NAMPO 2019

105 / 140

AKTUEEL
103 Graan|Grain
insluit, tot gaste se beskikking gestel. Daar is gastehuise, gastekamers
en woonhuise wat in gastehuise omskep word en ook, soos die af­
gelope vier jaar reeds, die gesogte Tentehotel. Die presiese hoeveel­
heid beddens wat voor en tydens die skou beset word, wissel jaarliks.
Binne ’n radius van sowat 100 km is daar nou ongeveer
870 kamers beskikbaar. Aanvullend hiertoe bied die NAMPO-
kampterrein sowat 40 standplase vir karavane en/of tente. Daar
is ook ’n kampterrein op die rugbyveld van Laerskool Bothaville.
Weens die beperkte aantal gastehuise op Bothaville word
privaat wonings, wat aansoek doen om as verblyfverskaffers
aanvaar te word, deeglik gekeur. Slegs kamers in gegradeerde
huise word dan aan Oesdaggaste verhuur.
Soos altyd word daar ook gebruik gemaak van die Hoër­
skool Bothaville se skoolkoshuis, waar ’n groot aantal kamers
beskikbaar is. Spesiaal vir die Oesdag word van die klaskamers
by Laerskool Bothaville ook volgens behoefte ingerig en uit­
verhuur. In beide gevalle is netjiese en gedeelde badkamers
beskikbaar.
Talle produsente van die omgewing verhuur ook huise op
hul plase. Die huise word spesiaal vir die Oesdag voorberei en
is dikwels deur die loop van jaar onbewoon. Produsente ver­
huur ook reeds vir baie jare kamers in privaat huise van plaasbe-
woners uit aan gaste.
Rek jou bene in landelike gerief
Sou jy die daaglikse verkeer na NAMPO Park wou systap, sal die
goedgevestigde Harambee Tentehotel met sy permanente, gerief­
like en skoon badkamergeriewe die antwoord wees. Dit is nou as
jy betyds spring vir dié gewilde opsie. Die baie netjiese Tentehotel
is langs die Noordhek (Hek 3) geleë, direk langs die uitstalgebied
op die park en dit bied veilige, gerieflike en stapafstandverblyf
aan gaste.
By die Tentehotel kan besoekers in A-raamtente tuisgaan.
Besprekings kan so gedoen word dat aankomstyd reeds so
lank as ’n week voor die skou vir besoekers open, is. Hier kan
gaste kies tussen ’n dubbelbed of twee enkelbeddens. Elke tent
het ’n kragpunt vir selfoonherlaaiing asook ’n bedlampie, wat
gerief verseker. Vars linne, kussings en skoon handdoeke sal jou
rus soveel meer na huis laat voel.
Soos dit ’n behoorlike, stylvolle hotel betaam, word ’n
heerlike buffetontbyt as ’n opsie by die prys ingesluit. Nadat
jou maag môre gesê is, stap jy net eenvoudig die uitstalterrein
binne om die dag, kollegas en besoekers ook te gaan groet.
Gelukkig is die pad terug Tentehotel toe aan die einde van elke
uitstaldag net so kort en sorgloos. Dáár wag dan ’n gerieflike
ontspansitkamer, kroeg en restaurant met geurige aandetes.
Gastehuise bied ’n ware tuiste
Huiseienaars van en rondom Bothaville wat verblyfopsies vir die
NAMPO Oesdag wil aanbied, kan vir Bothaville Info kontak. Hulle
besoek dan die aansoekers se huise, evalueer dit en keur die huise
goed vir verhuring.
Volgens Bothaville Info se graderingstandaarde word
elke gekeurde gastehuis dan van meer luuks na mees basies
gegradeer as een van die volgende:
Goue Mielie
Wit Mielie
Geel Mielie
Groen Mielie
Al dié gastehuise is op Bothaville en in die omliggende area geleë.
Vanjaar is daar sowat 200 gastehuise betrokke. Die gastehuise bied
meestal ’n volledige ontbyt en heerlike aandetes. By sommige is
braaigeriewe ’n opsie. Ete-opsies verskil en voornemende gaste kan
direk by die betrokke gastehuis navraag doen oor hul etebehoeftes.
Sommige privaat wonings voorsien net koffie en beskuit.
Plaasvriendelike gasvryheid wag ook by die Louvre Gaste­
huis Anneks, waar Hettienne von Abo-Moolman besprekings
neem vir spesiaal goedgekeurde kamers by privaat huise,
digby haar gastehuis. Gaste kan dan ook ’n heerlike boere-
ontbyt en lipleklekker aandete by die gastehuis geniet.
Om tydens NAMPO Oesdag 2019 jou heel beste voetjie
voor te sit, vra vir ’n goedversorgde slaapplek, ’n lekker warm
bad of stort en ’n behoorlike maaltyd. Bespreek tydig om jou
span se rusplek te verseker.
Harambee Tentedorp-besprekings word
gedoen by of
. Skakel Celia
by 082 745 9540 of 082 773 5142.
Gastehuisbesprekings deur Bothaville Info kan gedoen
word by of
Skakel Liesl by 056 515 3042 of 056 515 3619
of besoek
Louvre Gastehuis Anneks-besprekings
kan gedoen word by
of skakel 056 515 3549 of 084 083 4000.