NAMPO 2019

110 / 140

P
2019
108
Graan|Grain
Saadproewe
bly gewild
SA Graan/Grain redaksiespan
AKTUEEL
Die midsomer-droogte van 2018 in die noordelike dele
het vanjaar se saadproefaanplantings op die NAMPO
Oesdag-saadplotte verseker geraak. Die hele sei­
soen was laat, teenstrydig met vorige jare, volgens
prof Willem Landman van die Universiteit van Pretoria.
Hy het vroeër gesê dat daar nog nie bepaal is of dit ’n
langtermynverskynsel kan word nie.
Volgens mnr Wim Venter, administratiewe beampte van die
NAMPO Oesdag, kon die saadplotte eers vroeg in Januarie geplant
word toe die eerste somerreëns begin val het. Die hittegolwe het
ook ’n effek op aanplantings
en gewasse gehad.
“Die gewasse lyk tans
goed, alhoewel hulle agter is
weens die laat aanplanting.
Die feit dat dit onder besproei­
ing is, help darem met die
droogte- en hittetoestande,”
sê Wim.
’n Produsent weet dat
’n belegging in goeie saad
baie meer werd is as saad van
twyfelagtige gehalte. Daar
word geglo dat die enigste
ware toets van saadgehalte ’n
ontkiemingstoets is, maar dit
gaan egter oor veel meer as
net ontkieming. Wanneer ont­
kieming, siektebestandheid en plantjies se reaksie op droogte, plant­
voeding en -stimulasie bewys kan word, sal die betrokke saad met
soveel meer gemoedsrus aangeskaf kan word. Dit is hier waar die
waarde van saadplotte met tydig geplante saad en kontrolegroepe
tydens die NAMPO Oesdag lê.
Gemeet aan standplaasbesprekings is daar vanjaar een min­
der saadplot op NAMPO Park bewerk. Wim meen die rede hiervoor
kan die droogtetoestande en hoë temperature wees wat vroeër in
die seisoen ervaar is.
Vir produsente gaan besoeke aan die saadplotte by NAMPO
vanjaar sommer nog makliker word. ’n Paar van die maatskappye
wat voorheen by die ander saadbesighede uitgestal het, se uit­
stallings het na die saadplotte toe verskuif. Sodoende hoef besoekers
hulle nie meer op twee plekke te gaan soek of besoek nie.
Produsente sal hierdie jaar die uitstallings van Agricol,
Capstone Seeds, Braz-Grass en Brasuda op hul saadplotte self kry.
“Dit maak sin, want die saadplotte is basies mos maar ’n uitbreiding
van die uitstaller se produkte en
dienste,” bevestig Wim.
Uitstallers bied vanjaar
weer geleentheid vir geskedu­
leerde en ongeskeduleerde
besoeke aan hul saadplotte.
Uitstallers het volgens Wim vrye
teuels om self te besluit of hulle
enige spesiale dae, inligting­
sessies of demonstrasies by die
saadplotte wil hou.
Net soos wat uitstallers hul
saadplotte en besoeke aan die
proefaanplantings so besoe­
kersvriendelik as moontlik hou,
het die organiseerders dit ook
makliker en geriefliker gemaak
om die saadplotte te besoek.
Volgens Wim het die Oesdagkomitee, net soos op die res van
die terrein, vanjaar probeer om deur ’n nuwe plaveiselpad voor die
saadplotte wateraflope te skep. “Dit is egter moeilik as ons nie ’n val
op die terrein het nie.”
Nog ’n nuutjie by die saadplotte is SANSOR, CropLife SA en Fertasa
wat vanjaar vir die eerste keer by die saadplotte sal uitstal.
By die saadplotte kry besoekers die geleentheid om onder meer
voorbeelde van graan- en voergewasse van nader te bekyk.
VIR KWALITEIT SAAD
EN BESTE DIENS
Met Link Seed se Toppresteerders verbou die boer
sukses. Noukeurige toewyding in die teelproses
verseker ons toegewydheid aan kwaliteit, opbrengs
en stabiliteit in elke kultivar. Beplan nou en bestel on-
middellik om teleurstelling te voorkom.
“Ons onderskryf kwaliteit en diens - jou tevre-
denheid is ons trots!”
Hoofkantoor:
E-pos: •
Lambert Blom
(Mpumalanga / Limpopo)
082 786 6875
Louis Pearson
(Noordwes / Wes-Vrystaat)
079 079 5857
Albert Kriek
(KwaZulu-Natal / Oos-Vrystaat /
Oos Kaap) 082 824 5442