74 / 92
April 2015
72
Veranderinge in die gradering van
sojabone vir die 2015/2016-seisoen
D
ispensasie is deur die Departement van Landbou, Bosbou
en Visserye verskaf vir die gebruik van die 1,8 mm
gleufsif in kombinasie met die 4,75 mm rondegatsif vir
die gradering van sojabone in die 2015/2016-seisoen.
Die gradering van fyn materiaal, soos sand en fyngebreekte soja-
bone verskaf aan die gradeerder groot probleme. Dus het die be-
dryf wetenskaplike ondersoeke uitgevoer om die probleme op te
los en meer akkurate gradering te verseker. Uit die ondersoek het
dit duidelik geword dat ‘n kombinasie van siwwe die oplossing bied.
‘n Gleufsif in kombinasie met ‘n 4,75 mm rondegatsif (die sojaboon-
sif) sal die probleme oplos. Uit die ondersoek was dit duidelik dat
‘n 2,2 mm of veral 2,5 mm gleufsif die aangewese oplossing is. Die
siwwe is egter nie direk beskikbaar nie, aangesien dit meer as drie
maande sal neem om hoëkwaliteit siwwe te vervaardig.
Vir die 2015/2016-seisoen is daar besluit om die 1,8 mm gleufsif
te gebruik aangesien hierdie siwwe meer algemeen beskikbaar is
en vir die gradering van koring, sonneblomsaad en graansorghum
gebruik word. Die moderne siwwe is so vervaardig dat die siwwe
op mekaar pas en saam gebruik kan word.
Die verandering in die gradering van sojabone kan soos volg op-
gesom word:
Die 4,75 mm rondegatsif (boonste sif) word in kombinasie met
die 1,8 mm gleufsif (onderste sif) gebruik vir die bepaling van
vreemde voorwerpe.
Al die materiaal wat deur beide siwwe gaan, word deel van
vreemde voorwerpe. Alle voorwerpe wat nie deur die 1,8 mm
gleufsif gaan nie en wat anders is as sojabone, glas, steenkool,
mis, sclerotinia of metaal en los saadhuide asook sojaboon-
peule is deel van vreemde voorwerpe (soos in die verlede).
OP PLAASVLAK
Dispensasie / Gradering / Sojabone
Gradering
DR SIERK YBEMA,
besturende direkteur, Sierk Ybema Graandienste
Verkry ‘n verteenwoordigende
monster van ten minste 10 kg
Bepaal die voginhoud
Bepaal die klas en graad volgens die graderingsresultate wat verkry is
Verkry ‘n monster van minstens 200 g en sif die monster met
‘n 4,75 mm rondegatsif en ‘n 1,8 mm gleufsif in kombinasie
Verkry ‘n monster van minstens 100 g wat vry is van
ander graan, sonneblomsade, klippies, sclerotinia en
vreemde voorwerpe bo die 4,75 mm rondegatsif
Verdeel
Bepaal:
Ongewenste reuke
Skadelike stowwe
Giftige sade
Glas
Metaal
Steenkool
Mis
Insekte
Nat peule
Bepaal:
Vreemde voorwerpe
Ander graan
Sonneblomsaad
Klippies
Sclerotinia
Sojabone wat deur die
4,75 mm sif gaan en bo
die 1,8 mm sif bly
Bepaal:
Gebrekkige sojabone
Vuilgesmeerde sojabone
Figuur 1: Gradering van sojabone (2015/2016).