28 / 132
September 2018
26
Dít is waarom ek my volle heffing betaal
M
et strooptyd verby en meeste graan gelewer, het
produsente ook getrou hul heffingsbydrae tot Graan SA
gelewer. Daar is egter nog ‘n groot aantal produsente
wat glad nie lid is nie of wel lid is, maar nie bydra tot die
heffingsfonds nie. Produsente is genader om aan medeprodusente
te vertel wat Graan SA vir hom/haar as produsent beteken en ook
waarom produsente tot die heffingsfonds moet bydra.
Graan sa
Dirk Kotze,
ledebemarking- en kommunikasiebeampte, Graan SA
Graan SA-heffings:
Vul die leemte
Help my om weldeurdagte
besluite te neem
Onderhandel namens my
Sien om na my belange
George en Liezel Steyn van Ottosdal som dit só op:
In die huidige klimaat in ons land waar landbounavorsing nie die
voorkeur kry wat dit in ander lande wat voedselsekerheid eerste
stel kry nie, vul Graan SA dié leemte. Bewaringslandbouproewe
wat op verskeie plekke in die land gedoen word, het resultate
gelewer wat selfs die navorsers en die produsente betrokke, laat
besef het dat ons, om volhoubaar te kan boer, ons denke sal moet
vernuwe. Dankie Graan SA vir die rol wat julle speel in samespre
kings met alle rolspelers in landbou – en veral met die regering,
waar die grondkwessie net deur debatvoering opgelos gaan
word. Ons weet watter kritiese rol julle gaan speel.
Dankie dat ek weet die heffingsgelde wat ons betaal, word só
aangewend dat dit tot voordeel van myself en al die produsente
is wat nie betaal nie en tot landbou as geheel se voordeel strek.
Ek wil al my medeprodusente aanmoedig: Kom ons dra almal by,
dan kan ons dít doen wat ons die beste doen en dit is om te bóér.
Dankie Graan SA.
Louis Wessels van Mareetsane se opinie:
Om ‘n lid van Graan SA te wees, is vir my en my boerdery van kardi
nale belang. Die toegang wat ek tot daaglikse markpryse, tendense
en markverslae van kommoditeite sowel as insette kry, help my om
weldeurdagte besluite rakende die verskansing van my produkte te
neem en beplanning vir die nuwe seisoen se aanplantings te doen.
Die eerstehandse inligting wat ek vanaf Graan SA kry – hetsy op ‘n
daaglikse of weeklikse basis – help my om op hoogte te bly van wat
in die landbousektor aan die gang is. Sodoende kan ek my beplan
ning en besluitneming met betrekking tot my boerderyaktiwiteite
aanpas. Die insiggewende artikels wat maandeliks in die
SA Graan/
Grain
-tydskrif verskyn, bevat voldoende en leersame inligting vir my
om in my boerdery toe te pas.
Nog ‘n faset van my boerdery waarin Graan SA ‘n groot rol speel,
is die dieselrabat. Ons as produsente weet dat die dieselrabat
die enigste voordeel is wat ons vanaf ons regering ontvang en
Graan SA help ons om te verseker dat die voordeel vir ons behoue
Dirk Laas van Ottosdal sê:
Landbou in Suid-Afrika is waarskynlik een van die sektore wat die
meeste aan politieke, ekonomiese en natuurveranderinge blootge
stel is. Die kennis wat daar van jou as produsent vereis word om
suksesvol voort te bestaan, is so uiteenlopend dat tyd om aan jou eie
boerdery te spandeer, ‘n faktor raak.
Die heffing op my graan hanteer ‘n faset van my boerdery wat ek as
individu nie op my eie sou kon behartig nie. Agter die skerms finan
sier ons bevoegde mense om namens ons as produsente te onder
handel en ons belange en dié van Suid-Afrika eerste te stel.
Kontak ons
Graan SA bedank elke produsent vir sy bydrae. Indien produsente
onseker is of hulle wel tot die heffingsfonds bydra en/of ‘n nuwe
lid van Graan SA wil word, kan hul Patricia Mahlatsi (012 816 8000),
Dirk Kotze (082 492 3313) of Luan van der Walt (072 476 9365)
skakel.
Louis en Sanet Scheepers van Buitendag Boerderye Eiendomme,
Thabazimbi, sien dit soos volg:
Die graanprodusent van vandag is vasgevang in ‘n kosteknyptang.
Daarom moet die winsgewendheid van sy onderneming geoptimali
seer wees. Graanprodusente moet deel wees van landbou-organisa
sies wat na hul belange omsien. Graan SA is só ‘n organisasie wat die
belange van die graanprodusent eerste stel.
Ons boerdery, wat lid is van Graan SA, kry ‘n legio voordele wat
‘n bydrae lewer tot die volhoubaarheid van ons onderneming.
Graan SA het ‘n dieselrabat, wat tot ons voordeel is, met die
regering beding. Die kwaliteit van insette en uitsette word ook deur
Graan SA gemonitor deur gereeld steekproewe by verskaffers en
leweringspunte van grane te doen. Dit is maar enkele voorbeelde van
voordele wat ‘n lid van Graan SA kry. Dit hou vir graanprodusente
‘n magdom voordele in om hul ledegelde en graanheffings te betaal.
Die jaarlikse NAMPO Oesdag maak dit vir ons moontlik om bloot
gestel te word aan die nuutste landboutegnologie – en dat ons dit
eerstehands ervaar. Ons kry ook gratis toegang tot die NAMPO-
terrein en kan in die ledeparkeerarea parkeer. Ons word hartlik in die
ledelokaal ontvang met ‘n koppie koffie en ‘n eetdingetjie. Ons gaan
ontspan ook daar nadat ons voete seer geloop is op die skouterrein.
Ek raai al my medegraanprodusente aan om lid te word van
Graan SA – en die bestaande lede om by te dra tot die heffingsfonds.
bly. Graan SA is ‘n organisasie waarop ek as landbouer en my mede
landbouers trots kan wees.