SA Graan Augustus 2015

67 / 116

2015/IMAIZE/A/05A
® Geregistreerde handelsmerke van PANNAR BPK, © 2014 PANNAR BPK
Saam boer ons
vir die toekoms™
Kies PANNAR se besproeiingsbasters vir buitengewone
resultate. Ons bied ook ’n verskeidenheid praktiese
boerderyoplossings en koste-effektiewe bestuur-
praktyke. Ons YIELDBOOST™ swam- en
insekdoderspuitprogramme bied byvoorbeeld ’n
omvattende koste-effektiewe risikobestuurspakket
om die beste moontlike winspotensiaal vir jou
onderneming te bied.
Boere wat die
beste verwag,
kies die beste.
ULTRAMODERNE
NAVORSINGEN
ONTWIKKELINGSTEGNOLOGIE
GEWASVOORSORG PRESISIE-
BEPLANNING
GEWASBESKERMINGS-
BESTUURSPRAKTYKE
65
Produksiekoste vir sojabone
Aannames wat met die opstel van die sojaboonbegroting gemaak
is, is dat 50% van die saad deur produsente teruggehou is, terwyl
die ander 50% gesertifiseerde saad is. Die begroting sluit ook ‘n
koste vir N, P en K in.
‘n Mei 2016 Safex-sojaboonprys van R4 900/ton is gebruik, wat ‘n
prys van ongeveer R4 841/ton in die produsent se sak beteken ná
inagneming van hanteringskoste. Sou die begrote insetkoste (ver-
anderlike + vaste koste) realiseer, is dit vir ‘n produsent moontlik
om gelyk te kan breek indien hy ‘n opbrengs van 1,50 ton/ha stroop.
Oostelike produserende streek
In Tabel 2 word die produksiekoste van GM-mielies (RR) en sojabone
in die oostelike streek vir die komende seisoen geïllustreer.
Produksiekoste van droëland
– GM-mielies (RR)
In die eerste kolom van Tabel 2 word die begrote produksiekoste
van GM-mielies (RR) vir die 2015/2016-produksieseisoen vir die oos-
telike streke uiteengesit.
‘n Julie 2016 Safex-graanprys van R2 450/ton is weer eens gebruik.
In die tabel word die produksiekoste van ‘n 5 ton/ha- en 7 ton/ha-
opbrengsmikpunt ten toon gestel. Indien dié Safex-prys teen die
beraamde begrote insetkoste (veranderlike + vaste koste) realiseer,
moet ‘n produsent vir daardie omgewing vir ‘n RR-mielie ongeveer
5 ton/ha stroop om gelyk te breek.
Produksiekoste vir sojabone
Die tweede kolom van Tabel 2 illustreer die uiteensetting van inset-
koste vir die verbouing van sojabone. Die aannames wat met die
opstel van die sojaboonbegroting gemaak is, is dieselfde as vir die
westelike dele van die land (50% gesertifiseerde saadaankope en
kunsmistoedienings).
‘n Mei 2016 Safex-sojaboonprys van R4 900/ton is gebruik en aan-
gesien sojabone geen vervoerdifferensiaalkoste het nie, kan ‘n
moontlike prys van R4 841/ton in die produsent se sak realiseer na-
dat hanteringskoste en bemarkingskommissie afgetrek is.
Gegewe die insetkoste (vaste + veranderlike koste), soos wat in
Tabel 2 aangetoon is en die gemelde Safex-prys, kan ‘n opbrengs
van tussen 1,5 ton/ha - 1,8 ton/ha in die oostelike streek behaal
word om gelyk te breek.
Sentrale produserende streek
Tabel 3 toon begrote produksiekoste vir mielies, sonneblom en
sojabone vir die sentrale dele van die land aan.
Slotsom
Daar is baie wat in die mark kan gebeur, maar die belangrikste punt
bly egter dat elke produsent die verantwoordelikheid moet neem
om sy eie persoonlike somme te maak. Stel vas teen watter prys
jou graan verkoop kan word sodat al jou koste gedek word en jy ‘n
wins genereer.
Dit is dus belangrik om jou gelykbreekprys (R/ton) vas te stel om
jou totale koste te kan dek.
Produsente en ander rolspelers kan die basiese produksiekoste
op die Graan SA-webtuiste besigtig, terwyl die model gratis aan
alle opbetaalde Graan SA-lede beskikbaar is. Stuur ‘n e-pos aan
tesame met jou Graan SA-lidnommer om die
model vir jou omgewing te ontvang.