SA Graan Januarie 2015

41 / 52

AKTUEEL
Goeie arbeidspraktyke en
-verhoudinge in die kollig
SA Graan/Grain het die vorige twee maande berig oor die
arbeidspraktyke op Boontjieskraal Landgoed, naby Caledon
in die Suid-Kaap. Mnr Richard Krige (hoofbestuurder van
Boontjieskraal Landgoed asook ‘n hoofbestuurslid van
Graan SA) vertel in dié artikel meer oor hulle dissiplinêre stappe op
die plaas en gee ‘n paar wenke aan medeprodusente oor hoe om die
beste uit jou werkerskorps te kry.
Dissiplinêre stappe
Op ‘n vraag oor hoe geskille op die plaas besleg word, antwoord
Krige: “Indien daar probleme is, word dit onmiddellik opgelos. Daar
is ‘n grieweproses in plek, maar ons het nog nooit nodig gehad om
dit te gebruik nie. Indien ‘n werknemer ‘n oortreding begaan, word
sy naweekdienstye verleng (gewoonlik elke vyfde naweek tensy
daar ander werk is) sodat hy elke naweek diens doen en werk vir ‘n
tydperk wat van pas is, gegewe die oortreding. Van sy byvoordele en
voorregte kan hom ook ontneem word vir ‘n tydperk, soos kostoelae
en die gebruik van voertuie vir privaat gebruik. Ons het so onder
mekaar ooreengekom.”
Volgens Krige is ‘n geskrewe waarskuwing, in sy opinie, nie genoeg
nie. “Daar moet op ‘n manier ‘n boete of straf wees vir wangedrag
of oortredings. Ons probeer konsekwent wees. Almal word dieselfde
behandel en die reëls geld vir almal. In die Kaap en die landelike
gebied was drankgebruik vir ‘n lang tyd ‘n probleem gewees. Ja,
‘n mens kan sê die dopstelsel het ‘n bydrae gelewer, maar dit vat
wilskrag en dissipline om dit te oorkom. Drankmisbruik lei tot soveel
probleme en die persone of individue wat die swaarste daaronder
ly, is die kinders. Jou werknemers moet dit besef. Hulle het ‘n
verantwoordelikheid teenoor hulle werkgewer, hulle werk en hul
families,” benadruk hy.
Op ‘n vraag oor watter wenke hy vir medeprodusente het om die
beste uit hul werkerskorps te kry, antwoord Krige: “Ons is almal leiers
in die lewe. Van ons miskien meer as ander. Die gewone familieman
wil tog ook die beste vir sy vrou en kinders hê. Hoe doen ‘n mens
dit? Jy wys vir hulle waar hulle verkeerd was en prys hulle indien
hulle iets goed doen. Jy lei hulle deur die voorbeeld wat jy vir hulle
stel. Wedersydse respek is belangrik. Hoekom vergeet ons almal
so gou dat die basiese beginsels dieselfde bly ongeag die situasie?
Dissipline vorm in my opinie ook die ruggraat van die samelewing.
“Jy moet ook jou werknemers en hul behoeftes ken en verstaan. Hy
het ook drome en aspirasies. Weet jy wat hulle is? My vrou (sy het op
die plaas grootgeword) sê altyd as ek weg is en daar is ‘n probleem
op die plaas, sal sy by van die werkers aan huis gaan bly. Nou frons
die lesers seker almal wat dit lees! Ons werknemers se behuising
is puik met lopende en warm water en stowe; die huise is uitgeteël
en sommiges het selfs DSTV. Die huise is skoon en netjies en dié
mense is soos familie – hoekom dan nie?” sluit hy die gesprek af.
ESTIE DE VILLIERS, redakteur, SA Graan/Grain
– Boontjieskraal Landgoed (Deel 3)
Reeks
Posbus 159, Oudtshoorn, 6620, Suid-Afrika
Tel: 044 203 9800 Ɣ Tel: 018 293 1233 Ɣ Tel: 017 647 6431 Ɣ Tel: 012 252 6849
KKSB is 'n vennoot
van Agribonus
Koring-Droëland
SST 347
SST 356
SST 374
SST 387
Elands Matlabas
Kwartel Ratel
Komati Tankwa
Koring-Besproeiing
SST 806
SST 835
SST 843
SST 866
SST 875 Duzi
SST 876 Krokodil
SST 877 Kariega
SST 884 Olifants
CRN 826 Sabie
Buffels Steenbras
Kanola
Hyola 50
Hyola 571 CL
Hyola 555 TT Hyola 61
Hyola 575 CL Thunder TT
DIE ALLES-IN-EEN SAAD VERSKAFFER
1: Die werknemers se huise op Boontjieskraal Landgoed.
2 en 3: En so lyk dit binne.
1
2 3
Deel jou praktyke met medeprodusente
Graan SA-lede is welkom om wenke vir goeie arbeidspraktyke en -verhoudinge op die plaas of praktyke wat hulle op die plaas toepas
en wat vir hulle werk, met hulle medeprodusente te deel. Stuur ‘n e-pos na en ons sal jou kontak.