43 / 116
Produk-inligting
Riepie-riepie-raai jy,
of meet jy om te weet?
K
ommersiële verbouing van voedsel is die enigste manier
om armoede en hongersnood af te weer. Daarteenoor, is
bestaansboerdery ‘n vangnet vir armoede en hongersnood
waaruit daar geen ontsnapping is nie. Ten einde
volhoubaar kommersieel te boer, moet noodwendig van werktuie
gebruik gemaak word wat produksieprosesse korrek, akkuraat en
doeltreffend kan verrig. In kommersiële landbou is doeltreffendheid,
spoed en tydigheid van uiterste belang. Rula-Agri het mnr Frans
Hugo, ‘n landbou-ingenieur, genader vir sy siening oor die filosofie
en wetenskap van moderne werktuie.
Grondbewerkingswerktuie
Grondbewerkingswerktuie se funksie is ten nouste gekoppel aan
die filosofie van: “Wat is nodig om aan grond te doen om produksie
te bevorder?” Dit wil sê: Moet grond diep of vlak bewerk word of
hoegenaamd bewerk word? Die wetenskap van fauna en flora, bokant
en veral onder die grond, asook fisiese en chemiese eienskappe van
die grond, bepaal wat is werklik nodig. Die werktuig moet daardie
taak vinnig, korrek en kostedoeltreffend verrig. Vervaardigers van
werktuie moet toerusting verskaf wat in pas is met die behoeftes en
vereistes van produsente, wat weer afhang van die standpunt van
die produsent oor grondbewerking en dit verskil verder ook tussen
die distrikte en klimaatstreke waar geproduseer word.
Oesbeskermingswerktuie
Oesbeskermingswerktuie soos spuitapparate se funksie is om
onkruide en plae te bestry, maar die spuitstowwe wat gebruik
word, moet gedurig aangepas word om weerstandbiedendheid te
oorkom. Die spuitapparaat moet elke soort formulering kan hanteer.
Die doeltreffendheid en die invloed van ‘n spuitapparaat op die
omgewing en die affektering van plante buite die teikengebied
bepaal watter wetenskap gebruik word in die spuit se ontwerp, wat
kan wissel tussen groot toedienings met groot druppels aan die
een kant en ultra-lae volume toediening met beheerde druppel-
groottes aan die ander kant.
Rula-Agri se benadering en visie
Kunsmistoediening en saadplasingsmetodes is jare lank al ‘n on-
derwerp van bespreking. Wat is die mees effektiewe manier om
bewerking te benader? Hoe wetenskaplik en analities word alle
hulpbronne en omgewingsfaktore in die produsent se produk-
siemetodes in ag geneem? Is die huidige bewerkingsprosesse
gelykmatig ingedeel om binne tyd en met beskikbare kW’s al die
aksies in te pas vir optimale produklewering? Is die implemente
optimaal saamgestel en ontwerp om so ver moontlik alles in een
proses te bewerk, soos saad, bemesting en gif. Riepie-riepie-raai jy
of meet jy om te weet?
Rula-Agri benader die vervaardiging van ons implemente streng
wetenskaplik en analities. Ons meet om te weet. Ons uitgangspunt
is om minimale bewerkingsmetodes in balans te bring met be-
proefde praktyke vir elke tipe distrik en land. Dié doelwit kan bereik
word in samewerking met agronomie, grondkunde en bemestings-
produkte. Ons neig om koste-effektief te bewerk om te bewaar.
Sleepweerstande word bepaal in elke grondtipe en vir elke im-
plement. Optimale raamstrukture word ontwikkel deur eindige
element-analises en materiaalvloeitegnieke word bevestig deur
diskrete element-modellering. Meganiese, hidrouliese en elektro-
niese ingenieursdissiplines word saamgevoeg om die pasmaak
implemente te produseer.
Volgende neem ons die produsent se unieke omstandighede in ag,
soos die oppervlakte wat bewerk moet word, die grootte kW trekkers
beskikbaar en die tipiese produksiemetodes. Die omvattende diens
kan ‘n produsent slegs op die pad sit van ekonomiese vooruitgang.
Rula-Agri het dr Gawie du Toit (grondkundige-konsultant) oor die
Rula-Agri Seedmax-planter uitgevra. Ons leef tans in ‘n wêreld
waar wetenskaplike en tegnologiese ontwikkeling byna geen perke
ken nie. Wat die landbou betref, het tegnologie beslis ook nie agter
gebly nie.
In dié verband moet spesiale klem geplaas word op ‘n revolusionêre
deurbraak van ‘n planter wat alle “grense” oorgesteek het en enig
van sy soort is – nie net in Suid-Afrika nie, maar in geheel die wêreld.
Hierdie werktuig is “uit die bodem van ons land tot die bodem van
ons land.” Inderdaad is die ontwerp (dinkkrag) en vervaardiging,
volbloed Suid-Afrikaans. Die hele konsep is nietemin sy tyd “ligjare
vooruit”. Sou daar van “presisie” gepraat wil word, kan hier kennis
geneem word van presiese toediening van misstof (tot die naaste
kilogram) en presiese stand toediening (wat varieer kan word)
volgens grondvariasie veral as gevolg van waterhouvermoë van die
grond. Satelliettegnologie en toepassing word tot sy uiterste toe
ingespan en gebruik. Hierdie werktuig is sonder twyfel enig van sy
soort op die universele landboutoneel.
Met Niel Armstrong se woorde: “Een klein tree vir ontwerp van ‘n
Rula-planter, maar een groot sprong vir mielieproduksie (asook
sojabone en sonneblom) in Suid-Afrika.”
41
Augustus 2016
FOKUS
Werktuie en toerusting
Spesiale
ROELF ODENDAAL,
uitvoerende direketeur: Rula-Agri
Figuur 1: Eindige element-analises van ‘n planterraam.
Figuur 2: Diskrete element-modellering van ‘n kunsmistoediener.