57 / 116
FOKUS
Werktuie en toerusting
Spesiale
Produk-inligting
DERICK VAN DER WALT,
namens Valley Irrigation
Valley se puik diens speel
groot rol in afgeleë gebied
M
nr Conrad Coetzee, wat saam
met sy pa in die Prieska/
Niekerkshoop-area boer, kan
nie uitgepraat raak oor Valley
Irrigation se uitstekende spilpunte nie. As
dit boonop by naverkopediens kom, kan
min insetverskaffers by Valley kers vashou,
meen Coetzee.
Dié boerdery verbou hoofsaaklik mielies
en koring, maar lusern, suikerbone en uie-
saad word ook in rotasie aangeplant. Daar is
ook soms ‘n aartappel-komponent en dit is
voorts een van die min boerderye in die land
wat met pistachio’s boer.
“Ons het in 1993 op die plaas De Hoek be-
gin boer. Daar was reeds Valley-spilpunte
op die plaas. Omdat Prieska so afgeleë is,
is diens uiters belangrik. Valley se diens is
nog al die jare die beste in ons area. Ná ‘n
paar jaar het ons ‘n deel van die buur-
plaas, Spitzkop, gekoop wat ook net Valley-
spilpunte gehad het. Daar is vandag nog ‘n
4271 Valley-model wat in die tagtigerjare
opgerig is. Dit het reeds 68 000 uur gewerk,”
sê Coetzee.
Hy het self in die besproeiingsbedryf
gewerk voor hy begin boer het. “Ek het
daagliks met al die spilpunte op die mark
te doen gekry. Ek is baie bly my pa het
Valley gekies, aangesien dit my keuse ook
is. Ons is baie gelukkig met Valley se pro-
dukte. Dit is ‘n uitstekende spilpunt met die
beste spuite,” sê Coetzee.
Hy meen ‘n verdere voordeel is dat die be-
heerpanele waarmee die spilpunte bestuur
word, uit goeie tegnologie bestaan. “Valley
se nuwe Pro2-beheerpanele kan ‘n spilpunt
tot in die fynste detail beheer. Die spilpunte
is uiters betroubaar en robuus. ‘n Mens
moet net die verlangde instandhouding
doen. Valley se spilpunte is baie innoverend
en die firma is ‘n pionier as dit by nuwe teg-
nologie kom,” meen Coetzee.
Hy is ook vol lof vir Valley se naverkopediens.
“In Prieska is diens ‘n uiters belangrike fak-
tor as ons oor die aankoop van nuwe toerus-
ting besluit. Cobus en Bennie van Valley
is albei baie besig, maar nooit te besig
om jou binne ‘n oogwink te help nie. Met
die besproeiingswinkel wat op Douglas
oopgemaak het, is dit uiters seldsaam om
nie binne 24 uur onderdele in die hande
te kry nie.” ‘n Kopseer vir die boerdery tans
is beurtkrag. “Beurtkrag kan uiters skadelik
vir ‘n besproeiingsboerdery wees omdat
ons só van spilpunte afhanklik is. ‘n 50 ha-
spilpunt loop tien uur in die rondte wan-
neer ons kunsmis gee. As die krag afgaan
wanneer ons kunsmis toedien, is dit baie
moeilik om nie kunsmisstrepe in die land
te kry nie. Natuurlik moet ons dan ook baie
langer ure werk om binne ‘n dag kunsmis
toe te dien. As Eskom net ‘n week se beurt-
kragbeplanning vooruit kan bekendmaak,
sal ons die skedulering en kunsmisprogram
1: Uiesaad onder besproeiing met byekaste wat uitgesit is vir die bye om dit te bestuif.
2: Suikerbone onder besproeiing wat besig is om in blom te gaan.
1
2
rondom dié tye skeduleer, maar met beurt-
krag wat daagliks aangekondig word en
selfs dan nog verander word, is dit uiters
moeilik om te besproei.”
Coetzee glo dat hernubare energie in die
toekoms die enigste opsie gaan wees vir ‘n
winsgewende boerdery. “Elektrisiteitskoste
beslaan ‘n groot persentasie van ons in-
sette. Omdat Eskom so onbetroubaar is en
elke jaar sy tariewe aanpas, is hernubare
energie onvermydelik.”
55
August 2015