NAMPO 2019

55 / 140

53 Graan|Grain
AKTUEEL
P
2019
Wees ’n ingeligte NAMPO Oesdagbesoeker. Dit is
maklik – maak net van Graan SA se netwerk van
ondersteunende radiostasies, webtuistes, TV-dag-
boeke, publikasies en die trefkrag van die NAMPO-
app gebruik.
Om alles seepglad te laat verloop wanneer jy
die pad Vrystaat toe vat vir die Oesdag (wat gelukkig ’n volle vier
dae lank is), is genoeg inligting oor alle aspekte van die jaarlikse
vlagskiptentoonstelling noodsaaklik.
Vanjaar is daar ’n omvattende lys belangrike plekke waar be-
soekers alle noodsaaklike inligting oor hierdie toonvenster van land-
boutegnologie kan kry.
Van die belangrikste info
Die webtuistes en saam met
die NAMPO-app en die deelnemende radiostasies is die vinnig-
ste manier om akkuraat op hoogte bly. Die NAMPO Facebook- en
Twitter-blaaie is ook gekoppel.
Op die webtuiste is volledige inligting oor alle aspekte van
NAMPO Oesdag 2019. Jy kry verblyfkontakte, toegangskoste, ter-
reinkaarte, vervoerinligting en ’n lys van uitstallers en algemene
kontakbesonderhede daar.
Maak seker dat Dinsdag 14 Mei tot Vrydag 17 Mei opsy gesit is
om saam met plaaspersoneel, familie en vriende by NAMPO Park
uit te kom. Knoop dié datum en afsprake by die Oesdag behoorlik
vas in die dagboek of op jou slimfoon.
Onthou daar is vyf toegangshekke: Twee is in die suidelike par-
keerarea en drie in die noordelike parkeerarea, waarvan twee vir be-
soekers is. Parkering by NAMPO is in alle gevalle gratis. Die hekke open
vanaf Dinsdag tot Vrydag om 07:00 en sluit weer om 17:00 elke dag.
Radio bly intyds
Luister deurgaans op radio, op die internetklankstroom of op DSTV
se oudiokanale na RSG, OFM en Pretoria FM. Hulle deel daagliks
inligting oor die program en reëlings vir vanjaar se tentoonstelling.
Tydens NAMPO kan daar in die nabyheid van die park op
99.2 FM na Graan SA Radio geluister word. Die stasie saai direk vanaf
die terrein uit en word reeds vir die sesde jaar moontlik gemaak deur
samewerking tussen Graan SA en OFM. Die fokus is op vars nuus asook
noodsaaklike inligting en gesprekke.
OFM self sal ook daar wees en van die stasie se gunsteling­
omroepers sal regstreeks, volgens oorskakeltye, vanuit hulle ateljee
op die park op die lug wees. Volgens die stasiebestuurder, mnr Nick
Efstathiou, gaan hulle elke dag sekere programme regstreeks uit-
saai. “Vanjaar gaan ons egter vanaf 12:00 tot 13:00 van Dinsdag
tot Vrydag ons normale programme vervang met ’n landboufokus-
spesialiteitsprogram.”
Nick moedig besoekers aan om ook aanlyn by
deur klankstroming na die uitsendings te luister. “Laai gerus ook die
OFM-slimfoon-app af en luister terwyl jy NAMPO geniet.”
Deur hul verbintenis tot vanjaar se Nasie in Gesprek sal
Power FM, RSG se Monitor en Spektrum en Radio 702 waarskyn-
lik ook weer direk van die terrein af werk. Oudergewoonte saai
Pretoria FM deurlopend inligting uit oor wat tydens NAMPO gebeur.
Sou jy nie tydig by die aanlyn- en radio-inligting uitkom nie, kan
jy alles rustig lees in enige een van die talle spesiale NAMPO-bylaes
in jou gunstelinglandboupublikasies.
NAMPO-app
Die unieke NAMPO Oesdag/NAMPO Harvest Day-app laai tjop-
tjop af uit die App Store deur jou Android- of Apple-slimfoon. Tik net
NAMPO in en siedaar. Met die app kry jy onder meer die uitstallers­
lys, elke dag se volledige program, die terreinkaart en kontaknom-
mers vir verblyf. Nuwe inligting word deurlopend bygewerk.
Die NAMPO-app is selfs nog vriendeliker en sal jou ook kan help
as jy miskien op soek is na ’n spesifieke produk of uitstaller.
Om vanjaar te sê dat jy nie geweet het waar om jou seun se guns­
telingtrekker of die lekkerste NAMPO Oesdagbederwe in die dame-
saal vir vroulief aan te skaf nie, sal nie eers ’n halwe waarheid kan wees
nie. Alle inligting is beskikbaar met die druk van ’n knoppie.
SA Graan/Grain redaksiespan
Hou jou ore gespits
en jou oë oop