41 / 92
39
April 2015
op aanvraag beskikbaar. Verdroogde mieliekuilvoer kan ook met
sukses in voerkraalrantsoene gebruik word of vir beperkte byvoe-
ding om vleisbeeste mee te oorwinter.
Mieliekuilvoer se energiewaarde en veral droogtekuilvoer is te
laag om beeste mee af te rond en daarom moet energie in ‘n voer-
kraalrantsoen bygevoeg word. Melassemeel is ‘n goedkoop bron
van energie en dit kan tot 12% van die mieliemeel in ‘n voerkraal-
rantsoen vervang.
Skape kan ook kuilvoer benut, maar as gevolg van selektiewe
vreetgewoontes, is die inname soms nie voldoende nie. Sodra die
kuilvoer bietjie uitdroog in die krip, weier skape om dit te vreet.
Skape moet ten minste twee tot drie keer per dag vars kuilvoer kry
om ‘n goeie inname te verseker.
Stoekmielies
Die kwaliteit van stoekmielies is goed, maar hoë arbeids- en maal-
koste veroorsaak dat dit min in die praktyk gedoen word.
Sny, hark en baal
As gevolg van hoë koste, is dit sekerlik die laaste benuttingsmeto-
de om te oorweeg. Baie faktore bepaal koste, maar ‘n riglynkoste
vir sny, hark en baal met ‘n rondebaler is ongeveer R701/ha en on-
geveer 22 liter diesel per hektaar sal benodig word.
Die kwaliteit van gebaalde mieliereste is hoogstens vir onderhoud,
en om beter benutting te kry, moet dit gemaal en met ‘n produk
soos Voermol LS 33 (V2678) behandel word. Meng LS 33 in gelyke
dele met water en meng 1 liter van die mengsel met 10 kg ruvoer.
LS 33 verhoog die smaaklikheid en kwaliteit van enige swak gehal-
te ruvoer.
‘n Laaste opmerking is dat die herstelvermoë van mielies in baie
gevalle onderskat word. Veral jonger mielies kan verbasend herstel
mits dit nog reën. Die hoë mielieprys maak dit die moeite werd om
selfs by ‘n lae opbrengs te stroop.
Deur net die graan te verwyder, is daar nog baie plantreste om vee
mee te oorwinter. Mielieresteweiding se energiewaarde is hoog,
maar die proteïenwaarde is marginaal tot laag vir produserende
diere, soos lammerooie; koeie met kalwers; en jong, groeiende diere.
Lekaanvulling is belangrik en ‘n lek soos Voermol se Landelek is
spesiaal ontwikkel om voedingstekorte op oesresteweidings vir
hierdie tipe diere aan te vul. Maak net seker dat die risiko van brand
tot die minimum beperk word.
Kontak ‘n landboukundige in jou gebied om behulpsaam te wees
met die beplanning hiervan of vir Hendrik van Pletzen by 083 456
3636 of Pietman Botha by 082 759 2991.
1: Koos Snyman van Aliwal-Noord wys hoe
skape weimielies benut. Al die graan word
uiteindelik benut.
2: Voermol Landelek bevat die nodige
buffers, goeie gehalte proteïen en spoor-
minerale om verdroogde mielies en reste
optimaal te benut.
1
2