10 / 132
Graanproduksie op
gesofistikeerde wyse aangepak
Alzena Gomes,
skakelbeampte, Graan SA
Lede-landskap
‘n 180°-blik op ons lede en tak-akt iwiteite
Graan SA/Syngenta Graanprodusent van die Jaar-finaliste
September 2018
8
m
et vol gepakte tasse en ‘n stywe skedule het
die beoordelingspaneel in Julie vir die jaarlikse
besoeke aan die Graanprodusent van die Jaar-
finaliste vertrek. Ons stel met trots hierdie jaar
se uitnemende graanprodusente aan ons lesers
voor – afkomstig van Swellendam in die Wes-
Kaap, Ladybrand in die Vrystaat en Middelburg in die Oos-Kaap.
Die bekendmaking van die wenner van dié titel vind op 12 Oktober
vanjaar in Midrand plaas. Die kompetisie is reeds in sy 19de jaar
en is ‘n ongelooflike vertoonvenster vir die uitmuntende graanpro
dusente van Suid-Afrika.
Tydens die beoordelingsproses word die produsente deur ‘n
kundige paneel van beoordelaars besoek, wat onder meer ‘n agro-
noom, ‘n landbou-ekonoom en ‘n grondkundige insluit, asook
graanprodusente wat op Graan SA se Hoofbestuur dien.
Alhoewel die finaliste diversifiseer, word klem gelê op effektiewe
en doeltreffende verbouing van graan en word die primêre
beoordeling uitsluitlik op graanproduksie gedoen. Produsente
se doeltreffendheid en effektiwiteit word gemeet aan verskeie
kriteria, wat onder meer agronomie, hulpbron-, finansiële- en
bemarkingsbestuur insluit. In ooreenstemming met Graan SA
se strategiese doelwitte, is produsente se betrokkenheid in die
gemeenskap en beleidsomgewing ook belangrik. Verder word
produksiepraktyke, plaag- en onkruidbeheer, meganisasie en ar
beidsbestuur ook geëvalueer.
Dit is vir Graan SA uiters belangrik om aan graanprodusente
erkenning vir uitnemendheid te gee. Suid-Afrika het goeie produsen
te wat kán, maar – belangriker vir die organisasie – is om die beeld
van die graanprodusent na buite op te bou; om die beeld van landbou
en produsente, maar spesifiek die standaard van graanproduksie
plaaslik, te beklemtoon.
Die breër publiek is onbewus van wat dit vereis om ‘n suksesvolle
produsent te wees – van wat ingesit word, waar produsente
vandaan kom, waarmee hul begin het, en op watter gesofistikeerde
wyse graanproduksie aangepak word. Dié toekenning dien ook as
inspirasie vir die jonger geslag produsente – en ons vertel stories
wat inspireer, die standaard stel en beklemtoon dat die sukses van
nou eintlik in niemand se skoot geval het nie.
Dit is, om die minste te sê, aangrypende stories. Geniet die uitstap
pie na ons 2018-finaliste en hou gerus die November-uitgawe van
die tydskrif dop vir ‘n blik op die galatoekenningsaand vol swier
en prag.