13 / 52
Konferensie vir
Maart beplan
Die Ottosdal No-Till klub voel so ernstig oor die werk wat hulle
doen en die sukses wat hulle tot dusver behaal het, dat hulle ‘n
tweede bewaringsboerderykonferensie vir 11 en 12 Maart 2015
op Ottosdal beplan.
Die doel is om hulle ondervinding en resultate met medeprodu-
sente te deel. Soos met die 2014-kongres gaan verskeie ge-
nooide sprekers optree en aanbiedings lewer oor belangrike en
interessante sake in bewaringsboerdery. Wat veral belangrik is,
is dat produsente wat na bewaringsboerdery oorgeskakel het,
ook as sprekers gaan optree om hulle ondervinding te deel. En
wie weet beter wat om te doen en watter slaggate om te vermy as
iemand met ondervinding?
Slegs 300 persone kan die kongres bywoon en die koste beloop
R400 per persoon wat vier etes en al die kongresmateriaal insluit.
Wat meer is, die kongres val saam met die Ottosdal skou wat die
bywoning sommer twee vlieë met een klap maak.
Hou die Graan SA-webtuiste (
www.grainsa.co.za )dop vir be-
sonderhede of skakel Lourens Rudolph van Ottosdal Landini
by 018 571 0900 of Hannes Otto by 082 774 3993 vir verdere
navrae.
se implemente, wat die effektiwiteit van die praktyk verhoog, in die
proewe te gebruik.
Vierdens word die gebruik van kouters en tande (in geenbewer-
kingsplanters) tydens die plantproses vergelyk. Tande kan die grond
dieper losmaak en kunsmis dieper plaas as kouters, maar versteur
die grond meer. In 2013/2014 het die twee praktyke geen verskil
in die opbrengs van mielies veroorsaak nie. Die verwagting is dat
verskille na vore sal kan kom as die reënval minder gunstig is en dat
die sukses van tande of kouters deur die grondtekstuur en -kwaliteit
bepaal gaan word.
Kultivarkeuse bly een van die beheerbare veranderlikes wat ‘n
belangrike rol in die sukses van graanproduksie speel. So is vier
mieliekultivarproewe gedoen waarvan sommige teen ‘n hoë en
ander teen die gewone stand geplant is.
Dekgewasse speel elders in die wêreld ‘n belangrike rol in be-
waringsboerdery en kan verskeie doelwitte en funksies uitvoer, soos
om die grond te beskerm teen erosie, grondverdigting op te hef,
die kwaliteit van die grond te herstel en ook voer vir vee te verskaf.
Die Ottosdal No-Till Klub het besluit om ook dekgewasse onder die
soeklig te plaas om in hulle bewaringsboerderystelsels te integreer.
Soos in die geval van die wisselbouproef, is 14 dekgewasse en
-mengsels (warm- en koelweergewasse) in stroke geplant en ver-
skeie waarnemings, soos byvoorbeeld die droëmateriaalopbrengs
en wortelverspreiding, is gemaak.
In die 2014/2015-seisoen gaan die gewasse plus die plaaslike
kontantgewasse dwarsoor die stroke van 2013/2014
geplant word om te kyk wat die interaksie (rotasie-
effek) tussen al die gewasse is en hoe dit die opbrengs
en grond beïnvloed.
Goeie nuus! Ná ’n omvattende studie deur Barloworld Agriculture is die
pryse van ’n wye reeks AGCO-onderdele vir Massey Ferguson- en Challenger-
toerusting verlaag – in sommige gevalle met meer as 70%.
Hierdie verlagings verminder eienaars se koste van eienaarskap en verlaag
ook die koste van Barloworld Agriculture se diensplanne vir trekkers, stropers,
selfaangedrewe spuite en planters.
Prysnavorsing is gedoen ten opsigte van diensonderdele en ander algemene
onderdele, waaronder aandrywingsbelde, aansitters, brandstofinspuiters en
turbo-aanjaers, asook planteronderdele. Prysverlagings geld onder meer vir:
• MF-trekkerreekse – MF 400 Xtra, MF 5400, MF 7600, MF 8600
• MF konvensionele, wydwerk- en geenbewerkingplanters
• Challenger-rusperband en geartikuleerde trekkers
• Selfaangedrewe Challenger-spuite
• Challenger-stropers
AGCO-onderdele vir toerusting wat deur Barloworld
Agriculture versprei word, is nou 24 uur per dag
beskikbaar – regdeur die jaar. Die doel hiermee is om
eindgebruikers se produktiwiteit in veral kritieke tye
soos plant- of oestyd te verhoog.
AGCO-onderdele kan nou ná kantoorure by Barloworld Agriculture bestel
word vir onmiddellike versending per koerier. Onderdele kan ook na-ure by
die AGCO-onderdeelpakhuis naby O.R. Tambo-lughawe in Kempton Park,
Johannesburg, afgehaal word. Na-uurse aflewering per koerier word deur die
handelaar gereël en is nie ingesluit by die prys van die onderdeel nie.
Met inisiatiewe soos hierdie streef Barloworld Agriculture daarna om ’n
suksesfaktor in boere en kontrakteurs landswyd se ondernemings te wees.
Kontak jou naaste handelaar vir meer inligting of skakel
011 898 0278 om jou naaste handelaar te vind.
ONDERDEELPRYSE GESNOEI
24/7 – 365 DAE PER JAAR
KOSTE VAN EIENAARSKAP
VERLAAG JOU
11