NAMPO 2019

50 / 140

48
Graan|Grain
2019 is ’n verkiesingsjaar. Die impak van nuwe of
nuut-afgestofde politieke leierskap op die landbou
sal verseker deel wees van die nasie se gesprek by
NAMPO 2019. Gesprekke oor wat produsente te doen
staan, hoeveel vordering daar in die landbou ge-
maak word en hoe leierskap die sektor beïnvloed,
maak dus sin.
Volgens die bestuurder van Nasie in Gesprek, mnr Werner
Scholtz, sal die tema van vanjaar se reeks gespreksonder­
werpe, slegs ’n week na die nasionale en provinsiale verkie­
sing, verseker wyd aandag trek.
Die mediabekendstelling van Nasie in Gesprek vind
plaas op Maandag, 13 Mei om 18:00 in die Senwes Konfe­
rensiesentrum, Klerksdorp. Daar sal ’n paneelbespreking
wees oor handelsooreenkomste. Die fokus is op die gehalte
van Suid-Afrikaanse landbouproduksie; geleenthede vir groei; die
impak van politiek en die bestuur van internasionale verhoudings.
Werner bevestig dat Nasie in Gesprek weer ’n ten volle toe-
geruste hoëdefinisie-ateljee gaan inrig. Sowat 80 gaste per bespre­
king sal in die gehoor kan sit. Elke gesprek word regstreeks gestroom
na die Nasie in Gesprek-slimfoonapp en verskeie aanlynplatforms.
Besoekers op die terrein kan gesprekke regstreeks volg op die groot
skerms by die BBP-area.
Nasie in Gesprek rig ook radio-ateljees in vir regstreekse uitsen­
dings, oorskakelings, onderhoude en potgooie. Onderhoude word
regoor NAMPO Park deur veldverslaggewers gedoen. By die ateljees
sal die redigeerders deurlopend nuusgrepe voorberei vir die media-
kanale.
Almal wat graag as toeskouers in die Nasie in Gesprek-ateljee
wil wees, kan aanlyn by registreer.
Besprekings open sodra die program gepubliseer word. Paneellede
en tye vir media-uitsendings word ook op die webwerf gelys. Hoog­
SA Graan/Grain redaksiespan
Die nasie is opnuut in gesprek
Theo Vorster (aanbieder), Wandile Sihlobo (Agbiz), Francois Strydom
(Senwes), dr Ferdi Meyer (BFAP) en Jannie de Villiers (Graan SA)
tydens een van verlede jaar se besprekings.
P
2019
Vir baie mense is die dreuning van ’n ou trekkerenjin uit
die jare toet ’n klank wat hulde bring aan die groot im-
pak wat boerdery op ons land se geskiedenis gehad
het. Met hierdie jaar se NAMPO Oesdag sal daardie
nostalgiese klanke weer eens die lug vul by die Engen
Museum. Elke dag sal die versameling van ou trekkeren-
jins aangeskakel word om Oesdaggangers te laat hoor hoe daardie
verlede geklink het.
’n Klompie jare gelede het Engen die samewerking van die
Noordwes Trekker-en-veteraanenjinklub verkry en sedertdien word
daar hard gewerk om die versameling uit te bou en behoorlik te struk-
tureer. Vanjaar sal daar ongeveer 40 trekkers, vier vragmotors asook
20 stilstaande enjins uitgestal word – alles in ’n lopende toestand.
Daarbenewens word ’n aantal hooimaak- en ander implemente ook
in die museum gehuisves.
Daar sal ook weer skaalmodelle van ’n stoomlokomotief en
-trekkertjie wees wat deur me Meisie Theron van Bothaville se pa ge-
bou is. Dit word met lugdruk aangedryf en vind groot byval by die
besoekers.
Rubberwieltrekkers
Mnr Johan Gouws, sekretaris van die enjinklub, vertel dat daar tans
daarop gefokus word om die Farmall-reeks rubberwieltrekkers wat
as die letterreeks bekendstaan, so volledig as moontlik bymekaar te
kry. Die eerste modelle is in 1939 vervaardig wat beteken dat die
reeks vanjaar sy 80ste bestaansjaar vier.
“Verder wil ons ook die Ferguson- en Massey Ferguson-reeks
vanaf 1948 tot 1979 bymekaar kry. Hierdie trekkers is baie gewild
aangesien daar nog van die modelle op plase werk. Die oorspronk-
like modelle in die reeks, waarvan ons reeds ’n paar het, trek veral
baie aandag. Dit is ongelukkig so dat al hoe meer landboutoerus­
ting aan skroothandelaars verkoop en na smelterye gestuur word.
Daarna is dit verlore vir die nageslag om te bewonder,” sê Johan.
“Ouer persone wat in die verlede met die toerusting te doene
gehad het, stel veral belang in die museum. Daar is gewoonlik ’n
jonger persoon saam en daar word dan interessante staaltjies uit die
verlede vertel en dat Oupa presies so ’n trekker gehad het. Daar
word dikwels littekens van ’n oupa of ’n pa aan ’n seun gewys waar
hy met sodanige toerusting jare gelede ’n besering opgedoen het.”
SA Graan/Grain redaksiespan
Enjins dreun
by museum