14 / 116
TERUGBLIK
NAMPO 2016
Spesiale
Augustus 2016
12
Dié tweeling-broers, Ronald en Bernard Goldberg (oorspronklik van
Viljoenskroon), is van die begin van die Oesdag op NAMPO Park as
vrywillige werkers by die geleentheid betrokke. Bernard was destyds
in beheer van die terrein en sy broer, Ronald, het in 1994 nadat hy na
Amerika verhuis het, by hom oorgeneem. Ronald was nog tot 2011 by
die Oesdag betrokke. Hulle stal ook elke jaar houtmeubels by die
Oesdag uit en Bernard kom dan spesiaal van Amerika af om te kom
hand bysit by die stalletjie.
Nasie in Gesprek
is weer vanjaar by die Oesdag aangebied en aktuele
kwessies in die landbousektor is bespreek. By die gesprek
Policy mat-
ters
was Theo Vorster (gesprekleier) saam met van die paneellede:
Jannie de Villiers, dr John Purchase (hoofuitvoerende beampte: Agbiz),
Francois Strydom (besturende direkteur: Senwes), TP Nchocho
(uitvoerende hoofbestuurder: Land Bank) en Hamish McBain
(afgetrede uitvoerende direkteur: Tiger Brands).
Gerhard Diedericks (hoof: Santam Landbou), links, en Quinten Matthew
(uitvoerende hoof: Spesialiteitsbesigheid, Santam), tweede van regs,
het die prag skildery as verjaarsdaggeskenk aan die NAMPO Oesdag
(waarvan die 50ste een vanjaar gehou is) gegee. Jannie de Villiers en
Andries Theron het die geskenk in ontvangs geneem.
Cobus van Coller (voorsitter: NAMPO Oesdagkomitee) het seker
gemaak hy knyp ‘n tydjie af om NAMPO saam met sy seun, Janico,
te geniet. NAMPO is natuurlik die ideale geleentheid vir ‘n pa om dié
vertoonvenster van Suid-Afrikaanse landbou aan sy seun te wys.
Met ‘n dankbare hart ontvang Francois Strydom ‘n tjek van R1 miljoen
van Mike Stead (bestuurder: Kommersiële brandstof, Engen) vir die
Droogterampfonds. Senwes het hierdie skenking weer aan
Johannes Möller (regs) van Agri SA oorhandig om ‘n positiewe
verskil aan produsente in die droogtegeteisterde gebiede se
omstandighede te maak.
Tydens ‘n funksie wat Absa AgriBesigheid vir hul kliënte die Woensdag-
aand gehou het, het Ernst Janovsky, Wessel Lemmer (albei van Absa
AgriBesigheid) en Johan van den Berg (Santam Landbou) onder andere
gesels oor die breë ekonomie (en spesifiek die Absa Agri Outlook),
markte vir graangewasse en klimaatsverandering en -veranderlikheid.
Fotobeeld van die NAMPO Oesdag