NAMPO 2019

98 / 140

P
2019
96
Graan|Grain
AKTUEEL
Van die inskrywings tydens verlede jaar
se NAMPO Oesdag.
Landbou Boereplanne – dit is hoe die voor­
malige Boerepatente-kompetisie voortaan
bekend staan.
Landbouweekblad is van vanjaar af
ook ’n vennoot in die kompetisie wat reeds
vir meer as 30 jaar ’n vaste instelling by die
NAMPO Oesdag is. Mnr Chris Schoonwinkel (dag­
bestuurslid van Graan SA) wat Graan SA al vir meer
as ’n dekade by dié kompetisie verteenwoordig, sê
dat Landbouweekblad se betrokkenheid na ver­
wagting tot meer inskrywings sal bydra.
Saam met die nuwe mediavennoot en die
nuwe naam, het die afdelings waarin deelgeneem
word, ook verander. Deelnemers kan in enige van
dié afdelings deelneem:
Afdeling A: Nuut – masjinerie, implemente en
landboutoerusting (rekenaarprogrammatuur,
slimfoontoepassings en enige ander tegnologie
ingesluit).
Afdeling B: Gemodifiseerd – masjinerie, imple­
mente en landboutoerusting (rekenaarprogram­
matuur, slimfoontoepassings en enige ander
tegnologie ingesluit).
Afdeling C: Gereedskap – alle gereedskap (elektries of nie-elek­
tries).
Afdeling D: Huis en tuin – planne wat in en om die huis, asook in
die kombuis aangewend kan word.
Afdeling E: Ope – enige item wat nie in die ander afdelings inpas
nie, met ’n vervaardigingskoste van minder as R5 000.
Oorsprong van die kompetisie
Chris vertel dat die kompetisie sy oorsprong gehad het by kuns­
misverteenwoordigers wat op plase gekom en gesien het watter
vindingryke planne produsente gemaak het om hul boerderye glad
te laat verloop – hetsy ’n nuwe ontwerp of ’n aanpassing aan ’n
bestaande landbou-implement.
“Daar is gevoel dat ander hierby kon baat vind en dat die idees
gedeel moes word. Só het die kompetisie ontstaan.”
Omnia Nutrilogie® borg die kompetisie en prysgeld al vir meer
as 30 jaar.
Deelnemers is self vir die vervoer van hul inskrywings na Bothaville
verantwoordelik, tensy anders met Omnia Nutrilogie ooreengekom.
Die planne word by NAMPO Oesdag – Standplaas 2B, langs Omnia
– uitgestal en word op die eerste dag (14 Mei) beoordeel. Die beoorde­
laars sal veral oplet na doelmatigheid, netheid en die doeltreffende
werking van die plan.
Die prysuitdeling is op Donderdag (16 Mei). Indien wenners nie
teenwoordig is nie, sal die prysgeld verbeur word.
Die kompetisie het mense oor die jare aangemoedig om skep­
pend te dink. Chris sê dat daar ’n handvol deelnemers is, onder
hulle twee oudonderwysers, wat jaar na jaar deelneem en met blink
planne vorendag kom. Een van die gereelde deelnemers het sowat
twee jaar gelede die gedeeltelike gebruik van sy hand verloor, maar
hy kom desnieteenstaande steeds met puik ontwerpe te voorskyn.
NAMPO Kaap
Die Boereplanne-kompetisie gaan vanjaar ook vir die eerste keer by
NAMPO Kaap wees. Chris vertel dat hy verlede jaar een aand na ’n
dag by NAMPO Kaap in ’n ry gestaan het om kos te koop. Iemand
anders in die ry het met hom begin gesels en gou het die gesprek om
NAMPO Kaap gedraai. Die man het toe vertel hoe teleurgesteld hy
was omdat die boerplanne nie daar was nie.
Chris het nie gras onder sy voete laat groei nie en die organi­
seerders oorreed om hierdie kompetisie ook in die Kaap aan te bied.
“Alles sal dieselfde wees – kategorieë, beoordelingskriteria en borge
– slegs die beoordelaars sal verskil.”
SA Graan/Grain redaksiespan
Belangstellendes kan Chris Schoonwinkel by
082 492 7308 of
of Wim Venter (Oesdagbeampte) by
086 004 7246 of kontak.
Nuwe baadjie
vir boereplanne