103 / 140
101
www.nampo.co.zaGraan|Grain
AKTUEEL
G
een Oesdagganger hoef verby ’n lafenis vir die dors,
kosstalletjies of ’n winskoop te stap weens ’n gebrek
aan kontant nie. Nedbank, Standard Bank, Absa en
FNB sal vanjaar weer eens sorg dat daar kitsbanke
op verskeie plekke op NAMPO Park beskikbaar is.
As gesinslede dus elk sy eie koers wil kies, kan daar
maklik kontant in elkeen se hand gestop word.
Vir diegene wat egter bietjie meer oor hulle geldsake kopkrap
en graag banksake wil gesels, sal daar verteenwoordigers van al
vier banke op die terrein teenwoordig wees. Kliënte sal met raad en
daad bedien word oor die jongste finansiële dienste en produkte op
die mark.
Indien jy dus die aankoop van daardie groot kruipbandtrekker
oorweeg, kan jy die finansiële sin daarvan daar en dan met jou bank
opneem. Die finansiering kan ook dadelik aangespreek word.
Nedbank stal in die Roodebank Saadkompleks uit, terwyl Standard
Bank op standplaas A32 is. Absa kan besoek word by standplaas B40
en FNB is op standplaas B43.
M
et die bekendheid wat NAMPO as die grootste
landbouskou in die Suidelike Halfrond verwerf
het, is internasionale uitstallers gretig om aan dié
prestigeskou deel te neem. Van die hoofredes is dat
daar in dié proses goeie besigheid gedoen word
en dat daar geen twyfel bestaan nie oor die hoë
standaard wat die Oesdagorganiseerders handhaaf.
Internasionale uitstallers word ’n gulde geleentheid gebied om
vanaf een afsetgebied hulle produkte en dienste nie net aan Suid-
Afrikaanse besoekers by die Oesdag te bemark nie, maar ook aan
internasionale besoekers van ander lande regoor die wêreld, inslui
tende die res van Afrika.
Vir ons plaaslike landbouers is daar ook die kans om op eie
bodem kers op te steek oor hoe hulle eweknieë van anderkant die
groot waters landbouprodukte en -dienste in die praktyk aanwend.
Vanjaar sal NAMPO weer ’n eg kosmopolitiese teenwoordigheid
weerspieël met 50 uitstallers vanaf Argentinië, die VSA, Frankryk,
Brasilië, Kanada, Italië, Turkye, Oostenryk, China, Denemarke en die
Verenigde Koninkryk.
Heelwat van die onderskeie lande stal in pawiljoene uit, wat
beteken uitstallers van ’n bepaalde land word saam gegroepeer.
Tydens hierdie jaar se NAMPO Oesdag sal Argentinië, die VSA, Italië,
Frankryk, Kanada en die Verenigde Koninkryk onderskeidelik elk ’n
pawiljoen hê.
Kanada vereer NAMPO weer hierdie jaar met sy teenwoordig
heid na sy afwesigheid verlede jaar – die Kanadese stal slegs elke
tweede tot derde jaar uit.
SA Graan
/
Grain
redaksiespan
SA Graan
/
Grain
redaksiespan
Banke laat hulle
geld
by Oesdag
Van heinde en ver
kom hulle uitstal
Kitsbanke van Absa, FNB, Nedbank en Standard Bank sal op
verskeie plekke op NAMPO Park beskikbaar wees.
Israel was een van die uitstallers by verlede jaar se Oesdag.
P
2019