52 / 116
Produk-inligting
Augustus 2016
50
‘n Bandereeks vir uitmuntende
prestasie op enige terrein
B
KT, die bandevervaardiger en voorloper in die
off-highway
bandebedryf, het hul flotasie-bandereeks vir landbousleep-
waens vergroot en verbeter deur drie nuwe bande bekend
te stel wat aan alle toepassingstandaarde voldoen. Die
toetse is in Seregno, Italië gedoen.
Die nuwe bande, FL-630 Ultra, FL-635 en Ridemax FL-698, is tydens
die Reifen skou in Essen, Duitsland bekend gestel en is klaar in
die mark beskikbaar. Hierdie bande gaan beslis die flotasie-reeks
‘n goeie hupstoot gee. Die reeks het tot op hede bestaan uit die
FL-630, wat verlede jaar suksesvol by die SIMA Parys skou bekend
gestel is. Verdere bande in die reeks is die FL-630 Plus, FL-639 en
Ridemax FL-693 M.
Die BKT flotasie-reeks is ontwerp vir gebruik op ‘n teerpad as ook
in die veld en graslande. Die bande word gekenmerk vir hul voor-
treflike flotasie-eienskappe wat minder impak op die grond verseker.
Die weerstandbiedende struktuur bied uitstekende traksie en
perfekte houvas, selfs in draaie en ander bewegings en stuur van
die masjien of trekker. Nie net verseker die besonderse loopvlak-
ontwerp ‘n behoorlike greep op alle terreine nie, maar dit het ook ‘n
unieke selfskoonmaak-funksie.
‘n Nylon-omhulsel en poliëster-gordels van die FL-630 Ultra,
FL-635, FL-630, FL-630 Plus en FL-639 bied stewigheid en weerstand,
benewens die noodsaaklike buigbaarheid wat benodig word om
by enige terrein en toestande aan te pas. Die groot loopvlakopper-
vlakte asook die besonderse kapverspreiding sorg vir homogene
vragverspreiding wat grondkompaksie voorkom.
Die bandgroottes FL-630, FL-630 Plus en FL-639 bande is hoofsaak-
lik ontwerp vir die toepassing op lande (70% veld en 30% pad).
Tog wys die nuwe weergawe van die FL-630 Ultra ‘n effense ver-
andering in ontwerp wat meer kap insluit, asook ‘n versterkte
bead
area wat die band meer weerstand gee. Die band kan gebruik word
op paaie (50%) en in die veld (50%).
Nog ‘n nuwe toevoeging tot die flotasie-reeks is die FL-635: Die
perfekte band vir beide veld- en padgebruik. Die loopvlak is spesiaal
ontwerp vir toepassing op ‘n strooibaler in graslande.
Ridemax FL-698, FL-630 Super en Ridemax FL-693 M bande
word gekenmerk vir die straallaag
all steel
struktuur, gemaak van
besonderse weerstandige staalgordels wat optimale fermheid en
stabiliteit aan die band verleen. Die unieke loopvlakontwerp maak
die bande besonders gepas vir verskeie gebruike op basies alle
terreine en oppervlaktes. Die groot voetspoorarea sorg vir perfekte
vragverspreiding op lande wat grondkompaksie beperk en beter
vragkapasiteit tot gevolg het. Hierdie is ‘n noodsaaklike funksie vir
bande wat spesiaal gemaak is vir sleepwaens, tenkvragmotors en
spuittoerusting.
BKT het, met die produsent in gedagte, bygevoeg tot die flotasie-
reeks. Die reeks verminder skade aan lande deur grondkompaksie
te verlaag en só ook ‘n beter oes-opbrengs te lewer. Ander verbete-
ringe tot die bandeienskappe is ‘n verlengde leeftyd asook hoër
dravermoë teen ‘n hoër spoed. Die flotasie-reeks is só ontwerp om
as belegging te dien vir elke produsent. Die produsente word veral
in gedagte gehou wanneer dit kom by die BKT Ultra, want ons almal
vat van tyd tot tyd die trekker bietjie op die pad.
Tubestone is die trotse asook eksklusiewe BKT groothandelaar in
Suid-Afrika, Namibië, Botswana en Zimbabwe. Met ‘n mededin-
gende landbou- asook industriële sektor, is die aanvraag vir kwali-
teit bande baie groot. Die maatskappy voldoen aan hierdie aanvraag
en voorsien die oplossing: BKT.
Dit is ‘n handelsmerk waarop ‘n produsent maar kan staatmaak.
Vir meer besonderhede aangaande die flotasie-reeks, Tubestone
produkte en dienste of meer, besoek gerus hul webtuiste.
FOKUS
Werktuie en toerusting
Spesiale
LARA DE GOEDE,
bemarkingsadministrateur: Tubestone
Die bandgroottes FL-630, FL-630 Plus en FL-639 bande (voorbeeld in die
foto) is hoofsaaklik ontwerp vir die toepassing op lande (70% veld en
30% pad). Die groot loopvlakoppervlakte asook die besonderse kapver-
spreiding sorg vir homogene vragverspreiding wat grondkompaksie
voorkom.
‘n Voorbeeld van die Ridemax FL-690 band.