14 / 132
September 2018
12
9: Die Van As-boerdery is op sterk finansiëlebestuursbeginsels geba-
seer; beplanning word deeglik en realisties gedoen en aan ekonomiese
norme gekoppel. Die broers is finansieel goed gedissiplineerd en voel
sterk daaroor dat getekende finansiële state na afsluiting van die
boekjaar op 31 Augustus, teen begin Desember beskikbaar moet wees.
Verder word maandelikse kontantvloeistate voorberei, tesame met
bestuurstaatontledings, gekoppel aan die boerdery se beplanning. Dié
beplanningsdokument is dié belangrikste dokument op die plaas en sit
onder meer die begrotings uiteen, wat gewasse, opbrengste, insette,
weidingsverhoudings en fyn besonderhede oor die getal teelooie,
bemarkbare lammers en wol spesifiseer. Dit verskaf voorts die totale
boerderykoste vir graan, vee en weidings, sowel as produksiewaardes,
meganisasiedata, graankomponentinligting, huur en uitgawesentrums.
Van As Broers is ook deel van die Swellendam/Heidelberg Finansiële
Studiegroep en het toegang tot beide ontledings van deelnemende
produsente, sowel as die drie- en vyfjaar-skuiwende gemiddeldes.
Rekordhouding is van kardinale belang en verskeie rekenaarstelsels
en rekordhoudings word ingespan. Bestuursbeplanning en -evaluering
word kwartaalliks gedoen en aanpassings aangebring soos en waar
nodig. ‘n Volledige rotasieprogram vir wisselbou – met al die plase
en kampe – is elektronies beskikbaar, met data vanaf 2011 en vooruit
bereken tot 2021.
10: Van As Broers het meer as 40 arbeiders in diens en die arbeidsmag
word van onskatbare waarde geag – en as die boerdery se grootste
bate gesien. Alhoewel arbeidskoste ‘n groot kostefaktor is, is ‘n tevrede
arbeidsmag absoluut noodsaaklik en voltydse arbeiders word volgens
meriete, bekwaamheid en diensjare vergoed. Arbeiders vorm ‘n integrale
deel van die bestuur
en besluitneming
geskied deur middel
van weeklikse ske
dulebesprekings met
afdelingsbestuurders,
sowel as daaglikse
kommunikasie deur
middel van terugvoer
en verslagdoening. Elkeen in die boerdery het sy spesialiteit, aangesien
almal nie alles kan doen nie en die broers vertrou mekaar ten volle. Die
vier bestuurders op die plaas speel elk ‘n belangrike rol en moet besluite
binne die neergelegde raamwerk kan neem. Arbeiders is net so goed
soos wat die plaaseienaars is; dit is vir die broers belangrik om erken-
ning vir goeie werk te gee.
11: Johan en Dirkie speel albei leidende rolle in landbou-organisasies,
sowel as in hul gemeenskap. Bo en behalwe verskeie direksie- en
bestuursposte is verskeie toekennings deur die boerdery ontvang,
insluitend die 2004 Skaapboer van die Jaar-finalis en ‘n 2012 SOILL-
erkenning vir bydrae tot Southern Oil se sukses as grootste produsent
van kanolasaad. Die Van As-Broers voel sterk daaroor dat landbou
die hoeksteen van die Suid-Afrikaanse ekonomie is en glo dat ‘n sterk
landbousektor, gedryf deur positiwiteit wat stabiliteit, volhoubaarheid
en voedselsekerheid eerste stel, die sleutel tot sukses is. Hulle glo dat
grond ‘n goeie belegging bly. Hulle is positiewe mense en alhoewel daar
altyd uitdagings en opslagballe van alle kante sal kom, moet produsente
steeds daarna streef om doeltreffend te produseer.
10
11
9
Van Zyl Familietrust
Ladybrand
1: Theo van Zyl se pa is oorlede toe hy slegs
vier jaar oud was en sy ma het as koshuis-
moeder gaan werk om die pot aan die kook te
hou. Haar droom en belofte aan kleine Theo
was dat sy hul eendag die geleentheid sou gee
om te boer en sy het hard gewerk om soveel
as moontlik te spaar. Die Van Zyl-seuns het
swaar grootgeword, maar twaalf jaar later
kon hulle ‘n deposito op 200 ha grond op
Ladybrand neersit en Theo het in die laat
1960’s, tydens sy eerste jaar van onderwys
kollege, plaas toe gegaan om te gaan boer.
Hulle moes sonder arbeiders klaarkom en het
alles self gedoen.
Tans is die Van Zyl Familietrust ‘n uiters
suksesvolle boerdery en daarby kon Theo al
twee sy seuns laat deel in sy droom. Dit het
opoffering, harde werk, bloedsweet en genade
vereis om dit reg te kry. Cobus het sommer
reeds as klein seuntjie saam met sy pa alles op
die plaas gedoen. As hoërskoolleerling het hy
elke moontlike geleentheid gebruik om eerder
plaas toe te gaan – op voorwaarde dat hy sy pa
kon help boer. In 2001 het Cobus amptelik be-
gin boer – met ‘n voorliefde vir die saaivertak-
king op die plaas Priarie. Die trotse Van Zyls:
Chantelle, Cobus, Gerda, Theo (sr) en Theo (jr).
Paulette, Theo jr se eggenote, was nie by toe
die foto geneem is nie.
1
lede-landskap