59 / 132
Fokus
Boorvlakke van ongeveer vyf dele per miljoen in die grond is
voldoende vir die meeste gewasse. Die grootste fraksie van B in
gronde word geadsorbeer op organiese materiaal, wat dien as ‘n
poel van boor, wat maklik in die grondoplossing vrygestel kan word.
Verder adsorbeer B silikaatkleideeltjies en metaaloksiede deur
ligand ruilreaksies. Geadsorbeerde B neem toe met toenemende
klei-inhoud en metaaloksied (Al en Fe oksiede)-inhoud van gronde.
Oplossing pH: pH is een van die belangrikste faktore wat die be
skikbaarheid van B in gronde beïnvloed. Lae pH sal adsorpsie van
B aansienlik verlaag en tot hoë loging lei. Optimale B-opname deur
plante vind gewoonlik tussen pH 5 tot pH 7 plaas. Lae grondvog lei
ook tot laer booropname, omdat boor deur middel van diffusie in
die grond inbeweeg.
Hoogs geloogde suur en sanderige gronde met ‘n lae organiese
materiaalpersentasie (≤1,5%) sal veral lei tot boortekorte, maar
selfs gronde met ‘n hoë kleipersentasie kan boortekorte toon. Die
boorinhoud van plante wissel geweldig tussen spesies en selfs
kultivars, maar ‘n benaderde hoeveelheid van tien tot 50 dele per
miljoen is gewoonlik voldoende vir normale ontwikkeling. Die toe
diening van ‘n booraanvulling vir ‘n gewas moet met sorg gedoen
word, aangesien hoë boorvlakke ook toksies vir plante kan wees.
Die gevoeligheid vir boor wissel ook tussen spesies.
Verskillende praktyke is beskikbaar om boortekorte in gewasver
bouing aan te spreek. Boor kan voor planttyd breedwerpig in ‘n
land uitgespuit word, saam met planterkunsmis (in die vorm van
korrels of as ‘n korrelbedekking). Blaarbespuiting kan ook op spe
sifieke groeistadiums toegedien word. Verskillende vorme van boor
is in die mark beskikbaar met variërende mates van doeltreffend-
heid in terme van opname.
Algemene vorme sluit in boorsuur (X-Treem B Powder) met ‘n
boorinhoud van ongeveer 170 g/kg B, natriumoktaboraat tetrahidraat
(Solubor) met ‘n boorinhoud van ongeveer 205 g/kg B, sowel as
verskeie vorme van organies gekompliseerde vloeistof-boorvorme.
Organiese boorvorme se konsentrasies wissel gewoonlik tussen
60 g/l en 150 g/l (X-Treem B Liquid).
Boor-mobiliteit is swak in die meeste gewasse en die presiese
meganisme van boorbeweging (translokasie) in die plant word nog
ondersoek. Dit is daarom dat boortekorte eerste in die nuwe groei
van gewasse opgemerk word. Die simptome van boortekorte wis-
sel ook tussen spesies. Navorsing het wel getoon dat boor slegs
in die gekompliseerde vorm van suiker-en-amienalkoholverbinding
binne die plant kan beweeg.
Navorsing deur Yoshinari
et al
. (2017) het ook getoon dat die op
name van boorvorme meer doeltreffend is as algemene anorga-
niese boorvorme soos boorsuur deur plantblare. Soos voorheen
genoem, is hierdie organiese boorverbindings in die mark beskik-
baar, maar dit kom gewoonlik teen ‘n premie teenoor anorganiese
vorms. In meeste gevalle kan die premie wel verhaal word deur
verhoogde opbrengste wat deur meer effektiewe boorbemestings
vorme teweeggebring word.
Boor
– ‘n kritiese deel
van gewasverbouing
57