79 / 116
Deur dié uitdagings aan te spreek, verseker hy dat die trekkers en
werkers so effektief en doeltreffend moontlik funksioneer. Voorts
het hy oor tyd sy trekkers se werkverrigting gemeet en het hy nou
‘n akkurate norm van wat die trekkers op sy plaas behoort te verrig.
Presisieboerdery
Om net op vaste koste te konsentreer, kan tot ‘n misoes aanleiding
gee. Van Wyk maak van presisieboerdery gebruik om die wins-
gewendheid van die besigheid te verhoog en presisieboerdery begin
by die bestuur van die grondhulpbron.
Die fisiese grondkartering en realistiese opbrengsmikpunte is
die basis van die graanverbouing in hierdie besigheid. Gronde
se potensiaal asook die hoeveelheid water in die profiele is die
grondslag vir die bemestingsaanbevelings, asook die verwagte
opbrengste per hektaar.
Danksy die chemiese kartering van lande, word die korrekte
voedingstowwe op die regte plek toegedien. Die kalk word ook
presies toegedien en hiervoor maak hy van kontrakteurs gebruik.
Alhoewel dit duurder is as wat hy dit self sou doen, haal dit die
druk tot ‘n groot mate van die bestuurders af, aangesien hulle in dié
tyd op ander aspekte moet fokus. Bemesting, plantestand, kultivars
en ander verbouingspraktyke word aangepas by die potensiaal van
elke land.
Van Wyk het moeite gedoen om die werking van insette te bestu-
deer en om seker te maak dat hy deeglik verstaan waarmee hy besig
is. Sy bemestingsprogram word in die fynste besonderhede in
samewerking met insetverskaffers beplan en geïmplementeer.
Die onkruiddoder- en plaagdoderprogram word op dieselfde ma-
nier bereken en beplan. Of die onkruid chemies of meganies beheer
gaan word, hang af van watter een meer bekostigbaar is.
2: Planttyd moet alles vlot verloop. Hier word die minimum trekkers en implemente gebruik om die werk gedoen te kry. Deur die planters so min as
moontlik te laat staan, kan die meeste hektare per dag geplant word.
3: Presisietegnologie word gebruik om die effektiwiteit van trekkers en toerusting te verhoog. Die tegnologie maak dit ook moontlik om meer as een
span drywers aan te wend en sodoende die hoeveelheid hektare per 24 uur bewerk, te verhoog.
4: Jong mielies aan die opkom. Presisietegnologie maak dit moontlik om die gewasse só geplant te kry en dat die vorige gewas se stoppels die jong
saailinge kan beskerm.
5: Deur die implemente op die plaas in stand te hou en te pasmaak vir hierdie boerdery se vereistes, word enorme kostes bespaar en die effektiwiteit
van die boerdery verhoog.
6: Strooptyd by die Van Wyks. Ten einde die stroper ten volle te kan benut, moet daar genoeg kapasiteit beskikbaar wees om die gestroopte graan te
berg totdat die vragmotors dit wegry.
6
3
4
2
5
77
March 2018