42 / 52
die toekoms binnegaan
T
ydens 2014 se elfde Senwes Jongboer Toekomsfokusdag,
wat in samewerking met Graan SA aangebied is, is jong-
boere aangemoedig om ‘n kopskuif te maak wat die bemar-
king van hul produkte betref en om vertroud te raak met
wie die eindverbruiker van hul produkte is en wat presies daardie
verbruiker se behoeftes is.
Om primêr op die doeltreffende produksie van ‘n kommoditeit te
fokus, veroorsaak dat produsente deel bly van ‘n mark waar hulle
afhanklik is van wisselvallige pryse. Ondersoek eerder verskillende
maniere om waarde te skep en bou besigheidsmodelle om jou
produk op ‘n aanloklike en bruikbare manier aan te bied.
Dit was prof Hamish Gow van die Massey Universiteit in Nieu-
Seeland, wat as hoofspreker tydens vanjaar se Jongboer Toekoms-
fokusdag, oopgetree het, se boodskap aan die groep jongboere.
Die dag is deur die Jongboerverenigings van Agri NW en Vrystaat
Landbou op NAMPO Park aangebied.
Prof Gow het onder meer internasionale bemarking, waarde-
ketting-ontwikkeling, voedselsisteembestuur, innovasie en entre-
preneurskap tydens sy aanbieding bespreek en het jongboere
aangemoedig om meer waarnemend op te tree waar dit die mark-
te aangaan asook om vertroud te raak met wie die eindverbruiker is
en wat daardie verbruiker benodig.
“As ‘n produsent is jy geleer om jou produksie te verhoog en die
pryse in die mark te aanvaar, maar nou sal jy meer tyd moet span-
deer om te ontdek hoe jy moet bemark en aan wie jy moet bemark.
Jy kan dit egter nie as individu doen nie. Daar is modelle daarbuite
wat ons kan gebruik om die denkwyse van produsente te verander
en om hulle in staat te stel om die internasionale markte te betree,”
het prof Gow gesê.
Mnr Francois Strydom, besturende direkteur: Senwes, het sterk
klem daarop gelê dat die toekoms ontwerp en gereeld herontwerp
moet word en dat jongboere nie net tyd in die hede moet spandeer
nie, maar ook aan die beplanning vir die toekoms.
“Vandag is ‘n bousteen, al is dit net om die besluit te neem om aktief
betrokke te wees by die ontwerp van jou eie toekoms asook dié
van jou mense en jou gemeenskap. Suid-Afrika word nie gered
deur politici nie, maar deur gewone mense, neem die toekoms in jou
eie hande,” het Strydom gesê.
ELMARIE HELBERG,
SA Graan/Grain
medewerker
1: Die nuutste John Deere FarmSight-tegnologie is ook tydens die dag deur Senwes Village Meganisasie gedemonstreer.
2: Wessel Hattingh (voorsitter: Vrystaat Landbou Jongboervereniging); prof Hamish Gow (van Nieu-Seeland, wie die hoofspreker was),
Francois Strydom (besturende direkteur: Senwes) en Magnus Theunissen (voorsitter: Agri NW Jongboervereniging).
3: SJ Botha en Jan Benson het al die pad vanaf Steynsrus gekom om die dag by te woon.
4: Jeandré Els, André Broodryk en Pieter Broodryk, al drie van Heilbron, het baie waarde uit die dag geput.
1
2
3
4
Januarie 2015
40
AKTUEEL