45 / 52
43
December 2018
“Suid-Afrikaanse produsente is nie op hul
eie nie, al voel dit dalk vir hulle so,” sê die
uitvoerende voorsitter van African Rain-
bow Minerals, mnr Patrice Motsepe. Hy het
as gasspreker by Agri SA se jaarkongres
in Pretoria gesê swart én wit produsente
word deur moord en misdaad geraak en dit
wat politici en die regering daaroor te sê
het, maak nie sin nie.
“Vir ons as Suid-Afrikaners het die waar-
heid en dit wat ons in die praktyk ervaar, ’n
wesenlike invloed op die manier waarop ons
dinge sien en of ons moed vir die toekoms
het of nie. Die feite is vanselfsprekend en ek
is nie ten gunste van leë motiveringsbood-
skappe nie,” sê Motsepe.
Motsepe, ’n mynmagnaat wat onder van
die wêreld se rykste mense tel en self ’n
derde-geslag-produsent is, het verder ge-
sê dat ten einde Suid-Afrika se uitdagings
te oorkom moet ons, soos ander sukses-
volle lande in die wêreld, ’n wetlike en
regulerende omgewing skep waarin die
private sektor vertroue het om te belê. Hy
het ook gesê almal in Suid-Afrika sal moet
saamwerk om te verseker dat die gemargi-
naliseerdes en diegene sonder hoop, in die
ekonomie ingesluit word.
“Hierdie land het geen toekoms nie; nie-
mand van ons het ’n toekoms nie; die elite
van hierdie land, wat my insluit, het geen
toekoms as ons nie ’n toekoms van inklu-
siwiteit skep vir diegene wat gemargi-
naliseer en werkloos is nie," het hy gemaan.
“Diegene wat die parlementêre besprekings
oor grondhervorming gesien het, moes
die gevoel van uitsluiting wat sommige van
die deelnemers voel, ervaar het.”
Hy het egter bygevoeg dat enige inisiatief
wat daarop gemik is om die boerderysek-
tor te verander – hetsy privaat of deur die
regering – kommersieel georiënteerd moet
wees.
“Elke produsent, swart en wit, sowel as alle
deelnemers aan die landbou-ekonomie,
moet voel dat die bedryf ’n toekoms het en
dat hulle reg op grond en bates beskerm
sal word. Dit maak nie saak wat politici dink
nie,” aldus Motsepe.
Hy het verder daarop gewys dat die sukses
van swart en wit produsente, sowel as die
breëre landboubesigheidsektor, intrinsiek
aan mekaar gekoppel is en afhanklik is van
alle produsente en beleggers wat vertroue
in die toekoms van die landboubedryf het.
Gevolglik moet die regering en die hele
landbousektor daaraan toegewyd wees om
te verseker dat ons ’n beduidende aantal
swart produsente het wat voordeel uit die
landbousektor trek. Hy het Agri SA geprys
vir sy inisiatiewe om transformasie in dié
verband te bewerkstellig.
“Ek is vol vertroue dat wanneer Suid-Afri-
kaners oor tien jaar weer die groot uitda-
gings wat die land tans in die gesig staar
evalueer, hulle sal praat oor die manier
waarop dit aangespreek is,” het Motsepe
gesê.
Motsepe het afgesluit deur te sê dat geen
politieke party in enige land onbepaald aan
die stuur van sake sal bly as dit nie geleent-
hede en werk vir die gmarginaliseerdes
geskep het nie.
SA-produsente is nie op hul eie
Patrice Motsepe word deur Dan Kriek
bedank vir sy bydrae as gasspreker by
die onlangse Agri SA Kongres.
3: Kongreslede het hul insette oor Agri SA se mandaat ten opsigte van grondhervorming gegee. Hier is Daan Venter van
Vrystaat Landbou aan die woord.
4: Die Agri Securitas Trustfonds maak staat op skenkings ten einde ’n bydrae te lewer tot beveiligingsprojekte in landelike gebiede.
Daar is tydens die kongres weer ruimskoots bygedra tot hierdie organisasie. Japie Grobler (voorsitter, Agri Securitas Trustfonds)
en Gerhard Diedericks (hoof: Santam Landbou).
3
4