10 / 116
Oktober 2018
8
Alzena Gomes,
skakelbeampte, Graan SA
Lede-landskap
‘n 180°-blik op ons lede en tak-akt iwiteite
Man, dis lekker innie Kaap!
S
ó ’n skouspel het die Overberg lanklaas gesien en só ’n
landlappieskombers van groen, bruin en geel het die
NAMPO-span nog nie beleef nie! Dit was maar net die heel
eerste aanbieding van NAMPO Kaap op Bredasdorp Park.
Met die ondertekening van ’n samewerkingsooreenkoms met
Bredasdorp Park NPC vroeg in die jaar, het die NAMPO-span op
Bothaville reggemaak om ’n topgehalte landboutentoonstelling
van dieselfde kaliber as die Oesdag van 12 tot 14 September in die
Overberg aan te bied.
NAMPO Kaap het afgeskop in ’n winderige en koue week, maar dit
het geen produsent van die skou weggehou nie. Die Graan SA-
ledelokaal was dié plek om gesien te wees en het as platform gedien
waar Graan SA-lede kon ontmoet, ontspan en ware Kaapse gasvry
heid geniet. Die ledelokaal vorm deel van die Absa Events Centre,
tesame met die BBP- en Media-lokale, sowel as die Absa-BBP-lokaal.
Die uiteensetting het ideale netwerkgeleenthede aan produsente
verskaf en die jongste nuus met betrekking tot plaasaktiwiteite kon
uitgeruil word, met ’n stomende koppie cappuccino, geborg deur
John Deere Financial, in die hand.
Graan SA se bestuurspan, wat goed verteenwoordig was, kon
sodoende uitstekende geleenthede benut om met produsente,
agente, akademici en sleutelrolspelers te skakel. Die ledelokaal was
bedrywig en die gesprekke insiggewend.
Nog ’n eerste vir Kaapse produsente was die aanbieding van die
gewilde
Nasie in Gesprek
-reeks. Die eerste bespreking met die tema
“Hoe om nuwe energie in landbou te skep”, het ’n ervare paneel
kundiges aan die woord gestel, wat mnre Francois Strydom (HUB
van die Senwes Groep en voorsitter van Agbiz), Jannie de Villiers
(HUB van Graan SA), Alan Winde (Minister van Ekonomiese Sake in
die Wes-Kaap), Chris Burgess (redakteur van
Landbouweekblad
) en
André Uys (HUB van Acorn Agri & Food Groep en Overberg Agri)
ingesluit het. ’n Sessie oor die rol van intensiewe veeboerdery in
volhoubare vleisproduksie het die eerste dag afgesluit.
Dag twee se gesprek – ’n indringende bespreking oor die toekoms
van die garsbedryf – is deur De Villiers gelei. Die paneel, wat
mnre Josh Hammann (direkteur van Agro Development Africa for
AB InBev [Suid-Afrika se grootste brouery), Erenst Pelser (HUB van
SSK), RD Erasmus (voorsitter van die Gars Spesialiteitskomitee)
en Gert Claasen (kommersiële garsprodusent en lid van die Gars
Spesialiteitskomitee) ingesluit het, het insig in die kompleksiteit
van die garsbedryf verleen en die verskeie unieke uitdagings, onder
meer opberging en verbouing, uitgelig.
Die volgende tema onder die loep was die ondersoek na opleiding
en opleidingsinstansies in landbou. Die week is gepas afgesluit
met ’n gesprek gefokus op die jeug. Gasheer Theo Vorster het die
lewendige paneelbespreking met onder andere dr Dirk Strydom
(bestuurder: Graanekonomie en Bemarking, Graan SA), mnre André
’n Arendsblik van hoe dit by die eerste NAMPO Kaap gelyk het en wie
en wat daar was. Kyk uit vir meer foto’s oor dié geleentheid in ons
November-uitgawe.