NAMPO 2019

93 / 140

91 Graan|Grain
AKTUEEL
Veeboerdery word beskryf as die teling van diere vir ple­
sier of vir gebruik. Vir die produsent is ’n sinvolle beleg­
ging in gesonde vee van gehalte verseker ook ’n hawe
van verskansing teen klimaatsrisiko. Miskien is dit daar­
om nie verkeerd dat vee ook “lewende hawe” genoem
word nie.
Die sukses van verskillende veerasse in verskillende streke word
direk bepaal deur onder meer die endemiese siektes en die verskil­
lende klimaatstoestande in elke streek in berekening te bring.
Volgens mnr Wim Venter (administratiewe beampte: NAMPO
Oesdag) word amper al die bekendste beesrasse wat by SA Stam­
boek geregistreer is by die NAMPO Oesdag uitgestal. “Hier word
vanjaar, soos in die afgelope jare, van die beste van Suid-Afrikaanse
telers vertoon.”
Die NAMPO Oesdag laat slegs bees-, skaap, vark-, perde- en
bokrasse toe wat as amptelike rasse by SA Stamboek geregistreer is.
Wat beeste, skape en varke betref, word bykans al die rasse wat op
die amptelike register is deur telersgenootskappe en verteenwoordi­
gers by die Oesdag uitgestal.
Wagyu maak sy buiging
’n Welkome nuwe toevoeging tot die beesrasse is die prominente
teenwoordigheid van die Wagyu-beestelersgenootskap. “Hulle stal
vanjaar die eerste keer uit en sal te sien wees in die veilingskompleks
– wat voortaan as die Wagyu-kompleks bekend sal staan,” sê Wim.
Hy sê die veilingskompleks word nie meer tydens NAMPO ge­
bruik nie, aangesien daar nie meer veilings tydens die Oesdag
aangebied word nie. Dit is nie die regte tyd van die jaar om ’n veiling
aan te bied nie. “Die Wagyu-beestelersgenootskap het aangedui
dat hulle belangstel om die lokaal vir drie jaar te huur om
sodoende hul ras aan die publiek bekend te stel en
bemarking vir die ras en genootskap te doen.”
Die Wagyu is ’n Japanse vleisbeesrasgroep,
wat gekoppel is aan die streek van herkoms
in Japan en vleis met verskillende name
oplewer. Voorbeelde hiervan is
Matsusaka beef, Kobe beef,
Yonezawa beef, Mishima beef,
Ōmi beef en Sanda beef. Volgens
die rasgenootskap is hul doel in
Suid-Afrika om die Suid-Afrikaan­
se beesvleisbedryf te omvorm
na ’n hoogs winsgewende
besigheid wat aan plaaslike
verbruikers se vereistes vir
prima vleis voldoen.
Die welbekende per­
de- en parade-ring
langs die Caltex-
saal is ook in voor­
bereiding vir die
NAMPO Oesdag
2019 afgebreek en
nuut agter die Beeskom­
pleks opgerig.
SA Graan/Grain redaksiespan
Byna al die
veerasse byeen
Daaglikse veeprogram
Beesprogram
08:00 - 17:00 Statiese vertoning van beesrasse in
Yara Animal Nutrition Beeskompleks en
Suiwelkompleks
08:15 - 13:00 Interrasbeoordeling van grootvee: By
vee-arena agter Yara Animal Nutrition
Beeskompleks (slegs Vrydag)
14:00 Beesrasbekendstellingsparade in
vee-arena agter Yara Animal Nutrition
Beeskompleks
Skaapprogram
08:00 - 17:00 Statiese vertoning van skaaprasse in die
BKB Kleinveekompleks
11:00 en
14:00
Statiese vertoning – skaapskeer-, wol-
klas- en hanteringsdemonstrasie by
BKB Kleinveekompleks
Perdeprogram
08:00 - 17:00 Statiese vertoning van opreggeteelde
perde agter BKB Kleinveekompleks
15:00 Perderasbekendstellingsparade in
vee-arena agter Yara Animal
Nutrition Beeskompleks
Jeugskou
10:00 - 12:00
(Dinsdag tot
Donderdag)
Demonstrasies in vee-arena agter
Yara Animal Nutrition Beeskompleks
13:00 - 15:00
(Vrydag)
Demonstrasies in vee-arena agter
Yara Animal Nutrition Beeskompleks >
P
2019