56 / 140
54
www.nampo.co.zaGraan|Grain
produkinligting
S
edert Fendt twee jaar gelede in Suid-Afrika
bekendgestel is, gaan dié trekkers van krag tot
krag – met vlakke van werkverrigting, beheer en
brandstofekonomie waarvan die meeste ander
trekkers maar net kan droom.
Dit word versprei deur BHBW, wat fokus op vier
reekse met kraglewering van 94 kW tot 380 kW. Die hart van
dié trekkers is die deurlopend-wisselende transmissie – ’n
Vario-transmissie by modelle tot 243 kW, en ’n VarioDrive-
transmissie met onafhanklike vierwielaandrywing by die
vlagskip Fendt 1000 Vario-reeks.
Hul brandstofverbruik is plaaslik sonder gelyke, sê mnr
Frans Cronjé van BHBW. “In vergelykende demo’s wat ons
deurentyd doen, is Fendt elke keer eerste, met brandstof-
besparings van vyf tot 17 liter per hektaar, afhangend van
die toepassing en grondtoestande. Dit beteken dat jy die
premie wat jy moontlik daarvoor betaal binne vier jaar of
4 000 uur afbetaal – en intussen kry jy die voordele van
buitengewone trekkertegnologie. Daarby is die hele reeks
baie veelsydig.”
Mnr Pieter Hamman van Vereeniging het vroeër
vanjaar ’n Fendt 1050 Vario van 380 kW aangekoop om
primêre bewerking meer doeltreffend te doen. Hy plant
wortels, aartappels, mielies, koring en soja, en bewerk
650 hektaar onder besproeiing en 800 hektaar op droëland.
Die Fendt trek ’n viermeterwye Horsch-kombinasiewerktuig
en sleep ’n elftandskeurploeg wat tot 650 mm diep in swaar
grond werk.
“Die hele ontwerp van die trekker het my aangetrek,” sê Pieter.
“Alles draai stadiger, wat noodwendig brandstof bespaar en slyta-
sie en diensintervalle verminder. Die transmissie pas die werkspoed
outomaties aan by toestande, en maksimum kraglewering en wring-
krag, sowel as die laagste spesifieke brandstofverbruik, word teen
net meer as 1 400 o.p.m. gehandhaaf. Ek sal nie weer ’n groter trek-
ker sonder ’n deurlopend-wisselende transmissie koop nie.”
Omdat primêre bewerking hoofsaaklik onder spilpunte gedoen
word, is die skerp draaisirkel ’n groot pluspunt. “Met sy onafhanklike
vierwielaandrywing word hy deur draaie getrek en nie gestoot nie,
wat slytasie beperk. ’n Knakker in dié kilowattklas draai te wyd en
slytasie op die onderstel sou ook te veel gewees het.”
Daarby bied Fendt jou alle moontlike tegnologie om bewerking
te vergemaklik. “Wanneer die trekker eers geprogrammeer is, druk jy
basies net ’n knoppie om te begin ry en dan weer te stop.”
Nog ’n nuwe lid van die Fendt-familie is die LFC-groep van
Wesselsbron, wat ’n Fendt 724 Vario van 168 kW aangekoop het om
hul trekkervloot vir plantwerk en kunsmistoediening aan te vul.
Waarde vir geld
“Die Fendt 724 Vario is by uitnemendheid geskik vir plantwerk, met
voldoende olielewering, en het sover baie goeie resultate gelewer,”
sê mnr Lourens van der Linde jr van die LFC-groep. “Iets wat uitstaan,
is die uitsonderlike wyse waarop die Vario-transmissie die verhou
ding tussen lae omwentelinge en kraglewering handhaaf, wat
brandstofverbruik verlaag. Daarby is die trekker maklik om te beheer
en gee ek hom 11 uit 10 vir rygerief.
“Wat afwerking betref, is dit nie net die kajuit wat van gehalte
spreek nie – die meganiese aspekte van die trekker is iets besonders.
Ek het nog nooit so iets teëgekom nie. Jy betaal ’n premie vir die
handelsmerk, maar jy kry waarde vir jou geld.”
BHBW bemark plaaslik vier Fendt-reekse, naamlik die Fendt 1000
Vario (291 kW - 380 kW), die Fendt 900 Vario (199 kW - 243 kW), die Fendt
800 Vario (162 kW - 206 kW) en die Fendt 700 Vario (94 kW - 162 kW).
Anita van Zyl,
namens BHBW Suid-Afrika
Dié trekkers gaan
van
krag tot krag
Pieter Hamman by sy Fendt 1050 Vario.
Godfried Heydenrych (links), uitvoerende hoof van BHBW, wens
Lourens van der Linde verlede jaar geluk met die aankoop van die
LFC-groep se Fendt 724 Vario.
P
2019