63 / 132
Onkruidbestuur:
Die verskil tussen sukses en mislukking
G
lifosaat is een van die bekendste onkruiddoders in landbou
en is gewild by produsente en tuiniers regoor die wêreld.
Glifosaat se doeltreffendheid is geleë in sy vermoë om
te verhoed dat plante die proteïene vervaardig wat nodig
is vir hul oorlewing. Omdat bykans alle plante hierdie essensiële
proteïene op presies dieselfde wyse vervaardig, het glifosaat ‘n effek
op die meeste plante.
50 jaar gelede, in die vroeë sewentigerjare, het Monsanto in Suid-
Afrika met hoofsaaklik landbouchemikalieë begin handel dryf en een
van die nuwe produkte wat in die mark getoets is, was Roundup
®
.
Hoewel sommige mense aanvanklik skepties was oor die nuwe
breëspektrum-onkruiddoder, het die praktiese resultate, gerugsteun
deur wetenskaplike navorsing, sommer gou alle skeptisisme uit die
weg geruim.
Volhoubare landbouproduksie is vir Monsanto uiters belangrik en
ons probeer alles in ons vermoë om saam met ons kliënte daaraan
te werk om die afskeiding van kweekhuisgasse in die atmosfeer
te verminder. Die koms van Roundup 50 jaar gelede, het die weg
gebaan om verminderde bewerkingspraktyke moontlik te maak
en dit speel steeds ‘n groot rol in die vermindering van grond- en
watererosie, asook in die verdamping van vog uit die grond.
Goeie plaagbeheer en onkruidbestuur is die verskil tussen sukses en
mislukking op die plaas, omdat dit opbrengsverliese bekamp deur
kompetisie tussen die gewas en ongewenste plante uit te skakel.
Onkruiddoders vergroot die opsies vir onkruidbeheer, want die
werking daarvan is minder afhanklik van omgewingsfaktore soos
klimaat en grondsoort, as met meganiese beheer. As die grond te
nat is om te bewerk, kan onkruiddoders toegedien word en juis dan
baie goed werk. Onkruiddoders kan ook deur die besproeiingstel-
sel, of in sekere gevalle met ‘n vliegtuig, toegedien word as die
produk se registrasie dit toelaat.
Die risiko van onkruide wat weerstand teen onkruiddoders opbou,
moet egter bestuur word en die volgende bestuurspraktyke kan
daarmee bystand verleen:
‘n Rekordhoudingstelsel van die onkruiddoders wat op ‘n land
gebruik is.
‘n Onkruidbeheerprogram met teenweerstandstrategieë – wat
wisselbou, hooimaak voor saadstorting en ander praktyke
insluit.
Monitering van die doeltreffendheid van die program en die
aantekening van afwykings.
Hou by die voorgeskrewe aanbevelings en toedieningshoe
veelhede wat op die etiket aangedui word.
Kombineer meer as een onkruiddoder – gebruik onkruiddoders
met verskillende metodes van werking.
Monsanto se tegnologie maak dit vir produsente makliker om bewa
ringspraktyke te volg, want dit bied:
Breëspektrumonkruidbeheer.
Effektiewe beheer van eenjarige en meerjarige grasse en
breëblaaronkruide.
Grootsadige onkruide, soos olieboom, word effektief beheer
– wat lei tot verlaagde kostes en uitskakeling van ongewensde
sade in graanmonsters.
Bewese gewasveiligheid.
Geen stremming op gewasse nie, met die gevolg dat die plant
volle genetiese potensiaal verwesenlik.
Buigsaamheid wat toediening betref.
Effektiewe onkruidbeheer vanaf opkoms tot voor oes.
Onkruidgrootte en nie grondkleipersentasie nie, bepaal die
onkruiddoderdosis en gevolglik word daar ook net gespuit indien
die onkruide teenwoordig is.
Wisselbou-opsies kan ten volle geakkommodeer word.
Chemiese middels word in Suid-Afrika gereguleer volgens bepalings
van die Wet op Misstowwe, Veevoere, Landboumiddels en
Veemiddels (Wet 36 van 1947). Dié wet het baie duidelike voorskrifte
waarvolgens die produkgehalte en werking van chemiese middels
op grond van navorsings- en ontwikkelingsproewe geëvalueer word.
Dit is belangrik om onder geen omstandighede ongeregistreerde
middels te koop of te gebruik nie. Kyk uit vir die L-nommer (hoofletter
L gevolg deur vier syfers, byvoorbeeld L1234) op die etikette van
chemiese beheermiddels. Dit dui aan dat ‘n landbouhulpmiddel
behoorlik geregistreer is. Volgens Wet 36 van 1947 moet die
L-nommer prominent op etikette van alle geregistreerde produkte
aangedui word.
Dit is van kardinale belang om die etiket te lees en die aanwysings
noukeurig na te volg. Nie net vir die beste werking van die produk
wat jy gekoop het nie, maar ook omdat die veiligheid van jou en jou
gesin afhang van die korrekte gebruik van enige chemiese middel.
Raadpleeg ook altyd die produketiket om te verseker dat die pro-
duk korrek toegedien en gebruik word.
61
September 2018
Produkinligting
Fokus
Geïntegreerde plaagbeheer
Magda du Toit,
Monsanto
1: Goeie plaagbeheer en onkruidbestuur
bekamp opbrengsverliese deur kompetisie
tussen die gewas en ongewenste plante
uit te skakel. Produsente kan só staatmaak
op ‘n onkruidvrye land.
2: Die droëlandkultivar, DKC 72-76 BR, se
sleutelkenmerk is sy meerkoppigheid.
Verder kan jy staatmaak op uitstekende
opbrengsprestasie in die oostelike en
westelike streke, vinnige afdroging, uit-
stekende saailingkragtigheid en staanver-
moë. Die baster het oor die algemeen goeie
tot uitstekende siekteverdraagsaamheid.
1
2