiteit meer as voldoende is vir die meeste aanwendings.
Hierdie nuwe FAW se kajuit is ‘n sogenaamde kajuit-oor-enjin
ontwerp – dit kantel teen 45° om maklike toegang te bied vir
diens- en versieningsdoeleindes. Die digitale instrumentpaneel en
ander kontroles is binne maklike bereik van die gemiddelde Suid-
Afrikaanse bestuurder geplaas.
Daar is sitplek vir drie persone in die 2 m wye kajuit, met die
middelste seksie wat weggevou kan word. Radio- en USB-konnek-
sies is standaard.
Die turbo-ondersteunde Euro 3 Cummins ISF 3.8 liter-enjin sorg
vir ‘n kraglewering van 105 kW teen 2 600 rpm en vir ‘n maksimum-
wringkrag van 450 Nm wat tussen 1 200 en 2 200 rpm beskikbaar is.
‘n Sesgang, sogenaamde synchromest ZF 6 S 500 TO Ecolite-
handratkas verseker dat die Cummins-enjin optimaal benut word
en dra by tot die bestuurbaarheid en beheerbaarheid. Hierdie ZF-
ratkas het ‘n reputasie vir tegnologiese innovasie en leierskap in die
segment vir kommersiële voertuie.
Die ISF-enjin funksioneer teen hoër temperature, wat die grootte
en koste van die voertuig se verkoelingstelsels verlaag. Die modu-
lêre ontwerp van die enjin bied ook maklike toegang vir diens en
hersiening, wat ook koste laag hou.
‘n Tweejaar/onbeperkte kilometer waarborg dek hierdie reeks, met
verkope en naverkopediens wat deur 36 handelaars in Suid-Afrika,
Namibië en Botswana onderneem word.
Met ‘n intreeprys van R239 000 (sonder BTW) vir die nuwe
FAW 8.140 FL onderstel/kajuit, bied FAW die laagste prys per ton
tans beskikbaar.
GERRIE SMIT,
lid van die SA Motorskrywersgilde
WIELE
vir die plaas
Die toegeboude FAW 8.140 FL is ideaal om groente, vrugte en
blomme te karwei.
July 2015