71 / 92
op mielies van nader bekyk
D
ie huidige seisoen word gekenmerk deur wydverspreide
droogtestremming in die mielieproduksiegebied. Die in-
vloed van stremming op die uiteindelike oes, loop nou
saam met die vogbehoeftes tydens die verskillende groei-
stadiums.
Die vogbehoefte bereik ‘n maksimumvlak tydens bestuiwing en
neem daarna weer af tot by rypwording. Indien verwelktoestande
vir tien tot twaalf dae gedurende die bestuiwingsperiode voorkom,
kan dit op ‘n totale oesverlies uitloop.
Mielieplante produseer beide manlike (stuifmeel) as vroulike (baard
en kop) blomdele op dieselfde plant. Die mielieplant se blom is
baie uniek in vergelyking met ander plante se blomme weens die
feit dat die blomdele ‘n redelike afstand van mekaar af geleë is.
Droogtestremming gaan meestal gepaard met hoë temperature
en dit is gewoonlik die mees bepalende faktor by die uiteindelike
opbrengs wat verkry word by mielies, veral as die stremming met
die bestuiwingsperiode (
Figuur 1a
en
Figuur 1b
) saamval.
Droogte- en of hittestremming gedurende enige ander stadium in
die mielieplant se lewensiklus het nie so ‘n groot effek as wat dit het
tydens die bestuiwingsperiode nie. Die bestuiwings- en gevolglike
bevrugtingsperiode word as die sensitiefste periode in die lewen-
siklus van mielies beskou. Stremming gedurende hierdie stadium
het gewoonlik een of ander direkte invloed
op die voortplantingsmeganisme van die
mielieplant. Optimale weerstoestande ty-
dens die baard en stuifmeelstadium word
as die basis van ‘n suksesvolle oes beskou.
Opbrengsvaslegging
Die potensiële kopgrootte (aantal rye)
word tydens die ware twaalfblaar-stadium
(borshoogte) vasgelê en die aantal pitte
per ry word vanaf die twaalfblaar-stadium
tot ongeveer ‘n week voordat die baard te
voorskyn kom, bepaal.
Droogtestremming
Die sensitiefste periode vir droogte kom
sowat twee weke voor bestuiwing tot
twee weke ná bestuiwing voor. Waar
sigbare verwelking vir die twee weke
voor bestuiwing voorkom, kan opbrengs-
verliese van 3% tot 4% per dag beloop.
Sigbare verwelking gedurende bestuiwing
kan verliese van 8% tot 10% per dag be-
teken, terwyl sigbare verwelking geduren-
de die twee weke ná bestuiwing, verliese
van tot 6% per dag kan meebring. Indien
verwelktoestande vir tien tot twaalf dae
gedurende die bestuiwingsperiode voor-
kom, kan dit op ‘n totale oesverlies uitloop.
Erge droogtestremming se effek word ge-
woonlik in die stadige tempo van baard-
verlenging gemanifesteer. Baard het die
hoogste waterinhoud van enige plantweef-
sel in die mielieplant. Baardverlenging be-
gin gewoonlik sowat sewe dae voor
bestuiwing. Hou egter in gedagte dat
baardverlenging eintlik net kan plaasvind
indien
die
turgordruk/waterpotensiaal
in die plant na wense is. Indien die plant
verwelkingsimptome toon, is die baard
ook verwelk omdat dit met al die ander
plantweefsel vir vog meeding.
69
April 2015
OP PLAASVLAK
Bestuurspraktyke
Droogtestremming / Mielieproduksiegebied / Groeistadiums
PIETER RADEMEYER,
produkbestuurder, Pannar Saad
Figuur 1a en 1b: Opbrengsverliese as gevolg van vogstremming.