50 / 116
Produk-inligting
Augustus 2016
48
Nuwe fokus vir familiebesigheid
A
grico beplan om sy meganisasie-afdeling, insluitend sy
John Deere- en ander invoeragentskappe, te verkoop. Die
firma gaan voortaan sy fokus verskerp op watersake en
produkte wat hy self vervaardig.
Afgri Equipment is gekontrakteer om die grootste deel van Agrico
se meganisasie-afdeling te koop – onderhewig aan regulatoriese
goedkeuring. Dié leier in verskeie landboudienste en -toerusting
vir presisieboerdery, sal sy taknetwerk uitbrei om kontinuïteit van
dienste te verseker. Dit sal ook bestaande finansiële oplossings en
insette aan klante insluit. Agrico gaan die res van die afdeling aan
ander meganisasie-handelaars verkoop.
Die maatskappy sal meer as 800 van sy 990 werknemers behou en
die firma sal voortgaan om in sy Suid-Afrikaanse vervaardigings-
en verspreidingsinfrastruktuur te belê. Die maatskappy het reeds
diep spore in die Suid-Afrikaanse landboubedryf getrap en het tans
27 takke landswyd. Die besigheid het ook onlangs sy eerste tak in
Lusaka, Zambië geopen.
Agrico is ‘n familiebesigheid. Paul Andrag het in 1896 vanaf Duits-
land voet aan wal in Kaapstad gesit om by die Morawiese Sen-
dinggenootskap naby Caledon aan te sluit. Sy taak was om die
handelstoor te bestuur. Hy het in 1904 ‘n eie sakeonderneming in
Kaapstad begin, wat hy later na Saron tussen Gouda en Porterville in
die Wes-Kaap verskuif het.
Hy het opgemerk dat plaaslike produsente sukkel omdat hulle nie
die regte toerusting gehad het nie en het besef dat Europese land-
boutoerusting heelwat kon bydra om die probleem op te los. Hy
het toe toerusting vanuit Europa begin invoer, insluitend bekende
handelsname soos KSB-pompe, Lanz en John Deere.
Sy vyf seuns het by die onderneming aangesluit en heelwat
baanbrekerstegnologie het deur produkte wat ingevoer is of plaas-
lik self ontwikkel en vervaardig is, op die Suid-Afrikaanse landbou-
mark beland.
Die Agrico handelsmerk is sedert 1950 gebruik. Die taknetwerk
van die besigheid het geleidelik gegroei danksy die aanvraag na sy
produkte. Vandag is die besigheid ‘n huishoudelike naam.
Drie fabrieke vervaardig ‘n verskeidenheid toerusting, wat trekkers,
implemente en ‘n omvattende reeks besproeiingsprodukte insluit.
Die maatskappy hou vas aan tradisionele waardes en kombineer dit
met nuwe, innoverende sakebeginsels en vervaardigingspraktyke
om kompeterend te wees en voortdurend nuwe oplossings vir klante
te bied. Die bestuurstyl is konserwatief. Agrico stel goeie diens
voorop en produsente se belange kom eerste. Die maatskappy se
bestaansreg is om klante te help om hulle besighede meer ekono-
mies en kompeterend te bedryf.
1: ‘n Agrico spilpunt.
2: ‘n Een toring hopper.
3: ‘n KSB-pompstelsel en Azud-filterbank.
4: ‘n Shakti-dompelpomp.
5: ‘n Agrico 4+250 trekker en skeurploeg.
FOKUS
Werktuie en toerusting
Spesiale
ALFRED ANDRAG,
bedryfs- en bemarkingsdirekteur: Agrico
1
4
5
2
3