49 / 116
Produk-inligting
Rusperbandtrekkers presteer
in Noordwes
H
y boer nie met mielies nie, maar met vog, sê mnr Dirk
Fourie van Schweizer-Reneke. Die afgelope jaar het
Challenger-rusperbandtrekkers hom gehelp om in straw-
we toestande spoorverkeer beter toe te pas, sy grond
se potensiaal optimaal te benut en meer produktief en ekonomies
te boer.
Fourie van Kameelkuil Boerdery het in Mei verlede jaar ‘n vloot
van 13 hoëkilowatt-wieltrekkers met sewe Challenger-rusperband-
trekkers vervang – drie MT 865C-modelle van 383 kW en vier
MT 765D-modelle van 260 kW. Met dié trekkers kan hy dieselfde
aantal hektare bewerk as met drie geartikuleerde trekkers (448 kW
en 411 kW) en tien seswieltrekkers (254 kW) in die verlede.
Sy hoofoorwegings met die aankoop van die Challenger-vloot was
winsgewende werkverrigting en om grondverdigting te beperk.
Dié produsent pas spoorverkeer toe in 96 cm-rye. Die MT 865’e
sleep skeurploeë met 16-tande wat 450 mm diep werk en al sewe
trekkers word in planttyd aangewend. In teenstelling met gearti-
kuleerde trekkers, kan die groter Challengers ook ekonomies gebruik
word om planters te sleep, sê hy.
“Met die Challengers kan ons dubbel so wyd werk as vroeër en ons
het ook die aantal bewerkings verminder van drie na twee deur die
skeurploeë aan te pas vir
strip till
, sodat ons nie meer afsonderlik
saadbedvoorbereiding doen nie. Minder verkeer op die land ver-
minder grondverdigting en ons het vanjaar die vrugte gepluk van
beter vogbewaring,” sê Fourie. “Ons het profielgate gegrawe en kan
die verskil duidelik sien.”
Die ontwerp van die rusperband, sy langer voetspoor en groter
vastrapvermoë as ooreenstemmende wieltrekkers help om grond-
verdigting tot die minimum te beperk.
Challenger-rusperbandtegnologie bring mee dat meer krag na
die grond verplaas word, wat beteken dat wyer implemente ge-
sleep kan word. Die reusehysvermoë van 14 ton gee ook groter
reserwekapasiteit om groot implemente doeltreffend te hanteer.
“Ons het 16-ry-skeurploeë met die geartikuleerde trekkers probeer
sleep, maar die wielglip was bloot te veel, meer as die aanvaarde
norm,” sê hy.
Wieltrekkers werk tipies teen ‘n wielglip van 15% – wat beteken dat
die trekker vir elke 1 m wat die wiel beweeg slegs 85 cm vorentoe
beweeg. Met rusperbande word maksimum trekstang-sleepkrag in
dieselfde omstandighede gewoonlik teen ‘n wielglip van 4% tot 5%
bereik. Vir elke 1 000 uur gewerk sal ‘n wieltrekker dus 100 uur méér
op een plek staan en diesel verbrand sonder om regtig te werk.
Brandstofbesparing
Brandstofbesparing was ‘n groot oorweging met die aankoop van
die trekkers. Met die rusperbandtrekkers bespaar hy met die skeur-
ploegbewerking gemiddeld 5 liter brandstof per hektaar en met
planttyd meer as 2 liter brandstof per hektaar. Daarby word die werk
ook veel vinniger afgehandel.
‘n Groot pluspunt is die Auto Steer-stelsel wat op die trekkers
gepas is en wat akkuraat is tot op 3 cm tot 5 cm, sê hy. “Dié vlak
van akkuraatheid is deurslaggewend wanneer jy spoorverkeer doen,
boonop met ‘n differensiële plantestand. Maande nadat die lande
gerip is, word die mielie- en sonneblompitte presies in die ry ge-
plaas en kunsmis word optimaal toegedien om maksimum opbrengs
te verseker.”
Hy skakel nou oor na ‘n 15-ry-bewerking om sy selfaangedrewe
spuite te akkommodeer en het die gerief dat die rusperbande ver-
stel kan word om by die nuwe rywydte in te skakel sodat die trek-
kers, stropers en spuite almal op dieselfde spoor kan loop.
Barloworld Agriculture se diensplan was
deel van die pakket toe Fourie die trekkers
aangekoop het. Die diensplan, wat vir al
Barloworld Agriculture se trekkers, stropers
en trekkers beskikbaar is, geld by trekkers
vir drie jaar of 2 000 uur (watter een ook
al eerste verstryk) en is uniek in plaaslike
landbou. “Die diensplan beteken dat ek met
‘n eenmalige betaling toekomstige dienste
finansier en skakel risiko’s soos stygings in
die prys van onderdele en arbeid uit,” sê hy.
“Boonop kan ek staatmaak op goeie diens
deur my plaaslike handelaar, Johnny Scholtz
van JBJ Machinery op Schweizer-Reneke,
gerugsteun deur die Challenger-span by
Barloworld Agriculture.”
Hoe geler; hoe mooier. Gary Halvorsen
(verkoopsbestuurder: Challenger by
Barloworld Agriculture), links, en Dirk Fourie
van Schweizer-Reneke met die aflewering
van Fourie se Challenger-vloot.
FOKUS
Werktuie en toerusting
Spesiale
ANITA VAN ZYL,
namens Barloworld Agriculture
47
Augustus 2016